ඊශ්‍රායලයේ රැකියාවලට ශ්‍රමිකයින් යැවීම රජයෙන් පමණයි

(තිළිණි ද සිල්වා)

මින් ඉදිරියට ඊශ්‍රායලයට ශ්‍රමිකයින් යැවීම සිදු කරන්නේ රජයෙන් පමණක් බව කම්කරු අමාත්‍ය නිමල් සිරිපාල ද සිල්වා මහතා අද (15) පැවසීය.

ඊශ්‍රායල රජය සහ ශ්‍රී ලංකා රජය ඇති කරගත් රාජ්‍ය තාන්ත්‍රික ගිවිසුමකට අනුව මෙය සිදුකරන බව අමාත්‍යවරයා සඳහන් කළේය.

ඊශ්‍රායලයේ ගෘහස්ථ සාත්තු සේවා සහ කෘෂිකර්ම අංශයේ රැකියා සඳහා ශ්‍රී ලංකාවෙන් පසුගිය කාලයේ පෞද්ගලික අංශය මගින් යවනු ලැබූ ශ්‍රී ලංකිකයන් ගෙන් මෙරට රැකියා ඒජන්සිකරුවන් විශාල මුදලක් අයකිරීම පිළිබඳව තොරතුරු ලැබී තිබූ අතර මෙම හේතුව මත ඊශ්‍රායල රජය මෙරට රැකියා ඒජන්සිකරුවන් මඟින් එරටට ශ්‍රමිකයන් ගෙන්වා ගැනීම අත්හිටුවා ඇතැයි ද අමාත්‍යවරයා කීය.

මෙහිදී අමාත්‍යවරයා වැඩිදුරටත් පවසා ඇත්තේ එම ගිවිසුම නිසා මින් ඉදිරියට කිසිඳු පෞද්ගලික ආයතනයකට ඊශ්‍රායලයට ශ්‍රී ලංකීක ශ්‍රමිකයින් යැවීමට අවස්ථාවක් හිමි නොවන බවය.

එම නිසා ඊශ්‍රායලයට ශ්‍රී ලාංකීක ශ්‍රමිකයන් යැවීම පිළිබඳව සමහරු සිදුකරන ප්‍රචාරයන්ට නොරැවටෙන ලෙස ඔහු මහජනතාවගෙන් ඉල්ලා සිටී.

මේ සම්බන්ධයෙන් විදේශ සේවා නියුක්ති කාර්යාංශයේ සාමාන්‍යධිකාරී මංගල රන්දෙණිය මහතාගෙන් ලංකාදීපය කළ විමසීමකදී ඒ මහතා කියා සිටියේ ඊශ්‍රායලයේ මේවන විට පවතින කෝවිඩ් වසංගත තත්ත්වය අවසන් වූ වහාම එරටට මෙරට ශ්‍රමිකයින් යැවීමේ ප්‍රවර්ධන කටයුතු රජය විසින් ආරම්භ කරන බවය.

ඒ අනුව විශේෂ සේවා ගාස්තු අය කිරීමකින් තොරව ඊශ්‍රායලයේ ගෘහස්ථ සාත්තු සේවා සහ කෘෂිකර්ම අංශයේ රැකියා සඳහා ලාංකිකයින්ට යෑමට වරම් ලැබෙන බවද විදේශ සේවා නියුක්ති කාර්යාංශයේ සාමාන්‍යධිකාරීවරයා පැවසීය.

අදහස් (8)

ඊශ්‍රායලයේ රැකියාවලට ශ්‍රමිකයින් යැවීම රජයෙන් පමණයි

sena Tuesday, 15 September 2020 03:32 PM

අනෙකුත් රටවලටත් මේ ප්‍රතිපත්තිය අනුගමනය කළ යුතුයි.

: 0 28

de silva Tuesday, 15 September 2020 04:03 PM

ඔය හදන්නේ කීයක්හරි කඩාගන්න.

: 182 102

Nimal Tuesday, 15 September 2020 04:45 PM

ශ්‍රමිකයින් රැකියාවලට යවනකොට ඊස්‍රායලය හොඳයි. ඒත් එක්සත් ජාතීන්ගේ සංවිධානය ඊස්‍රාලයට විරුද්ධව ඡන්දෙ දෙනකොට ඊස්‍රායලය නරකයි. මොකද මේ දෙබිඩි ප්‍රතිපත්තියක්..?

: 257 103

ranaWednesday, 16 September 2020 03:55 AM

මා ඉන්දියාවට 13 දෙනවා කිවේ නැහැ, දෙබිඩි නැහැ නේද ?

: 0 0

බද්රානි Tuesday, 15 September 2020 07:16 PM

ශ්‍රමය කියන්නේ රටකට සම්පතක්... එ්ත්, ලංකාවේ අමනෝඥ පාලකයින්ට එය පිටරටවලට විකුණන වෙළඳ භාණ්ඩයක්. වර්තමානයේ ඊශ්‍රායලයේ ඉහළ වැටුප් ගෙවනවා.

: 0 0

de silva Wednesday, 16 September 2020 07:14 AM

දේශපාලකයෝ ඡන්දෙට වියදම් කරපු සොයාගන්නැතුව කොහොමද.?

: 0 0

එන්. ඒ. කංචන රුවන් කුමාර සෙනවිරත්න. Wednesday, 31 August 2022 06:33 PM

ශ්‍රී ලාංකික ජනතාවට හොඳ තොරතුරක්... මමත් ඉතා ආශාවෙන් ඉන්නේ. අවස්ථාව ලැබුණොත් යනවා..

: 0 0

Ew රවීන්ද්‍ර රොහාන් Saturday, 18 February 2023 09:43 PM

ඇත්තෙන්ම ගොඩක් වටිනා දෙයක්, වංචනිත විදේශ රැකියා ආයතනවලට වඩා රජයෙන් මේ මැදිහත්වීම අගයකළ යුතුමයි.

: 0 0