දේශපාලන හෙංචයියෙක් නෙළුම් වැවේ ඉවුර හදන්න ගෙනා කොන්ක්‍රීට් ගල් සොරා ගනී

(කල්පිටිය පද්මා කුමාරී කංකානම්ගේ)
කල්පිටිය පොලිස් බල ප්‍රදේශයට අයත්, ඒත්තාල තාමරම්කුලම් හෙවත් නෙලුම් වැවේ ඉවුර ගොඩනැගීම පිණිස වැව් ඉවුරේ බා තිබූ කොන්ක්‍රීට් ගල් තොගයක් අද (15) රාත්‍රී ලොරි රථයකින් පැමිණි කල්පිටිය ප්‍රාදේශීය සභාවේ එක්සත් ජාතික පක්ෂ මන්ත්‍රීවරයෙකුගේ ආධාරකරුවෙකු විසින් රැගෙන යාමත් සමග ගම්වාසීන් බලවත් සේ නොසන්සුන්තාවයට පත්ව තිබිණි.

ඔවුන් සියලුදෙනාම වැව් ඉවුරට රැස්ව, පොදු දේපල රැගෙන ගියායැයි කියන මන්ත්‍රීවරයාට එරෙහිව අවලාද නගමින් වහාම නීතිය ක්‍රියාත්මක කරන ලෙස ඉල්ලා සිටින ලදී. තත්වය සැළවීමත් සමග එම ස්ථානයට කල්පිටිය පොලිස් ස්ථානයේ නිලධාරීන්ද පැමිණ කොන්ක්‍රීට් ගල් සොරා සොයා මෙහෙයුමක් දියත් කරන ලදී. මෙසේ සොරා ගන්නා ලද එම කොන්ක්‍රීට් ගල් නව නිවාස තනන පාක්ෂිකයින්ගේ නිවෙස් අසල බානු, ඇසින් දුටු සාක්ෂිකරුවන්ද විය. ඔවුහු පොලිස් නිලධාරීන් කැටුව ගොස් එම ස්ථානයන් ද පෙන්වූහ.

ගම්වාසීන් විසින් කොන්ක්‍රීට් ගල් සොරකම පිළිබඳව කල්පිටිය පොලිසියේ පැමිණිල්ලක් දමා ඇති අතර කල්පිටි පොලිසිය ඉදිරි පරීක්ෂණ මෙහෙයවයි.

අදහස් (8)

දේශපාලන හෙංචයියෙක් නෙළුම් වැවේ ඉවුර හදන්න ගෙනා කොන්ක්‍රීට් ගල් සොරා ගනී

Perera Saturday, 15 September 2018 07:44 PM

මහා පරිමානේ හොරකම දූෂණ වංචා කොතනද එතන දේශපාලනයත් ගෑවී ඇත. ලංකාවේ අවාසනාවන්ත තත්වය මෙයයි...

: 0 40

හර්ෂ Saturday, 15 September 2018 11:43 PM

මහ අය කියල ඇති ආණ්ඩුවේ කාලේ ඉවරවෙන නිසා පුළුවන් තැනකින් පුළුවන් තරමක් හොරා කන්න කියලා......... ඒ අය ඒක කරල පෙන්නුවනේ මහ බැංකුව සුද්ධ කරලා.....දැන් ඉතින් පොඩි අයත් වැඩ පටන් අරගෙන...

: 52 137

සඳුන් Sunday, 16 September 2018 01:08 AM

මහ බැංකුව බිඳපු ලොක්කෙක් ගෙන්ම පොඩි උපදෙසක් ගත්තොත් හරි. ඔය අවුලක් නැතිව ලොක්කො ටික ඉන්නෙ.

: 69 136

M. A.. A. R. Fernando Sunday, 16 September 2018 04:04 AM

හොරුන් කවුරුන් වුවද හොරුන්ට විරුද්ධව නීතිය ක්‍රියාත්මක විය යුතු ය.

: 1 78

OMG Sunday, 16 September 2018 06:12 AM

ප්‍රනාන්දු මහතා - ඔබ නින්දෙන්ද? අවදිවෙන්න ඔබ සිහනයෙන් අදහස් ප්‍රකාශ කරනවා. මේවා සිහින පමණක් බව මතක තබා ගන්න.

: 74 0

liyanage Sunday, 16 September 2018 06:22 AM

මෙය තමයි දැන් රට තුල විය යුත්තේ, මහජනයා, වන අප විමසිල්ලෙන් සිටිය යුතු කාලය ඇවිත් ..සෑම තරාතිරමක අය.. නිලදරුවන්, පරිපාලන සේවයේ නිලදරුවන් .. අප ආරක්ෂක සේවෙයේ නිලදරුවන්, සිවිල් සංවිධාන , අපගේ උගත් නීති මහත් වරුන් , අප සෑම එක වෙලා ..පාට පක්ෂ , ගැන නොසිතා ..කවුද ..මහජන දේපල හොරකම් කරන්නේ .....නිතිය ක්‍රියාත්මක ...කලයුතුයි ..එය රට දියුණුව ට හේතුවන්නක් ...

: 0 21

nuwan Sunday, 16 September 2018 06:47 AM

මගේ මතෘභූමිය විනාශ කලේ මේ දේශපාලකයෝ මිස වෙන කව්රුත් නෙමේ.

: 0 13

රවින් Sunday, 16 September 2018 08:10 AM

දේශපාලුවයි උගේ හෙන්චයවයි කුදලා ගෙන ඇවිල්ල උන්ගේ කරපිටින්ම ගෙනිච්ච ගල් ටික නැවත ගෙනල්ල දැම්මුවනම් වැඩේ ගොඩින් බේරිලා............

: 0 1