ඥානසාර හිමි අධිකරණයට අපහාස කළැයි නඩුවේ තීන්දුව ලබන 8 වැනිදා

(තිලිණි ද සිල්වා සහ රංජන් කටුගම්පොළ)

බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියන් අධිකරණයට අපහාස කළැයි පවරා ඇති නඩුවේ තීන්දුව අගොස්තු 08 වැනිදා ලබා දෙන්නැයි අභියාචනාධීකරණය අද (18) නියෝග කළේය.

අභියාචනාධිකරණ සභාපති විනිසුරු ප‍්‍රීති පද්මන් සූරසේන සහ අර්ජුන ඔබේසේකර යන මහත්වරුන් ගෙන් යුතු අභියාචනාධිකරණ විනිසුරු මඩුල්ලක් හමුවේ නඩුව කැඳවිණි.

2016 ජනවාරි මස 26 වැනිදා හෝමාගම අධිකරණයේදී මාධ්‍යවේදී ප්‍රගීත් එක්නැලිගොඩ මහතා අතුරුදන්වීම සම්බන්ධ නඩු විභාගයේදී කලහකාරී ලෙස හැසිරෙමින් අධිකරණයට අපහාස කළැයි එවකට හෝමාගම මහෙස්ත්‍රාත්වරයා වු රංග දිසානායක මහතා විසින් අභියාචනාධිකරණය හමුවේ මෙම නඩුව ගොනු කර තිබිණි.

දීර්ඝකාලීන නඩු විභාගයකින් අනුව පැමිණිල්ලේ හා විත්තියේ සාක්කි අවසන් කරමින් මෙම නඩුවේ තීන්දු 08 වැනිදා ලබාදීමට අද අභියාචනාධිකරණය නියෝග කර තිබේ.

(36698)

අදහස් (6)

ඥානසාර හිමි අධිකරණයට අපහාස කළැයි නඩුවේ තීන්දුව ලබන 8 වැනිදා

ඇන්ටන් විජේරත්න Wednesday, 18 July 2018 06:36 AM

බොරු දේශප්‍රේමීත්වය නැති ව කට රැක ගත්ත නම් ඉවරවෙලා.

: 116 1423

nisar Wednesday, 18 July 2018 07:19 AM

කට රැක්කොත් රට රකින්නේ කව්ද

: 143 65

Mahee Wednesday, 18 July 2018 07:36 AM

අපට තේරුම් ගන්න පුළුවන් මේ සිද්ධියට ඥානසාර හිමි සම්බන්ධ නිසා බොහෝ දෙනෙක් පසු බාන බව. නමුත් නීතිය ඉදිරියේ හැම කෙනෙක්ම එක සමානයි කියලා තියෙනවනම්, ඇයි අධිකරණයය පසු බාන්නේ නිගමනයක් දෙන්න? මේ සිද්ධිය විතරක් නෙමෙයි. ලොක්කන්ට එරෙහි නඩු අහන්න බයේ ඉවත්වෙන අය ගැනත් අපි අහල තියෙනවා. මේකද යුක්තිය, මේකද සාධාරණය, මේකද නීතිය?

: 1 66

hasan Wednesday, 18 July 2018 08:02 AM

ලබන 8 වෙනිදා තීන්දුව නඩුව ලබන අවුරුද්දට කල් දමනු ලැබේ.

: 0 9

Kamal Wednesday, 18 July 2018 08:20 AM

රට රකින්නේ හමුදාව. මිසක් පින් බත් ගිලින අය නොවේ

: 36 702

nuwan Wednesday, 18 July 2018 09:24 PM

අර විජේකලාගේ නඩුවත් යනවද? රන්ජන් රාමනායක උසාවියට අපහාස කරපු නඩුවේ තීන්දුව තාම දුන්නේ නැද්ද? තව කොච්චර ඉන්නවද කෙලින්ම උසාවියේ තීන්දු පිළිගන්නේ නැ, එහෙම කියපු අය. එයාලගේ නඩුත් යනවා ඇති නේද? එහෙනම් ඉක්මනට ඔක්කොම තීන්දු දුන්නනම් හොදයි.

: 0 61