IMG-LOGO

2025 ජුලි මස 19 වන සෙනසුරාදා


නාවික ලුතිනන්ට වරෙන්තු නිකුත් කෙරේ

( තිළිණි ද සිල්වා සහ රංජන් කටුගම්පොළ )

යාපනය දිස්ත‍්‍රික් පාර්ලිමේන්තු මන්ත‍්‍රී නඩරාජා රවිරාජ් මහතා ඝාතන නඩුවේ විත්තිකාර නාවික හමුදා නිලධාරීන් නිදහස් කරමින් දෙන ලද මහාධිකරණ තීන්දුවට එරෙහිව ගොනු කළ ප‍්‍රතිශෝධන පෙත්සමේ දෙවන වගඋත්තරකරුවෙකු වන නාවික ලූතිනන් ප‍්‍රසාද් චන්දන කුමාර හෙවත් සම්පත් නැමැත්තා වහාම අත්අඩංගුවට ගන්නා ලෙස දන්වමින් අභියාචනාධිකරණය අද (27) වරෙන්තුවක් නිකුත් කළේය.

සෂිකලා රවිරාජ් මහත්මිය විසින් ගොනු කරනු ලැබූ මෙම පෙත්සම අද කැඳවූ අවස්ථාවේදී පෙත්සම්කාර පාර්ශවයේ නීතීඥ එම්.ඒ.සුමන්තිරන් මහතා අධිකරණයට දන්වා සිටියේ මෙම නඩුවේ වගඋත්තරකරුවන් ලෙස නම් කර ඇති වගඋත්තරකරුවන් පස් දෙනෙකුට මේවන විට සිතාසි යවා ඇතත් සම්පත් නැමැත්තා අධිකරණය හමුවේ පෙනී නොසිටී බවය.

එබැවින් ඔහුව අත්අඩංගුවට ගැනීම සඳහා වරෙන්තු නිකුත් කරන ලෙස පෙත්සම්කාර නීතීඥවරයා අභියාචනාධිකරණයෙන් ඉල්ලා සිටියේය.

එම ඉල්ලීම සලකා බැලූ අභියාචනාධිකරණ විනිසුරු මඩුල්ල එම වගඋත්තරකරු අත්අඩංගුවට ගෙන අධිකරණයට ඉදිරිපත් කරන ලෙසට දන්වමින් මෙම වරෙන්තුව නිකුත් කරන ලදී.

එසේම පෙත්සම සම්බන්ධයෙන් සලකා බැලීම සැප්තැම්බර් 06 වැනිදාට කල් තැබීමටද අභියාචානාධිකරණය තීන්දු කරන ලදී.

මෙම නඩුව විභාග කිරීමට ජූරි සභාවකට අවසර දෙමින් දෙන ලද මහාධිකරණ නියෝගය බල රහිත කරන ලෙසත්  අදාළ ජූරි තීන්දුව බල රහිත කර නැවත නඩු විභාගයක් පවත්වා විත්තිකරුවන් සියලූ චෝදනාවන්ට වැරදිකරුවන් ලෙස නම් කරන තීන්දුවක් දෙන්නැයිද ශෂිකලා නඩරාජ් මහත්මිය අධිකරණයෙන් ඉල්ලා තිබිණි.



අදහස් (1)

නාවික ලුතිනන්ට වරෙන්තු නිකුත් කෙරේ

Chanak Los angles Friday, 28 July 2017 01:11 AM

මෙය දේශපාලන ඝාතනයක්.. නිදොස් කරන ලද පුද්ගලයින්ගේ වුවමනාවක් මත සිදුනොවුණු මිනීමැරුමක් බව සියලුදෙනාම දන්නවා.. එසේ නම් මෙය කුමක් සඳහා කාගේ වුවමනාවක් හා උපදෙසක් මත සිදුකලා දැයි රටට හෙළි කර දීම නීතියේ වගකීමක් ..

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 551 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site