(මහින්ද නිශ්ශංඛ)


අද මධ්‍යම රාත්‍රියේ සිට දුම්රිය රියදුරන් වැඩ වර්ජනයක නිරත වන බව ලෙකොමොටිව් ඔපරේටර්ස් ඉන්ජිනියර්ස් රියදුරු සංගමයේ සභාපති ඩී සී පී පරණවිතාන මහතා කියයි.

දුම්රිය රියදුරු සහයකයන් බඳවා ගැනීමේ කාර්ය පටිපාටියේ ගැටළුවක් මුල් කර ගනිමින් මෙම වැඩ වර්ජනය සිදු කරන බව ද ඔහු පවසයි.

මේ සම්බන්ධයෙන් අග්‍රාමාත්‍ය  උපදේශක දඩල්ලගේ මහතා සමඟ අද සවස පැවැති සාකච්ඡාව ද අසාර්ථක වී තිබේ.
මෙම වැඩ වර්ජනයට තම සහයෝගය ලබා දෙන බව දුම්රිය නියාමකවරුන්ගේ සංගමය කියයි.