තරිඳු ජයවර්ධන
 
නකල්ස් රක්ෂිතයට අයත් ඉඩම් නීති විරෝධී ලෙස බදු දීමේ සිද්ධියක් සම්බන්ධයෙන් පරිසර හා සොබා දහම් අධ්‍යයන මධ්‍යස්ථානය   අද ශ්‍රී ලංකා මානව හිමිකම් කොමිෂන් සභාවට පැමිණිල්ලක් කළේය.
 
2007 ජූලි 23 වන දින අංක 1507/9 දරන ගැසට් නිවේදනය යටතේ නකල්ස් පාරිසරික ආරක්ෂිත ප්‍රදේශයක් ලෙස නම් කර ඇති බවත් එහි ඉඩම් බදු දෙමින් සිටින බවත් සඳහන් කරමින් ගොනු කළ එම පැමිණිල්ලේ වගඋත්තරකරුවන් ලෙස මධ්‍යම පරිසර අධිකාරිය, පරිසර අමාත්‍යංශය, වන සංරක්ෂණ දෙපාර්තමේන්තුව සහ රාජ්‍ය වැවිලි සංස්ථාව ඇතුළු ආයතන කිහිපයක් නම් කර තිබේ.
 
පරිසර හා සොබා දහම් අධ්‍යන මධ්‍යස්ථානයේ පරිසරවේදියකු වන ආචාර්ය රවීන්ද්‍ර කාරියවසම් සහ නීතීඥ ජයන්ත දෙහිඅත්තගේ මහතා  විසිනු කරනු කරනු ලැබූ එම පැමිණිල්ලෙන් ඉල්ලා ඇත්තේ මෙම පරිසරික විනාශය වහා නවත්වන ලෙස අදාළ අංශවලට නිර්දේශ කරන ලෙසයි.
 
මෙම අවස්ථාවට සොබා දහම් අධ්‍යයන මධ්‍යස්ථානය වෙනුවෙන් පැමිණ සිටි තරුණ පරිසර වේදිනී ශානිකා පතිරණ මෙනවයි සඳහන් කළේ දුමිබර සිදුවන ඉඩමි මංකොල්ලයෙන් එම වටිනා පරිසර පද්ධතිය ආරක්ෂා කරගැනීම වෙනුවෙන් ක්‍රියාත්මක විය යුතු රජය වගකීම් පැහැර හැරීම නිසා  තමා ඇතුළු පිරිසට ශ්‍රී ලංකා මානව හිමිකම් කොමිෂන් සභාවට පැමිණීමට සිදුවූ බවයි. 
 
‘‘දුමිබර අඩවියේ පිහිටි රාජ්‍ය වැවිලි සංස්ථාවට අයිති ඉඩමි හා ඇල්කඩුව වැවිලි සමාගම මගින් පාලනය වන අක්කර 21,000 ක් විවිධ ව්‍යාපෘති ක්‍රීයාත්මක කිරීම සඳහා බෙදා දීලා තිබෙනවා.  රාජ්‍ය වැවිලි සංස්ථාවට අයත් නිකලෝය, අලකොලෝ,  කොටගල ,ඕපල්ගල ඇතුළු තවත් වතු ඉඩමි රාශ්‍රියකින් හෙක්ටයාර් 6192 ද ,  ඇල් කඩුව වැවිලි සමාගමට අයත් වතු ඉඩමි වලින් ද හෙක්ටයාර් වශයෙන් මුළු  ඉඩමි හෙක්යාර් 8555 ක් නැතහොත් අක්කර  21000 තිස් පස් අවුරුදු  බදු ක්‍රමයට ලබා දීලා තියෙනවා. අක්කරයකට වාර්ෂිකව රු 2857 ක මුදලකටයි මේ ඉඩම් බදු දීලා තියෙන්නේ.
 
දේශපාලනඥයින්ගේ උවමනාව මත විවිධ පුද්ගලයින්ට ඉඩම් පැවරීම තුලින් මධ්‍යම කදුකරයට මෙන්ම නකල්ස් රක්ෂිතයට විශාල තර්ජනයක් එල්ල වෙලා තියෙනවා.  2010 වසරේ යුනිස්කො සංවිධානය විසින් නකල්ස් රක්ෂිතය ලෝක උරුමයක් ලෙස නමි කරලා තියෙන්නේ මෙහි ඇති සුවිශේෂි ජෛව විවිධත්වය හා   මෙය ජල පෝෂයක් විම ඇතුළු කරුණු රැසක් පදනම් කර ගනිමිනුයි.  චන්ද්‍රිකා  බණ්ඩාරනායක කුමාරතුංග මහත්මිය ජනාධිපතිව සිටියදී 2004 වර්ෂයේ සිංහරාජය , දුමිබර අඩවිය වැනි වානනාන්තර යාබාදව කිලෝමිටර් භාගයක දුරින් ඇති ඉඩමි ප්‍රතිසංස්කරණ කොමිසමට අයත් ඉඩමි වන සංරක්ෂණ දෙපාර්තමේන්තුවට පවරා ගැනීම සඳහා   කැබිනටි පත්‍රීකාවක් ඉදිරිපත් කළා.  ඊට අනුමැතිය ලැබී තිබීදීත් එය නිසි ආකාරව ක්‍රීයාත්මක නොවීම නිසා ඉතාම වටිනා වනාන්තර හා ජෛව විවිධත්වයෙන් හෙබි මෙවැනි ප්‍රදේශ දේශපාලඥයින්ගේ උවමනාව මත අද වන විට විනාශ කරමින් තිබෙනවා.‘ යැයි ශානිකා පතිරණ මෙනවිය පැවසුවාය.
 
පරිසරවේදී  දේවාලේගම පේමරතන හිමි, ගාමිණි හත්තොටුවගම වීදී නාට්‍ය කණ්ඩායම නියෝජනය කරමින් එරංග ප්‍රනාන්දු මහතා ද ඇතුළු සිවිල් සංවිධාන නියෝජනය කරමින් තවත් පිරිසක් ශ්‍රී ලංකා මානව හිමිකම් කොමිෂන් සභාවට පැමිණ සිටියහ.

නීතීඥ ජයන්ත දෙහිඅත්තගේ