(ඔගස්ටීන් ප්‍රනාන්දු )

පුත්තලමේ සිට කොළඹ දක්වා ගමන්කළ  සුඛෝපභෝගී වෑන් රියක රුපියල් දෙකෝටි විසි ලක්ෂයකට අධික වටිනාකමකින් යුත් කේරළ ගංඡා  කිලෝ 220  ක් රැගෙන ගිය පුද්ගලයින් දෙදෙනකු  අද (05) දහවල් අත්අඩංගුවට ගෙන තිබේ.

සැකකටයුතු ලෙස  පුත්තලම සිට කොළඹට ගමන් කළ  සුඛෝපභෝගි වෑන් රියක් බංගදෙණිය ප‍්‍රදේශයේ දී නවතා පරික්ෂා කිරිමේදී වෑන් රිය   පිටු පස කළු පැහැති ඉටි කොළ වලින් ඔතා තිබු පාර්සල් තොගයක් තිබෙනු දැක සැක සිති ඇති නිසා වෑන් රථයත් එහි සිටි දෙදෙනාත් හලාවත පොලිසියට ගෙනවිත් තිබේ.

මෙම ගංජා තොගයේ අයිතිකරු යාපනයේ පදිංචි කෝටි පති මත්ද‍්‍රව්‍ය ජාවාරම් කරුවෙකු වන අතර ඔහු ද වෑන් රථයට ඉදිරියෙන් බංගදෙණිය දක්වා පැමිණ ඇති අතර වෑන් රථය පොලිසියට හසු වු බව දැන ඔහු පළා ගොස් ඇත.

මෙම ජාවාරම දිගු කලක පටන් කර ගෙන ගිය එකක් වන අතර ඔවුන් මන්නාරම  පේසාලෙයි වෙරළට දකුණු ඉන්දියාවේ සිට මෙලෙස කේරළ ගංජා ගෙනැවිත් පසුව එම ගංජා කොළඹට ගෙන යන බවට ද තොරතුරු ලැබී ඇතැයි පොලිසිය කියයි.