හිරාන් ප්‍රියංකර ජයසිංහ

නොරෝච්චෝල ලක්විජය බලාගාරයෙන් සොරකම් කරන ලද ලක්ෂ 14 ක තඹ කම්බ් තොගයක් සමඟ සැකකරුවන් 6 දෙනෙකු අද (10) අත්අඩංගුවට ගත් බව නොරෝච්චෝල පොලිසිය පවසයි.

අත්අඩංගුවට ගත් සැකකරුවන් හය දෙනා වයස අවුරුදු 19, 20 ,30 ,32 යන වයස්වල පසුවන්නෝ වෙති.

මොවුන් මාම්පුරිය සහ දළුව ප්‍රදේශයේ පදිංචිකරුවන් වන බවත් අත්අඩංගුවට ගත් සැකකරුවන් පිරිසෙන් කීපදෙනෙකු ලක්විජය බලාගාරයේ අනියම් පදනමට රැකියාව කරන පිරිසක් බවද අනෙක් පිරිස අදාළ ගම්මානවල පදිංචිකරුවන් වේ.

කලක පටන් අත්අඩංගුවට ගත් සැකකරුවන් තඹ කම්බි ජාවාරමේ නිරත වී ඇති බවත් තඹ කම්බි තිබු ස්ථානයේ රැදී සිටිමින් අත්අඩංගුවට ගත් සැකකරුවන් අතරින් එක් අයකු කම්බි සොරෙන් පිටතට රැගෙන යාමට කටයුතු කරමින් සිටියදී බලාගාර ආරක්ෂක අංශ මගින් අත්අඩංගුවට ගෙන නොරෝච්චෝල පොලිසියට බාර දීමට කටයුතු කළ බවයි.

සැකකරුවන්ගෙන් ප්‍රශ්න කිරිමේදී තඹ කම්බි ප්‍රවාහනයට යොදා ගත් ලොරි රථයක් පලාවිය පරණ යකඩ මිලදී ගන්නා ස්ථානයකට අලෙවි කර තිබු තවත් තඹ කම්බි තොගයක් අත්අඩංගුවට ගැනීමට හැකිවු බවත් මෙම සියලුම තඹ කම්බිවල වටිනාකම රුපියල් ලක්ෂ 14  ඉක්මවන බවද පොලිසිය පවසයි.