ඉන්දිකා රාමනායක
 
පුද්ගලයින් වෙඩි තබා ඝාතනය කිරීම, ව්‍යාපාරිකයින් බිය ගන්වා  කප්පම් ගැනීම, ඇතුලු පාතාල ක්‍රියාකාරකම් මැඩලීම සඳහා පාතාල නායකයින් වන  අංගොඩ ලොක්කාගේ සහ සමයංගේ ගෝලයින් සොයා  විශේෂ කාර්ය බලකාය අද (26)  තලංගම, අතුරුගිරිය හා යක්කල යන ප්‍රදේශ වල මෙහෙයුම් ක්‍රියාත්මක කළ බව විශේෂ කාර්ය බලකාය කියයි.
 
මෙම අපරාධ  අංගොඩ ලොක්කාගේ සහ සමයංගේ ගෝලයින් විසින් මෙම අපරාධ සිදුකරන බවට  හෙළි වී ඇති තොරතුරු මත විශේෂ කාර්ය බලකායේ අනදෙණ නිලධාරී ජ්‍යෙෂ්ඨ නියෝජ්‍ය පොලිස්පති එම් ආර් ලතීෆ් මහතාගේ උපදෙස් මත මෙම මෙහෙයුම් ක්‍රියාත්මක තර තිබුණි.
 
අතුරුගිය, පෝරේ, තලංගම, මාලඹේ හා යක්කල ප්‍රදේශව මෙම මෙහෙයුම් ක්‍රියාත්මක කළ බවත්  සැකකරුවන් ගේ නිවාස කිහිපයක් පරීක්ෂා කළ ද එම අවස්ථාවේ සැකකරුවන්  නිවෙස් වලින් පැනගොස්  සිටි බව විශේෂ කාර්ය බලකායේ උසස් නිලධාරියෙක් සඳහන් කළේය.
 
සැකකරුවන්ගේ නිවෙස් පරීක්ෂාවට ලක් කළ භට පිරිස් සැකකරුවන්  සම්බන්ධයෙන් ඥාතීන්ට තරයේ අවවාද කර තිබේ .
 
අපරාධ මර්ධනය කිරීම සඳහා මෙම මෙහෙයුම් දිගින් දිගටම සිදුකරන බවද විශේෂ කාර්ය බලකාය සඳහන් කරයි.
 
විශේෂ කාර්ය බලකාය භට පිරිස් මේ වසරේ මේ දක්වා සිදුකළ මෙහෙයුම් වලින්  පාතාල සාමාජිකයකු මෙන්ම මත්කුඩු ජාවාරම්කරුවකු වන දඩල්ලගේ මංජු නැමැත්තා  වෙඩි වැදී මියගිය අතර,  මධුෂ් , ආමි සම්පත්, අංගොඩ ලොක්කා, සමයං ,දඩල්ලගේ මංජු නැමැති   පාතාල සාමාජිකයන්ගේ ගෝලයින් 20 ට ආසන්න පිරිසක් අත්අඩංගුවට ගෙන තිබුණි.
 
මොවුන් අතර මධුෂ්ගේ ගොලයෙක් වන චින්තක, පෑලියගොඩ බැරල් සංක, කටානේ දිනුක, ග්‍රෑන්ඞ්පාස් හි  පොඩි උණ, කැලණියේ හුනා, මෝදර සාරංග, කුඩු නුවන්, යන කිහිප දෙනෙක් ඔවුන් අතර සිටින බව විශේෂ කාර්ය බලකාය කියයි.
 
මෙම වසරේ ගත වු  මාස 3 ක කාලය තුළ මෙම කල්ලි විසින් සිදුකළ වෙඩි තැබීම් වලින් පුද්ගලයින් 15 දෙනකු පමණ ඝාතනය ලක් ව තිබුණි.