(ඉන්දිකා රාමනායක)
 
මෙක්සිකෝවේ සිට මෙරටට    ඒවා  තිබු  රුපියල් ලක්ෂ  50 ට අධික වටිනා අයිස්  නැමැති   මත්ද්‍රව්‍ය පාර්සලයක් සමඟ  සැකකරුවකු  කොළඹ මධ්‍යම තැපැල් හුවමාරුවේ දී  අත්අඩංගුවට ගත් බව පොලිස් මුලස්ථානය පවසයි.
 

ප්ලාස්ටික්  උපකරණයක  මෙම  මත්ද්‍රව්‍ය  සුක්ෂම ලෙස අසුරා තිබු බවත් එම පාර්සලයේ අයිස් මත්ද්‍රව්‍ය  ග‍්‍රෑම් 502 ක  ප‍්‍රමාණයක්   තිබී ඇත.
 
මීට දින  කිහිපයකට පෙර මෙම පාර්සලය  කොටුව මධ්‍යම තැපැල් හුවමාරුව වෙත  පැමිණ ඇති බවද  පොලිසිය පවසයි.
 
 මෙම සැකකට යුතු පාර්සලය සම්බන්ධයෙන් ඇති වු සැකයක් මත එම පාර්සල රේගු නිලධාරීන්  බාරයට ගෙන ඇති අතර    ඊයේ (11)  සවස  මෙම පාර්සලය මුදා  ගැනීමට  සැකකරු පැමිණ  සිටියදී ඔහු අත්අඩංගුවට පත්ව ඇත.
 
නිලධාරීන් සැකකරු ඉදිරියේ  මෙම  පාර්සලය දිග හැරීමේ දී එහි   අයිස් මත්ද්‍රව්‍ය    ග‍්‍රෑම් 502 ක ප‍්‍රමාණයක් තිබී ඇත.
 
අත්අඩංගුවට ගත් සැකකරු පන්නිපිටිය  පැලන්වත්ත  ප‍්‍රදේශයේ පදිංචි (29)  හැවිරිදි  පුද්ගලයකු බවත් ඔහුගේ නමට   මෙක්සිකෝවේ සිට එවා තිබු බවද පොලිසිය පවසයි.
 
සැකකරු   මාලිගාකන්ද අධිකරණය හමුවට ඉදිරිපත් කිරීමට නියමිතව තිබුණි.