(උපාලි ආනන්ද)
අනුරාධපුර හෙද විදුහලේ විදුහල්පතිනිය විවිධ බලපෑම් කරමින් සිටීම නිසා තමන් දැඩි පීඩනයකට මෙන්ම අපහසුතාවයට පත්ව සිටින බව එම එහි හෙද සිසුවියෝ පවසති.
සිසු හෙද සිසුවියන්ට අවශ්ය නිල ඇදුමි මැසීමේදි සිසුවියන්ට කැමති අවම මිල ගණන් ඇති සුදුසු ස්ථානයකින් ඒවා මසා ගැනීමට ඉඩ නොදෙන බවත් විදුහල්පතිනිය නම් කරනු ලබන ස්ථානයෙන්ම නිල ඇඳුම් මැසීම අනිවාර්ය කර ඇති බවත් හෙද සිසුවියෝ කියති.
එමෙන්ම හෙද පාඨමාලාවේ විෂය ධාරාවන්ට අදාල තොරතුරු ඇතුළත් මුද්රිත පොත් තමන් කැමති අඩු මිල ගණන් සහිත පොත් සාප්පු වලින් ලබා ගැනිමටද ඉඩ නොදෙන බවත් ඇය නියම කරනු ලබන ආයතනයෙන්ම එම පොත් මිලදී ගන්නා ලෙසට තමන්ට දැඩිව බලපෑම් කරන බවත් ඔවුහු කියා සිටිති.
හෙද පාඨමාලා අවසන් කර විදුහලෙන් නික්ම ගිය පැරණි හෙද සිසුවියන්ගෙන් පාඨමාලාවලට අදාල මුද්රිත පොත් ලබා ගෙන ඇති ආර්ථික අපහසුතාව ඇති නවක සිසුවියන්ට පැරණි පොත් තිබියදී එවැනිම පොත් නැවත තමන් කියන ස්ථානයෙන් අලූතින් මිලදී ගන්නා ලෙසට ද විදුහල්පතිනිය බලපෑම් කරන බව වාර්තා වේ.
ඇය විසින් නම් කරනු ලබන රක්ෂණ ආයතනයකින් ජීවිත රක්ෂණයක් ලබා ගැනිමත් තමන් නම් කරන බැංකුවක ගිණුමක් විවෘත කිරිමත් හෙද සිසුවියන්ට අනිවාර්ය කර ඇති බවද ඇයට එල්ලවන තවත් චෝදනාවකි.
විදුහල්පතිනිය නියම කරනු ලබන එක් කාර්යයක් හෝ පැහැර හැරියහොත් තමන්ට විවිධ දේ කියමින් දැඩි කෝපයෙන් පසුවන බවටත් සිසුවියෝ චෝදනා කරති.
හෙද සිසුවියන් එල්ල කරන මෙම චෝදනා සම්බන්ධයෙන් කළ විමසුමකට ප්රතිචාර දක්වමින් අනුරාධපුර හෙද විදුහලේ විදුහල්පතිනි ඩබ්. ඒ. කුසුමාවති ජයතිලක මහත්මිය ප්රකාශ කළේ සියලූ චෝදනා තමන් ප්රතික්ෂේප කරන බවයි. නිල ඇඳුම් වල අඩුපාඩු ඇත්නම් ඒවා නිවැරදි කර ගන්නා ලෙසට පමණක් තමන් ඔවුනට අවවාද කරන බවත් ජීවිත නැති කර ගැනීමට ගිය සිසුවියන්ගේ ජීවිත බේරා ගත්තේද තමන් බවත් ඇය කීවාය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
අ‘පුර හෙද විදුහලේ විදුහල්පතිනියගෙන් අමුතු පාලනයක්
hesa Monday, 04 December 2017 08:45 PM
කවුද ඇත්ත කියන්නේ
nalin Monday, 04 December 2017 11:44 PM
හෙද විදුහලේ විදුහල්පතිනියගෙන් විතරක් නෙමෙයි අප දන්නා බොහෝ හෙදියන්ගේද ඇත්තේ අමුතු පාලන තමයි. අසරණ ලෙඩුන්ට කාරුනිකව සහ ගෞරවාන්විතව කතා කරන්න සළකන්න තව දුරටත් අපේ රටේ හෙදියන් පුරුදු කල යුතුයි. රෝහල් වල දරදඩු නොනැමෙන සුළු පාලනය ඔවුන් නිවෙස් වලටද රැගෙන එනවා. මේ නිසා හෙදියන්ගේ මානසික තත්වය යහපත් කිරිමට, පවුල් උපදේශන, පැවැත්විම සහ දැනට සේවය කරනා හෙදියන්ගේ මානාසික සෞඛ්ය වාර්ථාවක් යනාදිය ගෙන සොයාබලා අසරන ලෙඩුන්ට සේවය කරවනිමට යොදවනවානම් වඩාත් හොදයි.
sampath Tuesday, 05 December 2017 06:36 AM
මේවගේ දේවල් ගොඩක් ආයතනවල වෙනවා පාසල්වලත් එහෙමයි නැතිනම් ඉතා කුඩා හෝ අතපසුවීම් බලල එහෙම නැත්නම් කෘත්රිමව හරි වැරැද්දක් පටවල ඔවුන්ගේ අනාගතයම විනාස කරන්න වැඩ කරනවා. මේවා ගැන හරි හැටි සොයා නොබැලුවොත් රටේ අනාගතය ඉතාමත්ම අදුරුයි.
rohan Tuesday, 05 December 2017 08:38 AM
කරනවා හොදටම පැහැදිලි මේ විදුහල්පතිනියට මේ කියන ආයතනවලින් හොද කොමිස් එකක ලැබෙනවා ඒයික තම මේ බලපෑම්, මේ සිද්දිය සමහර පාසල්වලද වෙනවා නමුත් කිසිවෙක් කතා කරන්නේ නැහැ මේවා හරිම අසාධාරණ වැඩ.