(මනෝප‍්‍රිය ගුණසේකර)
 
මරණීය දඬුවමෙන් දඬුවම් ලැබිය හැකි රගර් කී‍්‍රඩක මොහොමඞ් වසීම් තාජුඞීන් ඝාතනයේ අපරාධකරුවන් එම දඬුවමින් ආරක්‍ෂා කිරීම සඳහා එම අපරාධයේ වැදගත් සාක්කි අතුරුදන් කිරීම සම්බන්ධයෙන් චෝදනා ලැබ සිටින කොළඹ හිටපු ප‍්‍රධාන අධිකරණ වෛද්‍ය නිලධාරී ආනන්ද සමරසේකර මහතාට අධිචෝදනා පත‍්‍ර බාරදුන් කොළඹ මහාධිකරණ විනිසුරු මංජුල තිලකරත්න මහතා ඇප මත ඔහු මුදා හැරීමට අද  (27)  නියම කළේය.
 
රුපියල් 25,000ක මුදල් හා රුපියල් ලක්‍ෂ 02 බැගින් වටිනා ඇපකරුවන් දෙදෙනෙකුගේ ශරීර ඇප මත ඔහු මුදා හැරීමට නියම කළේය.
 
මීට පෙර අවස්ථාවක අධිකරණයෙන් නිකුත් කළ සිතාසියට අනුව මෙම නඩුව කැදවනු ලැබු අවස්ථාවේදී කොළඹ හිටපු ප‍්‍රධාන අධිකරණ වෛද්‍ය නිලධාරී ආනන්ද සමරසේකර මහතා අධිකරණයේ පෙනී සිටියේය.
 
වසීම් තාජුඞීන් ඝාතනයේ වැදගත් සාක්කි අතුරුදන් කිරීමේ සිද්ධියට ආදාළව සිදුකළ විමර්ශන වල උධෘත පරීක්‍ෂා කිරීමෙන් අනතුරුව නීතිපති, ජනාධිපති නීතීඥ දප්පුල ද ලිවේරා මහතා විත්තිකරුට එරෙහිව අධි චෝදනා නැඟීමට ගත් තීරණයකට අනුව අධිකරණ ඉතිහාසයේ ප‍්‍රථම වතාවට ප‍්‍රධාන අධිකරණ වෛද්‍ය නිලධාරීවරයකුට එරෙහිව අධි චෝදනා මත නඩු පවරන ලදී.
 
2012 මැයි මස දිනයක රත‍්‍රීයේ නාරාහේන්පිට ශාලිකා ක‍්‍රීඩාංගනය අසලදී ගින්නට හසුව තිබු කේ.කිව්. 6543 දරණ කාර් රථය තුළ මියගොස් සිටි රගර් කී‍්‍රඩක මොහොමඞ් වසීම් තාජුඩීන් ඝාතනයේ අපරාධකරුවන් මරණීය දඬුවමෙන් දඬුවම් ලැබිය හැකිව තිබියදී ඔවුන් එම දඬුවමින් ආරක්‍ෂා කිරීම සදහා එම අපරාධයේ වැදගත් සාක්කි අතුරුදන් කළ බවට නීතීපතිවරයා විසින් විත්තිකරුට එරෙහිව චෝදනා නඟා ඇත.
 
මෙලෙස චෝදනා ලැබ සිටින්නේ කොළඹ හිටපු ප‍්‍රධාන අධිකරණ වෛද්‍ය නිලධාරී ආනන්ද සමරසේකර මහතාය.
 
2012 මැයි මස දිනයක රත‍්‍රීයේ නාරාහේන්පිට ශාලිකා ක‍්‍රීඩාංගනය අසල කේ.කිව්. 6543 දරණ කාර් රථය ගිනි ගනිමින් තිබෙන  බව පදිකයකු විසින් පොලිස් හදිසි ඇමතුම් අංශය වන 119 ට දෙන ලද දැනුම් දීමකට අනුව ගිනි නිවන හමුදාව පැමිණ කාර් රථයේ ගින්න නිවා දමා ඇති අතර පසුව එහි තිබී පිළිස්සී ගිය මොහොමඞ් වසීම් තාජුඞීන් නමැත්තාගේ මෘත ශරීරය සොයා ගෙන ඇත.