(ආරියරත්න රණබාහු සහ සුජිත් හේවාජුලිගේ ) 


ගොඩනැගිල්ලක්  ඉවත් කිරීම හැර  ගාල්ල ජාත්‍යන්තර ක්‍රිකට් ක්‍රීඩාංගණය ඉවත් කිරීමේ කිසිදු සැළැස්මක් නැතැයි තරුණ කටයුතු දක්ෂිණ සංවර්ධන ව්‍යාපෘති කළමණාකරණ අමාත්‍ය සාගල රත්නායක මහතා අද (20) පාර්ලිමේන්තුවේදී පැවසීය.

මෙම ක්‍රීඩාංගණයට අමතරව කොග්ගල ඉදිකිරීමට  යෝජිත ක්‍රීඩාංගණය ඉදිකිරීමේ සැළසුමද ඉවත් කර ඇතැයි ද කී අමාත්‍යවරයා ලෝක උරුමයට බඳුන් වී ඇති ගාලු කොටු පවුර  තව දුරටත් එම තත්ත්වයේ තබාගත යුතුව ඇති බවද සඳහන් කළේය.

අමාත්‍යවරයා මේ බව පැවසුයේ ගාල්ල දිස්ත්‍රික්  එක්සත් ජනතා නිදහස් සන්ධාන මන්ත්‍රී චන්දිම වීරක්කොඩි  මහතා ගාල්ල ජාත්‍යන්තර ක්‍රිකට් ක්‍රීඩාංගණය එම ස්ථානයෙන් වත් කිරීමට කටයුතු කරන බවට මේ දිනවල පැතිර යන සත්‍යතාව පිළීබඳව  විමසීමේදීය.