( හිරාන් ප්‍රියංකර ජයසිංහ)
 
නීති විරෝධී ලෙස විදෙස් රටවලට අපනයනය කිරීම සඳහා සූදානම් කර තිබූ තාරකා ඉබ්බන් 100 ක් සමඟ  සැකකරුවන් තිදෙනෙකු පල්ලම පොලීසිය විසින් අද (22) අත්අඩංගුවට ගනු ලැබ තිබේ.
 

පල්ලම පොලිස් වසමට අයත් මදවක්කුලම  ප්‍රදේශයේ නිවසක කොළඹ ප්‍රදේශයේ ජාවාරම්කරුවෙකුට  අලෙවි කිරීමට සූදානම් කර තිබියදී විශාල ප්‍රමාණයේ ඉබ්බන් 26 ක්, සහ මධ්‍යම ප්‍රමාණයේ ඉබ්බන් 40 ක් හා පැටවුන් 34 ක් මෙසේ අත්අඩංගුවට ගත් බව පොලිසිය කියයි.

 
රුපියල් 500 සිට 3000  දක්වා මුදලකට කොළඹ ප්‍රදේශයේ ජාවාරම්කරුවෙකුට මෙම ඉබ්බන් අලෙවි කරන බව  සැකකරුවන් පොලීසියට පවසා ඇත.
 
 විදෙස් රටවලට අලෙවිකරන  ජාවාරම්කරු එක්  ඉබ්බෙකු ,චීනය ජපානය සහ මැලේසියා යන රටවලට රුපියල්  25,000 සිට 50,000  මුදලකට අලෙවි කරන  බවට තොරතුරු ලැබි ඇති බව පොලිසිය කියයි. තාරකා ඉබ්බන් නිවෙස්වල ඇති කිරීමෙන් නිවසට සෞභාග්‍යය  උදාවන බව  ඉබ්බන් අපනයනය කරන රටවල  ජනතාව විශ්වාස කරන බව පොලිසිය පවසයි.