රොමේෂ් මධුෂංඛ

 

මන්නාරම, මුහුදු සීමාවේ මසුන් අල්ලමින් තිබූ බෝට්ටුවක සිදුවු පිපිරීමකින් පුද්ගලයකු ජිවිතක්ෂයට පත්ව තවත් පුද්ගලයින් තිදෙනෙකු තුවාල ලබා රෝහල් ගත කර  ඇති බව මන්නාරම් පොලිසිය පවසයි.

මන්නාරම පොලිසිය පැවසූවේ 31 වැනිදා රාත්‍රියේ මන්නාරම පල්ලිමුනෙයි ප්‍රදේශයෙන් මුහුදු ගිය ධීවරයින් පිරිසක් එලෙස අනතුරට ලක්ව ඇති බවයි.

අනතුරින් මන්නාරම පල්ලිමුනෙයි ප්‍රදේශයේ පදිංචි ජෙසු රන්ජිත් නමැති 39 හැවිරිදි පුද්ගලයෙකු ජිවිතක්ෂයට පත්ව ඇති අතර, ඒ.ඒ.සිත්ති ප්‍රිකාඩෝ නමැති 35 හැවිරිදි පුද්ගලයකු,එම්.ඔගස්ටින් ප්‍රිකාඩෝ නමැති 26 හැවිරිදි පුද්ගලයකු,ඇන්තෝනි ප්‍රිකාඩෝ නමැති 39 හැවිරිදි පුද්ගලයකුද තුවාල ලබා ඇති බවද මන්නාරම් පොලිසිය කියයි.

පොලිසිය පැවසූවේ අදාළ පුද්ගලයින්ගේ මළ සිරුරු හා තුවාල ලැබූවන් ගොඩබිම වෙත පැමිණීමෙන් පසුව තුවාලකරුවන් රෝහල් වෙතට මාරුකර යැවීමට පියවර ගත් බවටයි.

මියගිය පුද්ගලයාගේ මළසිරුර මන්නාරම‍ රෝහලේ පශ්චාත් මරණ පරීක්ෂණ වෙනුවෙන් තැන්පත් කර ඇත.

ධීවර කටයුතුවල නිරත වූ අනෙක් ධීවරයින් කියාසිටියේ මසුන් ඇල්ලීමට යෙදු ඩයිනමයිට් පිපිරීමෙන් මෙම අනතුර සිදුවන්නට ඇති බවට සැක පළ කරන බවයි.