(මනෝප්රිය ගුණසේකර)
ගිරිඋල්ල වික්රමශිලා විද්යාලයේ පළමු වසරට සිසුවකු ඇතුළත් කරගැනීම සඳහා රුපියල් 40,000/- ක අල්ලසක් ඉල්ලා ලබා ගැනීමේ චෝදනාවන්ට වරදකරු වු එම විද්යාලයේ හිටපු විදුහල්පතිවරයාට මාස 16ක සිරදඬුවමක් නියම කළ කොළඹ මහාධිකරණ විනිසුරු නිශ්ශංක බන්ධුල කරුණාරත්න මහතා එම දඬුවම් කාලය වසර 07 කට අත්හිටුවීමට නියම කළේය.
රැකියාව අහිමිව වසර ගණනක් පුරා සිටීම තුළින් මේ වන විටත් විත්තිකරුට දඬුවම් ලැබී ඇතැයි ද කෙසේ නමුත් වයෝවෘද්ධව සිටින විත්තිකරුට සිර දඬුවම් නියම කිරීමට තමන් අපේක්ෂා නොකරන බව සඳහන් කළ විනිසුරුවරයා විත්තිකරුට අදාළ දඬුවම් නියම කළේය.
2006 වසරේදී ගිරිඋල්ල වික්රමශිලා විද්යාලයේ පළමු වසරට සිසුවකු ඇතුළත් කරගැනීම සඳහා දරුවාගේ මවගෙන් විත්තිකාර එම විද්යාලයේ හිටපු විදුහල්පතිවරයා අල්ලස් ඉල්ලා ලබා ගැනීමේ චෝදනා පැමිණිල්ල විසින් සාධාරණ සැකයකින් තොරව ඔප්පු කොට ඇතැයි තීරණය කරමින් අත්හිටවු සිර දඬුවම් නියම කළ විනිසුරුවරයා ඊට අමතරව රුපියල් 20,000/- ක දඩයකටද ඔහු යටත් කළේය.
චෝදනාවන්ට වරදකරු වීම නිසා මෙලෙස දඬුවම් නියම වුයේ ගිරිඋල්ල වික්රමශිලා විද්යාලයේ 2006 වසරේදී විදුහල්පතිවරයා ලෙස කටයුතු කළ කරුණාතිලක ජයසිංහ මහතාටය.
2006 අගොස්තු මස 18 වැනිදා මාතලේදී ගිරිඋල්ල වික්රමශිලා විද්යාලයේ විදුහල්පතිවරයා ලෙස කටයුතු කරමින් සිටියදී එම විදුහලේ පළමු වසරට සිසුවකු ඇතුළත් කරගැනීම සඳහා දරුවාගේ මවගෙන් රුපියල් 40,000/- ක් ඉල්ලා ලබා ගන්නා ලදැයි විත්තිකරුට එරෙහිව අල්ලස් කොමිසම විසින් නඩු පවරා තිබිණි.
දීර්ඝ නඩු විභාගයකින් අනතුරුව මෙම නඩුවේ තීන්දුව ප්රකාශයට පත් කළ විනිසුරුවරයා විත්තිකරුට එරෙහි සියළුම චෝදනා පැමිණිල්ල විසින් සාධාරණ සැකයකින් තොරව ඔප්පු කොට ඇතැයි තීරණය කරමින් සිළුම චෝදනාවන්ට ඔහු වරදකරු බව ප්රකාශයට පත් කළේය.
පැමිණිල්ල වෙනුවෙන් පෙනී සිටි අල්ලස් කොමසමේ සහකාර අධ්යක්ෂ නීතීඥ අසිත ඇන්තනි මහතා කරුණු ඉදිරිපත් කරමින් දරුවන් පාසලට ඇතුලත් කර ගැනීම සඳහා අල්ලස් ගැනීම මේ වන විට අප රටේ එක්තරා කලාවක් වී ඇතැයි පැවසීය.
අල්ලස් ගැනීම සමාජය වෙළාගත් පිළිලයක් බවට පත්ව ඇතැයි කී අල්ලස් කොමසමේ සහකාර අධ්යක්ෂ නීතීඥ අසිත ඇන්තනි මහතා සමාජය අල්ලසින් බේරා ගැනීම සඳහා අනෙකුත් රාජ්ය සේවකයින්ද අල්ලසින් ඈත් කර තැබීමට හැකි වන ආකාරයේ දඬුවමක් විත්තිකරුට නියම කරන්නැයි ඉල්ලා සිටියේය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අල්ලස් ගත් හිටපු විදුහල්පතිවරයාට අත්හිටවු සිර දඬුවම්
sanath Monday, 26 March 2018 06:33 PM
මහාධිකරණ විනිසුරු ඉතා සාධාරණ විනිශ්චයක් දීල තියෙන්නේ. දැනට අවුරුදු 12 කට පෙර කල වැරැද්දට මේ විදුහල්පති මේ දක්වා මානසිකව විඳවල තියෙනවා ඒ වගේම එයාගේ විශ්රාම වැටුපත් නැතිවෙලා තියෙනවා. අල්ලස් කොමිසමේ අධ්යක්ෂ දැඩි දඬුවමක් දියයුතුයි කීවත් විනිසුරුවරයා අපක්ෂපාති තීරණයක් ගැනීම ගෞරවනීයයි.