(ජුඩ් සමන්ත) 

සිය නිවසේ සිටියදී අභිරහස් ලෙස මිය ගොස් ඇති අයෙකුගේ මරණයක් සම්බන්ධයෙන්  ඔහුගේ පුතෙකු අත්අඩංගුවට  ගත් බව පොලීසිය පවසයි.

අද (04)  අලුයම  පුත්තලම පොලිස් වසමේ මුල්ලිපුරම් ප්‍රදේශයේදී මෙම මරණය සිදුවී ඇත. මරණයට පත්ව ඇත්තේ මුල්ලිපුරම් පදිංචිව සිටි මොහොමඩ් නිශාම් (අවු:62) නම් අයෙකි.

මිය ගොස් ඇති අය වයස අවුරුදු 39 ක් වන තම පුතා සමඟ නිවසේ සිට ඇත. නිවසේ සිටි පුතා විසින් පොලිස් හදිසි ඇමතුම් අංශයට ලබා දී ඇති තොරතුරක් අනුව පොලීසිය විසින් එම නිවසට ගිය අවස්ථාවේදී නිදි යහනේම මිය ගොස්  ඔහුගේ සිරුර හමු වී තිබේ.

සිරුර තිබූ ස්ථානයේ ගලක් තිබී ඇත. කිසියම් අයෙකු තම පියාගේ හිසට ගලකින් පහර දී ඝාතනය කර ඇති බව පුතා විසින් පොලීසියට පවසා ඇත. 

නමුත් එම ගලේ ලේ පැල්ලම් නොතිබීම නිසා පොලීසිය වැඩිදුර විමර්ශන කටයුතු සිදු කරන විට නිවස ආසන්නයේ ඇති ළිද අසළ ලේ පැල්ලම් කීපයක්  තීබි ඇති අතර ළිද තුළ පිහියක්ද ඇති බවද පොලීසිය පවසයි.