රෝගාතුර වී රෝහල් ගත කළ දැරිය පස්මස් ගැබිණියක්

(අනීෂා මානගේ)

ඖෂධ වර්ගයක් පානය කිරීම නිසා රෝගාතුර වී තංගල්ල මූලික රෝහලට ඇතුළත් කළ බාලවයස්කාර දැරියක පස්මස් ගැබිණියක් බව රෝහලේදී අනාවරණය වී ඇත. 

මෙලෙස රෝහල්ගත කර ඇත්තේ වයස අවුරුදු පහලොවක දැරියකි.

පසුගිය 01 දින කිසියම් ඖෂධ වර්ගයක් පානය කිරීම නිසා රෝගාතුර වූ දැරිය බෙලිඅත්ත දිස්ත්‍රීක් රෝහලට ඇතුළත් කර ඇති අතර පසුව ඇය වැඩිදුර ප්‍රතිකාර සඳහා තංගල්ල මූලික රෝහලට මාරුකර යවා තිබේ.

මෙම දැරිය ලිංගික අපයෝජනයට ලක්කළේ යැයි සැකකරන පුද්ගලයා අද (03) බෙලිඅත්ත පොලිස් ස්ථානයේ නිලධාරීන් අත්අඩංගුවට ගෙන ඇති අතර මොහු 34 හැවිරිදි අයෙකි.