(සංජය මදුශාන් )

කොළඹ - මඩකලපුව දුම්රිය මාර්ගයේ හබරණ ප්‍රදේශයේදී වන අලි  තිදෙනෙකු දුම්රියට හැපී හානී වූ මාර්ගය නැවත යථාතත්වයට පත්කරමින්  සිටියදී  අනවසරයෙන් තෙල් ටැංකියකින් තෙල් ලබාගත්තායැයි සැකපිට දුම්රිය දෙපාර්තමේන්තුවේ කම්කරුවෙකු  අත්අඩංගුවට ගෙන තිබේ.

දුම්රිය දෙපාර්තමේන්තු සේවකයින් පිරිසක් විසින්ම  මෙම කම්කරුවා  හබරණ පොලීසයට ගෙනවිත් බාර දුන් බව හබරණ පොලීසිය පවසයි.

දුම්රිය මාර්ගය අලුත්වැඩියාව සිදුකරන අතරතුරදී කම්කරුවා විසින් තමාගේ අත සෝදාගැනීම සදහා බෝතලයකට තෙල් පුරවාගත් බවත්, නිළධාරින් කිහිපදෙනෙකු කම්කරුවා සමඟ  තිබූ තරහක්  නිසා සදහා මෙය සිදුකළ බවත් පොලීසිය කළ ප්‍රශ්න කිරීම්වලදී පවසයා  තිබේ.
සිද්ධිය පිළිබද වැඩිදුර විමර්ශන හබරණ පොලීසිය සිදු කරයි.