(රංජිත් රාජපක්ෂ)


මස්කෙළිය  ප‍්‍රාදේශිය සභාවේ  සභාපති  හා උප සභාපතිවරයා තේරීම සඳහා අද (28)  පැවැති  ජන්ද විමසීමේදී සභාවේ දැඩි නොසන්සුන් කාරී තත්ත්වයක්  ඇති විය.

එක්සත් ජාතික පක්ෂයෙන්  සභාවට තේරි පත්වි ඇති මන්ති‍්‍රවරියක් සභාවට නොපැමිණිම හේතුවෙන්  ඇය ප‍්‍රතිවිරුද්ධ කණ්ඩායමක් විසින්  සඟවා ඇති බව  එක්සත් ජාතික පක්ෂයේ පලනි දිගමිබරමි මහතාගේ ආධාරකරුවන්ගෙන් එල්ල වු  චෝදනාවක් සමඟ මෙම  ගැටුම්කාරී තත්ත්වය උද්ගත විය. 

ඡන්දය පැවැත්වෙන ස්ථානයට හා පොලීසියට ගල්  මුල් ප්‍රහාරද එල්ල වීමෙන්  තත්ත්වය පාලන කිරීම සඳහා කැරලි මර්ධන ඒකකය කැඳවීමට පොලීසියට සිදු විය.

මධ්‍යම පළාත් පාලන කොමසාරිස් මේනක හේරත් මහතා ප්‍රධානත්වයෙන් උදෑසන  10.30 මස්කෙළිය අම්බාල් ශාලාවේදී  මෙම ඡන්ද විමසීම පැවැත්වු අතර  එහිදී  ලංකා කමිකරු කොංග‍්‍රසයේ හා ස්වාධීන කණ්ඩායමක සහයෝගය මත සභිකයන් අටදෙනෙකුගෙන් සමන්විත මස්කෙළිය ප‍්‍රාදේශිය සභවේ සභාපතිනිය ලෙස ලංකා කමිකරු කොංග‍්‍රසයේ සෙමිබගවල්ල මහත්මියගේ  නම යෝජනා කෙරිණි. 

අනතුරුව   සභාපති ධුරය සඳහා වෙනත් කිසිවකුගේ නම්  ඉදිරිපත් නොවීමෙන්    සෙමිබගවල්ල මහත්මිය සභාපතිනිය ලෙස තේරිපත්  වුවාය. උප සභාපති ලෙස  එක්සත් ජනතා නිදහස්  සන්ධානයේ  පෙරියසාමි ප‍්‍රදිපන් මහතා  පත් විය.   

එම පත් කිරීම් සිදු කිරීමත් සමඟ  ඇතිවු ගැටුම්කාරී තත්ත්වය මුල් කරගනිමින්  සභාව දැඩි උණුසම් මුහුණුවරක් ගත්තේය.

මේ වන විට ප්‍රදේශයේ දැඩි පොලිස් ආරක්ෂාවක් යොදවා තිබේ.

ඡායාරූප - ගාමිණී බණ්ඩාර

 

ඡායාරූප - රංජිත් රාජපක්ෂ