(ඩයනා උදයංගනී)
 

ශ්‍රී ලාංකිකයින් දෙදෙනකු අතින් නිර්මාණය කෙරුණු මෙරට පළමු චන්ද්‍රිකාව වන රාවණා 01 චන්ද්‍රිකාව මගින් ලබාගත් පළමු ඡායාරූප පෙළ මේ වන විට නිකුත් කර තිබේ.
 
පෘථිවියට කිලෝමීටර් 400ක් දුරින් පිහිටි කක්ෂයේ සිට එම චන්ද්‍රිකාව මගින් ලබාගෙන ඇති ඡායාරූපවල ශ්‍රී ලංකාව ද සටහන්ව තිබේ.
 
ආතර් ශ්‍රී ක්ලාක් ආයතනයේ පර්යේෂණ ඉංජිනේරුවන් දෙදෙනෙකු වන තරි`දු දයාරත්න සහ දුලානි චාමිකා විසින් මෙම චන්ද්‍රිකාව නිර්මාණය කළහ.
 
ඒ ජපානයේ කියුෂු තාක්‍ෂණ ආයතනයේ සහයෝගීතාව යටතේ ක‍්‍රියාත්මක කෙරෙන ‘බර්ඞ්ස් 3’ චන්ද්‍රිකා ව්‍යාපෘතිය වෙනුවෙනි.
 
තරිදු දයාරත්න මහතා පේරාදෙණිය විශ්වවිද්‍යාලයෙන් විදුලි සහ විද්‍යුත් ඉන්ජිනේරු උපාධිය හදාරා ආතර් සී. ක්ලාක් මධ්‍යස්ථානයේ පර්යේෂණ ඉංජිනේරුවරයෙකු ලෙස සේවය කරන අතර දුලානි චාමිකා විතානගේ මෙනවිය තායිලන්තයේදී විද්‍යුත් යාන්ත‍්‍රික ඉන්ජිනේරු තාක්ෂණය හදාරා ආතර් සී. ක්ලාක් මධ්‍යස්ථානයේ සේවයට එක්ව ඇත.
 
රාවණා 1 චන්ද්‍රිකාව මගින් සිදුකිරීමට අපේක්ෂිත ක‍්‍රියාදාමයන් සංඛ්‍යාව පහක් වන අතර ශ‍්‍රී ලංකාවේ සහ ආසන්න කලාපයේ ඡායාරූප ගැනීම, ඉදිරි චන්ද්‍රිකාවලදී භාවිතයට ගැනීමට නියමිත ‘ලෝරා මොඩියුල්’ නම් දත්ත බාගත කිරීම සහ චන්ද්‍රිකාව පාලනය කිරීම සඳහා යොදා ගැනීමට නියමිත මෘදුකාංගයක් අත්හදා බැලීම ඒ අතර වේ.