තරිඳු ජයවර්ධන සහ සුරේෂ් කේ පෙරේරා
උද්ඝෝෂණය කළ ශිෂ්යයන් අත්අඩංගුවට ගැනීම දිගින් දිගටම සිදු කරන්නේ නම් මර්දනයට එරෙහිව සියලු ගුරු සංගම් එක්ව දැවැන්ත වෘත්තීය ක්රියාමාර්ගයක් ගන්නා බව ගුරු වෘත්තීය සමිති නියෝජිතයෝ පිරිසක් අද කොළඹ විශ්ව විද්යාලයයේ දී පැවසූහ.
උද්ඝෝෂණය කළ විශ්ව විද්යාල සිසු සිසුවියන් අත්අඩංගුවට ගැනීමට එරෙහිව ගුරු වෘත්තීය සමිති පහක් එක්ව කොළඹ විශ්ව විද්යාලයේදී අද මාධ්ය හමුවක් පැවැත්වීය.
සයිටම් සම්බන්ධයෙන් රජය නිකුත් කළ නිවේදනය නොපිළි ගන්නා බවත්, එහි දැක්වෙන්නේ ආණ්ඩුව කළින් ප්රකාශ කළ විසඳුම් බවත්, සයිටම් වලට එරෙහිව ශිෂ්ය ව්යාපාරය ගෙන යන අරගලයට උපරිම සහයෝගය දෙන බවත් ලංකා ගුරු සංගමයේ ලේකම් ජෝසප් ස්ටාලින් මහතා පැවසීය.
‘ගෙවල් වලට ඇවිත් පොලිසිය ශිෂ්යයන් අරගෙන යනවා. රාගම වෛද්ය පීඨයේ පළමු වසර ශිෂ්යයෙක් සොයා පොලිසිය කටානේ නිවසට ගොස් තිබෙනවා. නිවස වට කර නිවසට ඇතුළු වී එම ශිෂ්යයාව පොලිසිය අරගෙන ගොස් තිබුණත් ඔහුගේ පවුලේ අය මරදාන පොලිසියට ගිය විය අත්අඩංගුවට ගැනීඹ ප්රතික්ෂේප කළා. පසුව අත්අඩංගුවට ගත් බව පොලිසිය පිළිගෙන තිබෙනවා. වරෙන්ති නිකුත් වී සිටි ඥාණසාර හිමියන් අත්අඩංගුවට නොගත් පොලිසිය ගුටිකාලා රෝහලේ ප්රතිකාර ලබමින් හිටපු සුගතානන්ද හිමියන් අත්අඩංගුවට ගත්තා. නීතිය ක්රියාත්මක කරන ආකාරය වෙනස් බව එයින්ම පෙන්නුම් කරනවා. ‘
සයිටම් සම්බන්ධයෙන් ගුරු විදුහල්පති ප්රජාව දැනුම්වත් කිරීමට බලා පොරොත්තු වන බව ලංකා ගුරු සේවා සංගමයේ ප්රධාන ලේකම් මහින්ද ජයසිංහ මහතා පැවසීය. ගුරු වෘත්තීය සමිති පමණක් නොව අනෙකුත් වෘත්තීය සමිති සමගද සාකච්ඡා කර මර්දනයට එරෙහිව අවශ්ය ක්රියාමාර්ග ගන්නා බව ද ජයසිංහ මහතා කීවේය.
ලංකා ප්රගති ගුරු සංගමය නියෝජනය කරමින් මයුර සමරසිංහ මහතා ද, ශ්රී ලංකා පොදු ජන ගුරු සංගමය නියෝජනය කරමින් වසන්තා හඳපාන්ගොඩ මහත්මිය ද, උපාලි සෙනවිරත්න මහතා ද මෙහිදී අදහස් දැක්වූහ.
COMMENTS
ආණ්ඩුවේ යෝජනා පිළිගත්තම ඉතින් ඔයගොල්ලන්ගේ නමවත් කියවගන්න විදියක් නෑනේ.
දොස්තරකම කරන්න හැමෝටම බැරි නිසා එයාලා ස්ට්රයික් කරන්නේ බය නැතුව.... ගුරුවරු ස්ට්රයික් කලොත් දවස් දෙකෙන් ගෙදර. ඉස්කෝලේ උගන්නන වැඩේ කරන්න ඕනේ තරම් මිනිස්සු දැන් ඉන්නවා. මෙයාලා මෙහෙම කිව්වට ගුරු පත්වීම ගන්න වෙච්ච් මහන්සිය මතක කිසි කෙනෙක් ස්ට්රයික් කරන්නේ නෑ.
අපේ ගුරු මණ්ඩලයේ ගුරුවරු 106 න් එක ගුරුවරයෙක් විතරයි කළින් ස්ට්රයික් එකට එකතු වුණේ... ඒ නිසා මේක අමූලික බොරුවක්. සමස්ත ගුරුවරු මේකට එකතු වෙන්නේ නෑ.
ගුරුවරු ප්රයිවට් ඩොකාලට විරුද්දව ස්ටයික් කරනවානම් ඊට ඉස්සෙල්ල ප්රයිවට් ඉස්කෝල රජයට පවර ගන්න කියල ස්ට්රික් කරන්න කෝ... LYSIUM , LEEDS , Belvoir , Colombo South , Lakeland .... ඔය තියෙන්නේ හැටහුටහැමාරක්ම... තව සෙට් එකක් තියෙනවා රජයෙන් සල්ලිත් අරගෙන ප්රයිවට් ඉස්කෝල කරගෙන යන , එ්ත් කතෝලික ආගමේ අයව විතරක් ගන්න බෞද්ධ ළමයින්ගෙන් ලක්ෂ 7, 8 ගන්න ඉස්ස්කොල... කෝ මේ ගුරු සංගම් ඒවාට විරුද්ධව කට අරින්නේ නැත්තේ... කටේ පිට්ටුද නැත්නම් කොමිස්ද..
ඇයි ගුරුවරුන්ට විවෘත අයිතිවාසිකම් නැද්ද? සයිටම් හරි රජයේ වෛද්ය විද්යාලයකට යන්නේ රටේ ගුරුවරුන්ගේ කැපවීම නිසා නෙවෙයිද? අනික පුද්ගලික වෛද්ය විද්යාල සහ පුද්ගලික පාසල් අතර ලොකු වෙනසක් තියෙනවා. ඇයි ගුරුවරයා ඔය තරම් අවතක්සේරු කරන්නේ? ස්වයං අධ්යයනයක් වෙන්න ඇති කරන්න ඇත්තේ...