( දයාරත්න ඇඹෝගම සහ බී.ජී චතුරංග )


ප්‍රසිද්ධ කිරිපිටි සමාගමකට සපයන ලද කිරි සදහා ලැබිය යුතු මුදල් ඉල්ලා අනුරාධපුර දිස්ත්‍රික්කයේ කිරි ගොවින් දහසකට අධික පිරිසක්  අද (03)  එම ආයතනයේ  අනුරාධපුර ප්‍රාදේශිය කාර්යාලය වටලා එහි නිලධාරින් සිර අඩස්සියට ගත්තේය.

අනුරාධපුර දිස්ත්‍රික්කයේ මැදවච්චිය,කැබිතිගොල්ලැව, කහටගස්දිගිලිය, ඹාවැව, නොච්චියාගම යන ප්‍රාදේශ වලින් අනුරාධපුරයට පැමිණි කිරි ගොවිහු දහසකට අධික පිරිසක් අද(03) පෙරවරුවේ අනුරාධපුර පොදු වෙළද පොලේ සිට මෛත්‍රිපාල සේනානායක මාවත දිගේ ගොඩගේ මාවත දක්වා විවිධ සටන් පුවරුද ප්‍රදර්ශනය කරමින් කිරි සදහා හිග මුදල් ලබාදෙන ලෙසට බල කරමින් පැමිණ එම  සමාගමේ ප්‍රාදේශිය කාර්යාලය වැටලීය.

 

 එහිදී  අදහස් දක්වමින් එම ආයතනයේ ප්‍රාදේශිය කළමණාකරු නදුන් වේලාරත්න මහතා කියා සිටියේ මේවන ලබාදිය යුතු වාරික තුනකින් ජුලි මස එක් වාරිකයක් මේ වන විටත් කිරි ගොවියන්ගේ බැංකු ගිණුම වල තැන්පත් කර ඇති බවයි.

එහෙත් ඊට එකඟ නොවු කිරි ගොවින් ඉල්ලා සිටියේ තවත් එක් වාරියක් හෝ තම ගිණුම්වල තැන්පත් කරන ලෙසයි.එසේ නොමැති වුව හොත් තමන් මෙම ස්ථානයෙන් පිටව නොයන බවද ඔවුහු පැවසුහ.

 අනතුරුව  දෙපාර්ශවය අතර පැවැති සාකච්ඡාවෙන් පසු  උද්ඝෝෂකයින්ගෙ ඉල්ලීම් ලබා දෙන බවට කළ ඉල්ලීම් වලින් අනතුරු උද්ඝෝෂණය අවසන්  කෙරෙිණි.