බිඟුන් මේනක ගමගේ
තේ නිෂ්පාදනයේදී සීනි හා ග්ලූකෝස් මිශ්ර කරන බවට චෝදනා එල්ල වූ තේ කම්හල් සම්බන්ධයෙන් වැවිලි කර්මාන්ත අමාත්යංශය මගින් ආරම්භ කළ විමර්ශනය අතරමග නතර වී ඇතැයි විශ්වසනීය ආරංචි මාර්ග ප්රකාශ කරයි.
ගාල්ල, රත්නපුර හා මාතර යන දිස්ත්රික්කවල තේ කම්හල් 80 ක තේ මණ්ඩලය පසුගිය පෙබරවාරි මාසයේදී කළ හදිසි වැටලීමකදී තේ නිෂ්පාදනයේදී සීනි හා ග්ලූකෝස් මිශ්ර කරන බවට කම්හල් 53 කට චෝදනා එල්ල වූ අතර වැවිලි කර්මාන්ත ඇමැති නවීන් දිසානායක මහතා පැවැසුවේ ඒ සම්බන්ධයෙන් අමාත්යංශ මට්ටමින් වෙනම විමර්ශනයක් කරන බවයි.
මේ අතර එම වැටලීමට මූලිකත්වය ගත් ආචාර්ය රොහාන් පෙතියාගොඩ මහතා තේ මණ්ඩලයේ සභාපතිත්වයෙන් ඉල්ලා අස් වූ අතර චෝදනාවට ලක් වූ කම්හල්හිමියෝ අදාළ වැටලීමේදී අනුගමනය කළ (HPLC) නමැති පරීක්ෂණ ක්රමවේදය අභියෝගයට ලක් කළහ.
ජනතා විමුක්ති පෙරමුණු පාර්ලිමේන්තු මන්ත්රී සුනිල් හඳුන්නෙත්ති මහතා ඇමැති නවීන් දිසානායක මහතාට ලිපියක් යොමු කරමින් චෝදනාවට ලක් වී සිටින කම්හල්හිමියන්ගේ නම් හෙළි කරන්නැයි ඉල්ලා සිටි නමුත් පරීක්ෂණ අවසන් නැති බැවින් එම නම් හෙළි කළ නොහැකි බව නවීන් දිසානායක ඇමැතිවරයා පැවසීය.
අදාළ විමර්ශන කටයුතු අතරමග නතරවීමට මෙසේ චෝදනාවට ලක්ව ඇති කම්හල් අතර දේශපාලන ප්රබලයන් කීප දෙනෙකුගේම කම්හල් තිබීම ප්රධාන හේතුවක් වී ඇතැයි තේ මණ්ඩලයේ ප්රකාශකයෙක් පැවැසීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
තේ වලට සීනි මිශ්ර කිරීම ගැන කළ විමර්ශන අතරමග
samanK Wednesday, 12 September 2018 01:59 PM
විමර්ශනයේදී සීනි විතරක් නොවේ,කිරිපිටිත් අහුවෙලාද කොහේදෝ තේ වල තිබිල.
Nandalal DE SILVA - France Thursday, 13 September 2018 02:16 PM
මේක වංචාවක් නෙවි! මුදලත් කාලයත් ඉතිරි කරගැනීම සඳහා යෙදු උපාය මාර්ගයක් විතරයි. ශ්රී ලංකාව අපනයන කරන තේ කොළ විදේශීය පාරිභෝගිකයාට ලැබුන ගමන් පානය කිරීම සඳහා පැහි දමන වතුර එක්ක තේ කොළ චුට්ටක් කෝප්පයට දාලා විනාඩියෙන් අපේ තේ වල රස බැලීම සඳහායි මේ අත්හදා බැලීම කරේ. මීළඟට කිරි එකතු කරනවාලු. තේ හැඳි හොයමින් කාලය නාස්ති කිරීම වලක්වාලීම සඳහා ප්ලාස්ටික් තේ හැඳි තේ කොළ පැකට්ටුවේ බහාලීම එහි තුන්වන අදියර විය හැක.