අංජුල මහීක වීරරත්න
 
එක්සත් ජාතික පක්ෂයේ 72 වැනි සංවත්සර මහෝත්සවය පක්ෂ නායක සහ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටේ සිරිකොත එක්සත් ජාතික පක්ෂ මුලස්ථානයේ දී හෙට (6) පෙරවරු 9ට පැවැත්වෙයි.

වැඩ කරන වැඩ කරපු 72 යන තේමාවෙන් මෙවර සංවත්සර උථ්සවය පැවැත්වෙයි.

රටට බොහෝ දේ දායාද කළ පකෟෂයක් ලෙස ඉතා අභිමානයෙන් සංවත්සර උත්සවය පවත්වන බව එක්සත් ජාතික පක්ෂ මහා ලේකම් අධ්‍යාපන අමාත්‍ය අකිල විරාජ් කාරියවසම් මහතා පැවසීය.

ජය මෙන්ම පරාජය හමුවේ පන්නරය ලබමින් පක්ෂය එක් ශක්තිමත් සංධිස්ථානයකට පැමිණ ඇති බව කී මහා ලේකම්වරයා ලබන ජනාධිපතිවරණයේ දී වසර 24 කට පසු එක්සත් ජාතික පක්ෂයේ ජනාධිපතිවරයකු බිහි කරන බවද කීය.

එක්සත් ජාතික පක්ෂයේ ප්‍රධාන නායකයින් පක්ෂ යාන්ත්‍රණය මෙන්ම පාක්ෂිකයින්ගේ සහභාගීත්වයෙන් සංවත්සර උත්සවය පවතින බවද මහලේකම්වරයා වැඩිදුරටත් සඳහන් කළේය.