IMG-LOGO

‘ඉන්ධන මිල සුත්‍රය මෙන් සේවක වැටුප් වැඩි කරවීමටද වැටුප් සූත්‍රයක් තිබිය යුතුයි‘

  (  නාලක සංජීව දහනායක)


මිළ සූත‍්‍රය අනුව මසකට වරක් ඉන්ධන මිළ ඉහළ දමන්නේනම් එයට සරිලන ලෙස සියළුම සේවක සේවිකාවන්ගේ වැටුප් ඉහළ දැමීම සඳහාද වැටුප් සූත‍්‍රයක් හඳුන්වා දිය යුතු බව ඒකාබද්ධ විපක්‍ෂයේ ප‍්‍රධාන සංවිධායක පාර්ලිමේන්තු මන්ත‍්‍රී ඩලස් අලහප්පෙරුම මහතා අද (12) පැවසීය.


ඉන්ධන මිළ ඉහළ දැමීමට සමානව වැටුප් වැඩි නොවීම නිස ජනතාවගේ ආර්ථිකය ඉතාම වේගයෙන් අගාධය කරා ගමන්කරමින් තිබෙන බවද ඔහු කීය.

 මන්ත‍්‍රීවරයා මෙසේද කීය.

ඉන්ධන මිළ සූත‍්‍රයට අනුව සති තුනක කාලයක් ඇතුළතදී තුන්වැනි වරටත් ඉන්ධන මිළ ඉහළ ගිහිල්ලා. ඛණිජතෙල් මිළ ඉහළ යෑමත් සමඟම අනෙක් සියළුම භාණ්ඩ හා සේවාවල මිළ වැඩිවෙනවා. මේ ඉන්ධන මිළ සූත‍්‍රය කුමක්ද, මිළ වැඩිවෙන්නේ කුමන ප‍්‍රතිශතයකින්ද කියන්න ජනාධිපතිවරයා දන්නේ නැහැ. 


මේ ඉන්ධන මිළ සුත‍්‍රය සම්බන්ධයෙන් තමන් කිසිවක් නොදන්නා බව විෂයභාර අමාත්‍යවරයා හා ඛණිජතෙල් සංස්ථාවේ වෘත්තීය සමිති සඳහන් කරනවා. මුදල් ඇමතිවරයා හැර ආණ්ඩුවේ කිසිම ඇමතිවරයෙක් මේ මිළ සූත‍්‍රය ගැන දන්නේ නැහැ. තොරතුරු දැනගැනීමේ පනත යටතේවත් මේ සූත‍්‍රය ගැන කිසිම තොරතුරක් දෙන්නේ නැහැ. මෙය මායාකාර ගුප්ත මිළ සුත‍්‍රය මොකද්ද?. 


මේ මිළසූත‍්‍රය අනුව රටේ ආර්ථිකය කොතැනටද ගමන් කරන්නේ කියන ප‍්‍රශ්නය අපිට ඇතිවෙනවා. 2008 වසරේදි බොරතෙල් බැරලයක මිළ ඇමරිකානු ඩොලර් 140 දක්වා ඉහළ ගියා. වත්මන් ආණ්ඩුව යටතේ එවැනි තත්ත්වයක් නිර්මාණය වුනොත් අපේ රටේ පෙට්ට‍්‍රල් ලීටරයක් රුපියල් 295 ක මුදලකට විකුණන්න වෙනවා. ඒ නිසා මේ මිළසූත‍්‍රය කොයිතරම් විනාශකාරීද කියලා පේනවා. මසකට වරක් ඉන්ධන මිළ ඉහළ දමනවානම් එයට සරිලන ලෙසට සියළුම සේවක සේවිකාවන්ගේ වැටුප් ඉහළ දැමීමේ සූත‍්‍රයක් නිර්මාණය කළ යුතුයි. එහෙම නොවුනොත් ජනතාවගේ ආර්ථිකය ඉතාම වේගයෙන් අගාධය කරා ගමන් කරන බවක් පෙනෙන්න තිබෙනවා යැයිද කීය.


ඒකාබද්ධ විපක්‍ෂය බොරැල්ල, ආචාර්ය එන්.එම් පෙරේරා කේන්ද්‍රයේ මාධ්‍ය හමුවකට එක්වෙමින් ඒ මහතා මේ බව සඳහන් කළේය.



අදහස් (7)

‘ඉන්ධන මිල සුත්‍රය මෙන් සේවක වැටුප් වැඩි කරවීමටද වැටුප් සූත්‍රයක් තිබිය යුතුයි‘

පිටිගල මිලානෝ Wednesday, 12 September 2018 12:05 PM

බලන්න පොඩ්ඩක් සූත්තරේ තියෙනවද කියලා...?

:       0       12

sena Wednesday, 12 September 2018 12:10 PM

අම්මේ, දැන්නේ මන්ත්‍රීතුමාට හොඳ හොඳ අදහස් පහළවෙන්නේ.. තව සෑහෙන කාලයක් විපක්ෂයේ තියන්න වෙනවා මීටත් වඩා හොඳ අදහස් ලබාගන්න.

:       9       20

ගාල්ලේ පාල Wednesday, 12 September 2018 12:30 PM

සේන කියූ පරිදි මෙතුමන්ලගේ කාලෙ බන්දුල ගුණවර්ධනත් සූත්තර හැදුවනේ.. අන්න ඒ කාලෙයි වැටුප් සූත්තරෙත් හදන්න කිව්වේ..

:       0       24

ajith Wednesday, 12 September 2018 12:47 PM

මේ ගොල්ලන්ගේ කාලේ උසාවි නියෝගයටවත් අැහුන්කන් නොදී දැන් වැටුප් සූත්තර ගැන කතා කරනවා. ලැජ්ජයි.

:       0       6

Pradeep Wednesday, 12 September 2018 01:28 PM

මේක හැදුවේ මෙයාගේ මහරජා...

:       0       1

OMG Wednesday, 12 September 2018 01:00 PM

චක්කරේ පාඩම්ද දන්නේ නැහැ.

:       0       1

rocky Wednesday, 12 September 2018 02:02 PM

දැන් සූත්තර පුන්චාට අර කිරි පැකට් බිව්වට පස්සේ අමුතු අදහස් පහල වෙනවා වගේ!

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 51 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 440 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 876 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site