ඇමැති මුස්තාෆා අස් විය යුතුයි - මැතිවරණ නිරීක්ෂකයෝ කියති

(බිඟුන් මේනක ගමගේ)

පළාත් සභා සීමා නිර්ණය වාර්තාව පාර්ලිමේන්තුවේදී පරාජයට පත්කිරීමට සහාය දැක් වූ පළාත් සභා හා පළාත් පාලන ඇමැති ෆයිසර් මුස්තාෆා මහතා හෘද සාක්ෂියක් තිබේ නම් ඉල්ලා අස් විය යුතු යැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානය පවසයි.

තමා විසින්ම මැදිහත් වී පාර්ලිමේන්තුවට ඉදිරිපත් කළ පනතක් පරාජය කිරීමට විෂය භාර ඇමැතිවරයකු සහාය දීමක් පාර්ලිමේන්තු ඉතිහාසයේ මින් පෙර නොදුටුවේ යැයි ද එමගින් සිදුවුණේ මැතිවරණ කල්දැමීමට සමස්ත පාර්ලිමේන්තුව උපයෝගී කරගැනීමකැයි ද එහි ජාතික සම්බන්ධීකාරක මංජුල ගජනායක මහතා ලංකාදීපයට පැවැසීය.

පනත ඉදිරිපත් කළ විෂය බාර ඇමැතිවරයා හැටියට තම ආත්ම ගරුත්වය ගැන සිතා ෆයිසර් මුස්තාෆා ඇමැතිවරයා ඡන්දය ප්‍රකාශ කිරීමෙන් වැලැකී සිටියේ නම් එය වඩා සුදුසු යැයි ද ගජනායක මහතා කීය.

පළාත් සභා මැතිවරණය සඳහා 2017 අංක 17 දරණ පළාත් සභා මැතිවරණ (සංශෝධන) පනත සංශෝධන කීපයක් සහිතව භාවිතයට ගන්නැයි පළාත් සභා මැතිවරණ ක්‍රමය පිළිබඳ සිවිල් සමාජ ක්‍රියාකාරී කමිටුව සියලුම දේශපාලන පක්ෂවලින් ඉල්ලා සිටියදී සීමා නිර්ණය කමිටු වාර්තාව පරාජය කිරීම සම්බන්ධයෙන් කළ විමසීමට පිළිතුරු දෙමින් ගජනායක මහතා මෙසේ කීය.

සීමා නිර්ණය පිළිබඳ පාර්ලිමේන්තු විවාදයේදී කිසිදු හරවත් සංවාදයක් සිදු නොවුණේ යැයි චෝදනා කළ හෙතෙම ඊට විරුද්ධව ඡන්දය පාවිච්චි කළ පාර්ශ්ව ඊට හේතුවත් හරි හැටි නොදැක් වී යැයි ද කීය.

එම විවාදය හා ඡන්ද ප්‍රකාශ කිරීම සමාන කළ හැක්කේ තිර පිටපතක් නොමැතිව රඟ දැක් වූ නාට්‍යයකටැයි ද මහජන අභිලාශ ගැන දේශපාලන පක්ෂවලට හැඟීමක් නොවීම කනගාටුවට කරුණකැයි ද ඒ මහතා අවධාරණය කර කීය.

පළාත් සභා මැතිවරණය පැවැත්වීම පිළිබඳ නිර්දේශ නිකුත් කිරීම සඳහා කතානායකවරයා අගමැතිවරයාගෙන් ප්‍රධානත්වයෙන් කමිටුවක් පත්කිරීම මීළඟ පියවර වුව ද එය පවා අවංක චේතනාවෙන් ක්‍රියාත්මක වේදැයි සැකසහිත යැයි ගජනායක මහතා පැවසීය.

යෝජිත පළාත් සභා මැතිවරණය සඳහා 2017 අංක 17 දරණ පළාත් සභා මැතිවරණ (සංශෝධන) පනත සංශෝධන කීපයක් සහිතව භාවිතයට ගන්නැයි පළාත් සභා මැතිවරණ ක්‍රමය පිළිබඳ සිවිල් සමාජ ක්‍රියාකාරී කමිටුව සියලුම දේශපාලන පක්ෂවලටත් මැතිවරණ කොමිසමටත් පසුගියදා යෝජනා කළේය.

සිවිල් සමාජ ක්‍රියාකාරී කමිටුව මෙම ඉල්ලීම කළේ පළාත් සභා සම්බන්ධයෙන් යෝජිත නව මැතිවරණ ක්‍රමයේ සිදුවිය යුතු වෙනස්කම් සම්බන්ධයෙන් සමාලෝචන වාර්තාවක් ඉදිරිපත් කරමිනි.

අදහස් (6)

ඇමැති මුස්තාෆා අස් විය යුතුයි - මැතිවරණ නිරීක්ෂකයෝ කියති

Perakum Sunday, 26 August 2018 10:31 AM

ඒ රටවල එහෙම වුණත් ලංකාවේ එහෙම වෙන්නෙ නෑ...!

: 0 17

Sriyal Sunday, 26 August 2018 10:49 AM

උගත්, බුද්ධිමත් මිනිස්සු පාර්ලිමේන්තුව තුල බහුතරයක් නෑ. මැතිවරණ නීති අනුව රටේ වැදගත් ඡන්ද සඳහා ඉදිරිපත් විය හැකිවන්නේ රාජ්‍ය සේවය නොකරන අයයි. මේ නිසා බොහෝවිට පාර්ලිමේන්තුවට පත්වන්නේ නූගතුන්ය. ඒ උගත්, බුද්ධිමත් තරුණ තරුණියන් මුල් කාලයේදීම රැකියාවක් ලබා ගැනීමට හැකිවන නිසාය. ඔවුන් දේශපාලන සඳහා ඉදිරිපත් නොවේ. කිසිවක් කරගැනීමට නොහැකි වූ අය දේශපාලන බලය ලබා ගැනීම නිසා රටේ පරිහානියට හේතුවේ. තමාගේ රැකියාවෙන් ඉවත් නොවී ඡන්ද ඉල්ලා ඉදිරිපත්වීමට හැකිවන ලෙස නීතිය සාධාරණ ලෙස වෙනස්වේ නම් උගත්, බුද්ධිමත් මිනිස්සු පාර්ලිමේන්තුව තුළ බහුතරයක් දෙනා වෙනුවෙන් ඇත. එතෙක් රටේ පරිහානියට ලක්වීම කිසිවෙකුටවත් වැළැක්විය නොහැකිය.

: 1 167

RaveendraSunday, 26 August 2018 01:34 PM

ශියාලාල් මයා වෙත, ඔබගේ අදහස් සමග 100% අපද එකග වන්නෙමු. එමෙන්ම මෙවන් ගැටළුවක් ඔබලාට මතුනොවේද ? (කරුණාකර තම තමන් වන්දනාමාන කරන නිවට පක්ෂ අමතක කර අවංකව මධ්යස්තව සිතන්න) දියවන්නඔයේ වැඩි කොටසක් නුගත් බව අමුතුවෙන් කිවයුතුව නැත, නමුත් උගත් බුද්ධිමත් යයි කියන රෑනකුත් සිටිනවා නොවේද? ගැටලුව තියෙන්නේ මෙම නූගත් මෙන්ම උගත් යයි කියන සියල්ලොගේම ක්‍රියා කලාපයේ කිසිදු වෙනසක් අපට නම් පෙනෙන්නට නොමැත. පිනට අපට කෑම එපා කියල කිසිදු උගතෙක් කිව්වද ? පිනට අපට අධික මිල සහිත වාහන එපා කියල කිව්වද නැහැ ?? මෙවැනි ගැටළු වලදීත් නුගතුන් සහ උගතුන් දෙගොල්ලොම එක හා සමානව හැසිරෙනවා යනු මේ සියල්ලෝම "තමන්ගේ බඩවියත ගැන පමණක් සිතන" රැලක් නොවේද ???

: 0 33

nuwan Sunday, 26 August 2018 11:52 AM

බැරි වෙලාවත් ඔය වාර්තාවෙන් ලංකාව හැර ඊශ්‍රායල් රටට අවාසියක් වෙනවා කිව්වා නම් ඇමති එකපයින් ඡන්දෙ දෙන්නේ....

: 0 5

saman Sunday, 26 August 2018 11:54 AM

කැපුවත් අර පාට කියාගෙන ඉන්න මෝඩ ජනතාව මැරුණු දවසටවත් උගතුන් පත් කරගමු.

: 0 3

Asanka Sunday, 26 August 2018 02:28 PM

ගව රැලකට නායකයා ලෙස පත්වන්නේද වැඩුණු ගවයෙකි.... සිංහයෙකු නොවේ.

: 0 8

ඔබේ අදහස් එවන්න

වැඩි දෙනා කියවූ පුවත්

පාකිස්තානය ඊශ්‍රායලය මට්ටු කරාවි - ඉරානය

2025 ජුනි මස 17 15746 11

ඉරානය නායකයා මැරුවොත් ගැටුම අවසන් - ඊශ්‍රායලය කියයි

2025 ජුනි මස 17 11130 20

ඉරානය හෝමුස් සමුද්‍ර සන්ධිය වසා දමයි

2025 ජුනි මස 23 10531 18

සිඟිත්තිය උකුලට පැනීමෙන් මෝටර් රිය බිල්ලක් ගනී

2025 ජුනි මස 15 9660 5

කොළඹ පුරපති පුටුව ව්‍රායි කැලී බල්තසාර් ට

2025 ජුනි මස 16 8337 39

2025 ජුලි මස 04 48 0

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

2025 ජුලි මස 01 438 1

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

2025 ජුනි මස 26 876 0

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම