(නිමල කොඩිතුවක්කු)
 
ඉදිරියේදී පාන් පිටි සඳහා විශේෂ බද්දක් පැනවීමට කටයුතු කරන බව කෘෂිකර්ම අමාත්‍ය මහින්ද අමරවීර මහතා පැවසීය.
අතිරික්ත සහල් නිෂ්පාදනය හමුවේ එවැනි තීරණයක් ගැනීමට සිදුවන බවද අමාත්‍යවරයා සඳහන් කළේය.

පාන්පිටි වලට අවශ්‍ය තිරිඟු ගෙන්වීම සඳහා රජය විශාල මුදලක් වැය කරන බවත් රාජගිරිය පිහිටි කෘෂිකර්ම අමාත්‍යාංශ ශ‍්‍රවණාගාරයේ අද (26) කොළඹ දී පැවති මාධ්‍ය හමුවක දී ඒ මහතා මේ බව පැවසිය.

තිරිඟු පිටිවලට අමතරව විදේශ රටවලින් ගෙන්වන පලතුරු, බී ලූණු, අර්තාපල් බඬ ඉරිඟු ආදි ආහාර ද්‍රව්‍ය සඳහා ද ඉදිරියේදි බදු පැනවීමට කටයුතු කරන බවද අමාත්‍ය මහින්ද අමරවීර මහතා සඳහන් කළේය.

ගොවින් දිරිගැන්වීම සඳහා මෙම තීරණය ගත් බවද කෘෂිකර්ම අමාත්‍යවරයා එහිදි වැඩිදුරටත් පැවසීය.