යුද හමුදාවේ 565 ක් උසස්වීම්

(ඉන්දිකා රාමනායක)

2021 වසර උදාවත්ම ජනාධිපති ගෝඨාභය රාජපක්ෂ මහතා විසින් යුද හමුදාවේ ජ්‍යෙෂ්ඨ නිලධාරීන් ඇතුලු 565 දෙනෙක්ට උසස් වීම් ලබා දී ඇති බව යුද හමුදා මුලස්ථානය පවසයි.

මෙම පිරිස අතර බ්‍රිගේඩියර් නිළයේ සිටි පස් දෙනෙකු මේජර් ජෙනරාල් නිළයට උසස් කර ඇති බවත් බ්‍රිගේඩියර් නිළයේ සිටි මනෝජ් ළමාහේවා, අජිත් දිසානායක, ධම්ම හේවගේ, මංජුල කරුණාරත්න ,ලාල් චන්ද්‍රසිරි යන මහත්වරුන් මෙලෙස මේජර් ජනරාල් නිලයට උසස් කර ඇත.

මේ අතර යුද විශේෂ බලකායේ 24 වන සංවත්සරයට සමගාමීව විශේෂ බලකායේ සෙසු නිළයින් 560 දෙනෙකු උසස් කර ඇති බවද හමුදාව පවසයි.

මේ පිරිස අතර බලලත් නිලධාරී 1 නිළයට දෙදෙනෙක්, බලලත් නිලධාරීන් 11 නිළයට 18 දෙනෙකු, මාණ්ඩලික සැරයන් නිළයට 61 දෙනෙකු, සැරයන් නිලයට 84 දෙනෙකු, කෝප්‍රල් නිලයට 325 දෙනෙකු, ලාන්ස් කෝප්‍රල් නිළයට 70 දෙනෙකු වශයෙන් මෙම පිරිස උසස් කර ඇති බවද හමුදා වැඩිදුරටත් පවසයි.

අදහස් (1)

යුද හමුදාවේ 565 ක් උසස්වීම්

Rata Perata Saturday, 02 January 2021 08:17 AM

මේ වෙලාවේ කළ යුතුම වැඩක්. නන්දසේන නියමෙට කරනවා. රෙස්පෙක්ට් සර්.

: 0 0