(විනීතා එම් ගමගේ)
කොළඹ පවතින අධික වාහන තදබදයට කිසිදු විසඳුමක් සෙවීමට ආණ්ඩුව ඉකුත් වසර තුනේ දී කිසිදු පියවරක් නොගත් බවට ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා චෝදනා කළේය.
දැරිය නොහැකි තරම් වූ මාර්ග තදබදය කොළඹ අවට මාර්ගවල පැතිර ඇතැයි කී විජේරත්න මහතා නාගරික පෝෂක මාර්ග ධාවනය ඉතා අසීරු බව බස්රථ හිමියන් පවසන්නේ යැයි ද ප්රකාශ කළේය.
ඉකුත් වසර තුනේ දිම මේ ප්රශ්නය විසඳනු ඇතැයි බස් හිමියන් බලා සිටි නමුත් එය සිදු නොවුයේ යැයි ද මෙකී ප්රශ්නය විසදීමට තම යෝජනා ඉදිරිපත් කළත් ඒවා පිළිබඳව සළකා නොබැලූ බවත් ඔහු පැවැසීය.
බස් ගාස්තු වැඩිකිරීමේ ජාතික ප්රතිපත්තිය ද මේ වනවිට යල් පැන ගොස් ඇති බැවින් එයත් වහා සංශෝධනය විය යුතුයැයි කී විජේරත්න මහතා අවම වශයෙන් වසර පහෙන් පහට හෝ මේ ප්රතිපත්තිය සංශෝධනය විය යුතු බවත් එය සංශෝධනය නොවීම නිසා මේ වනවිට බස් ධාවකයින් බරපතල ගැටළුවලට මුහුණ දී සිටින බවත් කියා සිටියේය.
මේ වනවිට මොරටුව කොළඹ බස් ධාවන වාර ගණන තුනකට සීමා වී ඇති බවත් දිනකට කිලෝමීටර් 150 ක් ධාවනය නොකල හොත් ආදායම් අහිමි වන බවද ඔහු පෙන්වා දුන්නේය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
‘කොළඹ වාහන තදබදයට ආණ්ඩුවෙන් විසඳුම් නෑ‘- ගැමුණු විජේරත්න
sas Friday, 11 May 2018 01:11 PM
කොපමණ තිබුනත් පුද්ගලික බස්කාරයින්ට මදි.
සතයපාල Friday, 11 May 2018 01:15 PM
ආණ්ඩුවට ඇගිල්ල දික් කරන්නේ ඉස්සරවෙලා තමන්ගේ පැත්තෙන් තියෙන වැරදි අඩුපාඩු නිවැරදී කර ගන්න පෞද්ගලික බස් රථ හිමියන් කටයුතු කල යුතුයි. විශේෂයෙන්ම වාහන තදබදයට පෞද්ගලික බස් රථ රියදුරන්ගේ නොමනා ක්රියාවන්ද හේතුවී තිබෙනවා. බස් රථ හෙමින් ධාවනය කිරිම වෙනත් වාහන වලට යා නොහැකි පරිදි මග අහුරා ධාවනය කිරිම පාර මැද බස්රථ නවත්වා මගීන් නැන්වීම හා බැස්සවීම බස් නැවතුම් පොළවල් අසල දිගු වෙලාවක් බස් නවතාගෙන සිටිම ඒ අතර ප්රධානවේ.
Sunil Friday, 11 May 2018 03:09 PM
බස් පාරේ යන අනික් මිනිස්සුන්ට, වාහන වලට කරන කරදරේට විසදුමක් ලැබුනොත් අපිට ඒ ඇති.
රොෂාන් Friday, 11 May 2018 03:38 PM
තෙල් මිල වැඩිවූ නිසා බස් ගාස්තුවත් වැඩි කරන්න. ගැමුණු මහත්තයා වැනි උගත් වැදගත් අය තමයි අපේ රටේ පාලනයට ගැලපෙන්නේ. අපි මාධ්ය තුලින් නිතර දකිනවා ඔබ තුමාගේ ඉතාම හරවත් සංවාද. ජයවේවා!!
BamunuarachchiFriday, 11 May 2018 10:55 PM
මොනපාරේ බස් එකද එලවන්නේ?
de silva Saturday, 12 May 2018 11:33 AM
වැඩිපුර බස් ගාස්තු උස්සන්න එපා මිනිස්සු යතුරු පඩි වලින් යන්න පටන්ගනීවි. එතකොට තිබෙන අාදායමත් නැති වේවි...