කොටි සැඟවු රන් සොයන්න ගිය සිව්දෙනෙක් අත්අඩංගුවට

( සිතුම් චතුරංග)

කිලිනොච්චිය ප‍්‍රදේශයේ ස්ථානයක කොටි ත‍්‍රස්තවාදීන් විසින් වළදමා තිබෙන රත‍්‍රං තොගයක් සෙවීම සඳහා සුඛෝපභෝගී මෝටර් රථයකින් ගමන්කරමින් සිටි ව්‍යාපාරිකයින් සිව්දෙනකු ලෝහ ද්‍රව්‍ය හදුනාගත හැකි ස්කෑනර් යන්ත‍්‍රයක් සමඟ අද (15) උදෑසන වවුනියාව නොච්චිමොටෙයි ප‍්‍රදේශයේදී අත්අඩංගුවටගත් බව පොලිස් විශේෂ කාර්ය බලකාය කියයි.

එල්.ටි.ටි.ඊ සංවිධානයේ මූල්‍ය බැංකු තුල තිබූ රත‍්‍රං පසුගිය යුද සමයේ පලායන ත‍්‍රස්තවාදීන් විසින් කිලිනොච්චිය ප‍්‍රදේශයේ වළදමා සඟවා ඇති අතර එසේ සැඟවූ ස්ථානයක් පිළිබඳ දැනගැනීමෙන් අනතුරුව ව්‍යාපාරිකයන් රත‍්‍රං ගොඩගැනීම සඳහා මෙලෙස යමින් සිටියදී මෙලෙස අත්අඩංගුවටගත් බව විශේෂ කාර්ය බලකාය පැවසීය.

වවුනියාව පොලිස් විශේෂ කාර්ය බලකා නිලධාරීන් වෙත ලැබුණ බුද්ධි තොරතුරකට අනුව නොච්චිමොටෙයි පාලම ආසන්නයේදී ක්ෂණික මාර්ග බාධක යොදා කළ වැටලීමකදී සුඛෝපභෝගී මෝටර් රථයෙන් පැමිණි සැකකරුවන් පිරිස හා ස්කෑනර් යන්ත‍්‍රය අත්අඩංගුවටගෙන තිබේ.

සැකකරුවන් ස්කෑනර් යන්ත‍්‍රය කොටස් කර ඔවුන්ගේ ගමන් මල්ලෙහි රෙදිපිළි සමඟ සූක්ෂම ලෙස සඟවා තිබූ බවද පැවසීය.

විශේෂ කාර්ය බලකාය පැවසූයේ අත්අඩංගුවටගත් ස්කෑනර් යන්ත‍්‍රය රුපියල් කෝටියකට ආසන්න වටිනාකමින් යුතු අතර එම ස්කෑනර් යන්ත‍්‍රයට පොළව අභ්‍යන්තරයේ තිබෙන මැණික් , ලෝහ , රත‍්‍රං හා රිදී ඇතුළු ඕනෑම ලෝහ වර්ගයක් වෙන්කොට හදුනාගැනීමේ හැකියාව පවතින බවයි.

අත්අඩංගුවටගත් ස්කෑනර් යන්ත‍්‍රය මෙරටට ගෙන්වීම නීතියෙන් තහනම් කොට ඇති අතර රෙගු නිලධාරීන් නොමගයවා සැකකරුවන් විසින් ස්කෑනර් යන්ත‍්‍රය මෙරටට ගෙනවිත් ඇති බවට විශේෂ කාර්ය බලකාය සැකපලකරති.

එල්.ටි.ටි.ඊ සංවිධානයේ රත‍්‍රං සෙවීම සඳහා තවත් පිරිසක් සම්බන්ධවී ඇතිදැයි සොයා විමර්ශන ආරම්භ කරන බවද කීය.

අත්අඩංගුවටගත් ව්‍යාපාරිකයින් පිරිස ගම්පහ ප‍්‍රදේශයේ පදිංචිකරුවන් වන අතර ඔවුන් අවුරුදු 30, 40, 42, 43 අතර වයසේ පසුවන්නෝ වෙති.

අදහස් (4)

කොටි සැඟවු රන් සොයන්න ගිය සිව්දෙනෙක් අත්අඩංගුවට

Bamunuarachchi Friday, 15 June 2018 04:42 PM

මැට්ටෝ සොයා ගන්නකන් ඉඳලා එපායැ අත්අඩංගුවට ගන්න... එතකොට රත්තරනුත් තිබෙනවා. වැඩෙත් ඔප්පුවෙනවා.

: 0 2

Bamunuarachchi Friday, 15 June 2018 04:46 PM

මේ උපකරණය හෙට්ටිවීදියේ ගෙනියන්න බැරුව ඇති කඩවල, සේප්පුවල තිබෙන රත්තරන් මේකට ඇදිලා අාවොත්... නේද?

: 4 0

mahindaSaturday, 16 June 2018 04:10 AM

තැන පෙන්වීමක් විතරනේ කරනවා ඇත්තේ. හිනා යනවා අඩුයි මේ මෝඩ ප්‍රතිචාරවලට....

: 0 0

Bamunuarachchi Saturday, 16 June 2018 06:32 PM

විහිළුව තේරුම් ගැනීමටත් බුද්දිය තිබෙන්න ඕනේ බව දන්නවද?

: 0 0

ඔබේ අදහස් එවන්න

එසැණ පුවත්

මුජිබර් හෙට දිවුරයි

2024 මැයි මස 09 575 0

ඩයනා ගමගේ මහත්මියගේ මන්ත්‍රී ධූරය අහෝසි වීමෙන් පුරප්පාඩු වූ සමග ජන බලවේගයේ ජාතික ලැයිස්තු මන්ත්‍රී ධුරය සඳහා පත්කෙරුණු කොළඹ දිස්ත්‍රික් හිටපු පාර්ල

ගාල්ලේ කතකගේ දහතුන් කෝටියක දොපොළ රජයට

2024 මැයි මස 09 1897 0

දේපළ උපයා ගත් ආකාරය හෙළි කිරීමට අපොහොසත්වූ අක්මිමණ ප්‍රදේශයේ කාන්තාවකට අයත් රුපියල් කෝටි 13කට අධික වටිනාකමකින් යුත් ගාල්ල දඩල්ලේ සිවු මහල් ගොඩනැගිල්

ලෝක කුසලානයට යන ශ්‍රී ලංකා සංචිතය එළියට

2024 මැයි මස 09 1453 0

ඇමේරිකාවේදී ලබන ජූනි 1 වැනිදා ආරම්භ වන විස්සයි20 ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතය අද (9) පස්වරුවේ නිවේදනය කළේය.

ලක්ෂ දෙකේ කප්පම් සිද්ධියට පොලිසියේ දෙකක් රිමාන්ඩ්

2024 මැයි මස 09 1261 0

තරුණියක සමග හෝටලයක සිටි තරුණයකු බිය ගන්වා රුපියල් දෙලක්ෂ හැත්තෑ දහසක අල්ලස් මුදලක් ගත් බව කියන කොට්ටාව පොලිස් ස්ථානයේ හදිසි ඇමතුම් (119) ඒකකයට අනුයුක්තව