ජෙරුසලමේදීය (රොයිටර්)
 
අසල්වැසි සිරියාවේ රඳවා සිටින ඉරාන ගුවන් හමුදාවලට ප්‍රහාර එල්ල කරන බවට ඉඟියක් ඊශ්‍රායලය විසින් පළ කරනු ලැබ ඇතැයි වාර්තා වේ. 

 
සිරියානු ජනාධිපති බෂාර් අල් අසාද්ට, එම ආණ්ඩුවට සහ රජයේ හමුදාවලට රුසියාවේ සහායට අමතරව ඉරානයේ සහාය ද හිමි වේ. ඉරානය සිරියානු අර්බුදයට මැදිහත් වීමත් ජනාධිපති බෂාර් අල් අසාද් ප්‍රමුඛ ආණ්ඩුවට සහාය දැක්වීමත් සෞදි අරාබිය, ඊශ්‍රායලය සහ කලාපයේ තවත් රටවල් කිහිපයකට නොසතුටට හා කෝපයට හේතු වී තිබේ. 
 
සිරියාවට ගමන් කරන ඉරාන මගී ගුවන් යානා ද ආයුද ප්‍රවාහනය කරන බව ඊශ්‍රායලයේ අදහස වී තිබේ. යම් හෙයකින් ඊශ්‍රායලය ඉරාන ගුවන් හමුදාවලට සිරියාවේ සිටින ඉරාන හමුදාවලට ප්‍රහාර එල්ල කළොත් සිරියානු අර්බුදය පමණක් නොව අවුල් සහගත මැද පෙරදිග කලාපය වියවුලක් කරනු ඇතැයි විශේෂඥයෝ පෙන්වාදෙති.
 
අප්‍රේල් මුල් සතියේදී සිරියානු ලෙබනන දේශසීමාවේ පිහිටි ගුවන් හමුදා කඳවුරකට ප්‍රහාරයක් එල්ල වූ අතර එයින් ඉරාන සෙබළු 7 දෙනෙක් ජීවිතක්ෂයට පත්වූහ. ඉරානය පමණක් නොව රුසියාව සහ සිරියාව ද එම ප්‍රහාරය සම්බන්ධයෙන් ඊශ්‍රායලයට චෝදනා කළේය. 
 
ඊශ්‍රායලට එම චෝදනා ප්‍රතික්ෂේප නොකළා පමණක් නොව එම ප්‍රහාර එල්ල කරන ලද්දේ කවුරුන්ද යන වග හෝ සම්බන්ධයෙන් කිසිදු අදහසක් පළ නොකළේය. 
 
055