(ෂෙහාන් චාමික සිල්වා)

රගර් ක්‍රීඩක වසීම් තාජුදීන්ගේ ඝාතනය සම්බන්ධයෙන් තොරතුරු වසන් කළැයි චෝදනා ලබා රිමාන්ඩ් බාරයේ සිටින හිටපු නියෝජ්‍ය පොලිස්පති අනුර සේනානායක මහතා අප්‍රේල් 5 වැනි දා දක්වා යළි රිමාන්ඩ් කිරිමට කොළඹ අතිරේක මහේස්ත්‍රාත් ජෙයරාම් ට්‍රොස්කි මහතා  අද (30) නියෝග කළේය.

නීතිපති දෙපාර්තමේන්තුව වෙනුවෙන් පෙනී සිටි  අතිරේක සොලිසිටර් ජනරාල්  ඩිලාන් රත්නායක මහතා  විමර්ශන ප්‍රමාදයට  අදහස් දක්වමින්  පැවසුවේ අපරාධ පරික්ෂණ දෙපාර්තමේන්තුව දැනට පරිකෂණ සිදු කරගෙන යනු ලබන්නේ වළ දමා ගොඩ ගත් සාක්කි  පදනම් කර ගෙන බවත් විමර්ශනයේ ඇති රහස්‍යභාවය හා  සංකීර්ණ බව සළකා සාධාරණ කාලයක් ලබාදෙන ලෙසයි.