(ක්‍රිෂාන්ජීවක ජයරුක්)

වැලිගම මිදිගම ප්‍රදේශයේදී ඊශ්‍රායල් ජාතිකයින් පස් දෙනෙකුට පොලු වලින් හා අතින් පයින් පහරදී තුවාල සිදු කිරීම සම්බන්ධයෙන් පුද්ගලයකු ඊයේ (17) රාත්‍රී සැකපිට ප්‍රශ්න කිරීම සඳහා අත්අඩංගුවට ගත් බව වැලිගම පොලිසිය පවසයි.

විදේශීය ජාතික තරුණියක් මුහුදේ සර්ෆ් ක්‍රීඩාව සිදු කරන අතරතුරදී සර්ෆ් බෝඩ් එක මූදුගමුව ප්‍රදේශයේ තරුණයකුගේ අතේ වැදී තුවාල සිදු වී තිබේ.

ඔහු බෙහෙත් දමා ගැනීම සඳහා මුදල් ඉල්ලා සිටිමේදී එම ස්ථානයට පැමිණි ඊශ්‍රායල් ජාතිකයින් සමඟ ආරවුලක් ඇතිකර ගෙන තිබෙන බව මූලික පොලිස් පරීක්ෂණවලදී අනාවරණයවී ඇත.

එහිදී දෙපාර්ශවය අතර ගුටි බැට හුවමාරුවක් සිදුව ඇතැයිද පසුව එතැනට රැස් වු පිරිස ඊශ්‍රායල් ජාතිකයින්ට දැඩි ලෙස පහර දී තිබෙන බවද කියති.