(ඉන්දිකා රාමනායක, ජුඩ් සමන්ත)
 
යාපනය නල්ලුර් ප්‍රදේශයේ දී පසුගිය දා වෙඩි ප්‍රහාරයට ලක්ව මිය ගිය උප පොලිස් පරික්ෂක  සරත් ප්‍රේමචන්ද්‍ර මහතාගේ බිරිඳ නැවත පොලිස් සේවයේ පිහිටවීමට ජාතික පොලිස් කොමිසම අද (4) අනුමැතිය ලබාදී ඇත.

සේවයට වාර්තා නොකිරිම හේතුවෙන් මීට වසර පහකට පමණ ඉහත දී  සේවය අතහැර යාමේ නියෝග ලැබ සිටි උප පොලිස්  පරික්ෂකගේ බිරිඳ සානුකම්පිත හේතුන් ලෙස සළකා නැවත සේවයේ පිහිටවන ලෙසට පොලිස්පතිවරයා ජාතික පොලිස් කොමිසමෙන් කළ ඉල්ලීමකට  අනුව එම අනුමැතිය හිමිවි තිබේ.

යාපනය මහාධිකරණ විනිසුරු ඉලංගචේලියන් මහතාගේ පෞද්ගලික ආරක්ෂක නිලධාරියා වශයෙන් කටයුතු කරමින් සිටිය දී  උප පොලිස් පරික්ෂක සරත් ප්‍රේමචන්ද්‍ර මහතා  ඉකුත් දා  22 වැනි දා නල්ලුර් හි මිය ගියේය.