ශ්රී ලංකාව ඇසුරින් කළ ලෝක ආහාර සමීක්ෂණයකින් හෙළි වූ අලුත් ම තොරතුරු ඉකුත්දා ලංකාදීප පුවත්පතේ පළ වූයේය. එම සමීක්ෂණ වාර්තාවට අනුව මෙරට ජනගහනයෙන් සියයට 35 ක් දිනකට ගන්නා ආහාර වේල් ගණන අඩු කර ඇත. වතුකර හා ගම්බද ජනතාවගෙන් සෑම දහයෙන් නව දෙනෙක්ම ආහාර මිලට ගැනීමේ දුෂ්කරතා වලට මුහුණ දෙති. ජනතාවගෙන් සියයට හැට අටක් දෙනා තම රුචි අරුචිකම් පසෙක තබා මේ දිනවල මොනවා හෝ තිබෙන දෙයකින් කුස පුරවාගෙන කාලය ගෙවති.
රටේ ජනයා ආහාර අහේනියකින් පීඩා විඳින බව තව දුරටත් සඟවා කතා කළ යුතු නොවේ. මෙම අහේනියට සෘජුව හේතු වූ කාරණා කිහිපයකි. රසායනික පොහොර තහනමෙන් පහත වැටුණු දේශීය ආහාර නිෂ්පාදනය තවමත් යථා තත්ත්වයට පත්ව නැති වීම පළමු හේතුවයි. රටේ පවතින ආර්ථික අර්බුදය හමුවේ, මුදලේ අගය අවප්රමාණ වීම නිසා විශේෂයෙන් පිටරටින් ගෙන්වන ආහාර ද්රව්ය ඇතුළු ආහාර මිල පසුගිය වසර දෙක පුරාම ශීඝ්රයෙන් ඉහළ යාම දෙවැනි හේතුවයි. රටේ පවතින උද්ධමනය නිසා පසුගිය වසර තුළ පොදුවේ ආහාර මිල සියයට අසූවකින් පමණ ඉහළ ගිය බව වාර්තා වී තිබිණි. රටේ ජනතාවගේ ආදායම ස්ථාවරව තිබියදී මුදලට ගත හැකි ආහාර ප්රමාණය අඩුවී ගියේය. වෙනත් වචන වලින් කිවහොත් ජනතාවගේ ක්රය ශක්තිය හීනවී ගියේය.
මෙය සෘජුවම රටේ ආර්ථික ඵලදායිතාවට බලපාන ගැටලුවකි. 2021 වාර්තා අනුව 8267764 ක් වන ශ්රම බලකායෙන් සියයට 28ක් පමණ ගම්බද ගොවීහුය. වතුකර ශ්රම බලකායද මිලියනයක් පමණ වේ. කුසගින්නේ වැඩ කරන ශ්රමිකයාගෙන් ඵලදායි ආර්ථික නිෂ්පාදනයක් බලාපොරොත්තු විය හැකිද?
පළමුකොටම දැඩි දරිද්ර බව නිසා කුසගින්නේ සිටින ජනතාව තෝරා ඒ අයට සහනාධාර පිරිනැමීම අප්රමාදව කළ යුත්තකි. ආහාර සහනාධාර ලබා ගත හැකි සෑම ජාත්යන්තර ආයතනයකම සහයෝගය, දැන් ලජ්ජාව පසෙක තබා ලබා ගත යුතු වේ. රට තුළ ආහාර නිෂ්පාදනය වැඩි කිරීමට පවතින බාධා සියල්ල හැකි ඉක්මනින් ඉවත් කිරීම නොපමාව කළ යුත්තකි. රටේ ආර්ථික අර්බුදයට පිළියම් යොදන අතර කඩිනමින් ඉහත ක්රියාමාර්ග ගැනීම ඉතා වැදගත්ය.
කුසගින්නෙන් පෙළෙන ජනතාව පළමුව කුසගින්නෙනුත් දෙවනුව ඒ නිසා හට ගන්නා අතුරු ආබාධවලිනුත් බේරා ගත යුතුය. රටේ ඖෂධ හිඟයක් පවතින බව ද රහසක් නොවේ. මේ කාරණා දෙකම නිසා කුසගින්නෙන් පෙළෙන ජනතාවගේ සුබ සිද්ධිය තකා කඩිනමින් අරමුදලක් පිහිටුවීම ද කළ හැක්කකි.
ඉහත සඳහන් පිළියම් කෙටි කාලයේ දී යෙදිය යුතු ඒවාය. අනාගතයේදී රටේ ජනතාවගේ ආහාර සුරක්ෂිතභාවය ආරක්ෂා කිරීම පිණිස නිසි ආර්ථික හා කෘෂිකාර්මික ප්රතිපත්තිවලට එළඹීම රටේ ආර්ථිකය යථා තත්ත්වයට පත්වන අතරේම කළ යුත්තකි.
මේ වන විට මිලියන දෙකක පමණ ගම්බද ජනතාව ග්රාමීය කෘෂිකර්මය ආශ්රයෙන් යැපෙති. සාමාන්යයෙන් එවිට එක් අයකුට අයත් වන කෘෂි ඉඩම් ප්රමාණය අක්කර භාගයටත් අඩු වූවකි. රටේ ආහාර නිෂ්පාදනයට සියයට 80කින් දායක වන මිලියන 1.65 ක් වූ ජනතාවගෙන් වැඩි දෙනාට අයත් භූමි ප්රමාණය හෙක්ටයාර දෙකටත් අඩුය. එය කෘෂිකාර්මික ඵලදායිතාව අතින් අතිශය දුෂ්කර තත්ත්වයකි. කුඩා ඉඩම් වල නවීන කෘෂි තාක්ෂණය උපයෝගී කරගත හැකි අවස්ථා ඉතා විරලය.
දිගින් දිගටම කෘෂි ප්රජාව වැඩි වෙද්දී ඉඩම් කුඩා වීම සිදුවුව හොත් මෙම තත්ත්වය තවත් දරුණු වේ. එමනිසා එක්කෝ කෘෂිකර්මාන්තය මත යැපෙන ගම්බද ජනගහනය අනාගතයේදී අඩු කරගත යුතුය. නැතහොත් අක්කරයකින් ලැබෙන අස්වැන්න දස ගුණයකින් පමණ වැඩි කර ගත යුතුය.
සුද්දා ගම්බද පාරිභෝගික කෘෂිකර්මාන්තය වෙනුවට වැවිලි කර්මාන්තයට ප්රමුඛතාව දුන්නේ ඒ ඔස්සේ ජාත්යන්තර මට්ටමට ගොස් අපනයන ආදායම් ඉපැයිය හැකි බැවිනි. ශ්රී ලංකාව තුළ පසුගිය දශක කීපයේ දී ගම්බද වී වගාව ආශ්රිත කෘෂිකර්මාන්තයට සහනාධාර දිය හැකි වූයේ වැවිළි කෘෂි බෝගවලින් නිර්යාත ආදායම් ලැබුණු නිසාය.
ගම්බද කෘෂිකර්මාන්තය සහනාධාර දෙමින් නඩත්තු කරන්නක් ලෙස අනාගතයේදී ද පවත්වාගෙන යාම ප්රායෝගික නොවන්නකි. එසේ කළහොත් කුසගින්න අනාගතයටද උරුම වනු නිසැකය. එම නිසා අපගේ ගම්බද කෘෂි කර්මාන්තය ඵලදායි මට්ටමට අනාගතයේ ගෙන ආ යුතුය.
දැන් ලෝකයා සිවුවැනි හරිත විප්ලවයටත් අනුගත වෙමින් සිටිති. අප තවමත් ළතැවෙන්නේ පළමු හරිත විප්ලව අවධියේය. කෘෂි තාක්ෂණය උපයෝගී කරගන්නා හරිත විප්ලවයේ දෙවැනි තුන්වැනි අදියරවලට අප පිවිසෙන්නේ නැත්නම් අපට අනාගතයට උරුම වන්නේ ද කුසගින්න ම ය. ඒ සඳහා අපගේ සාම්ප්රදායික කෘෂිකර්මාන්තය කාලයත් සමඟ නවීකරණයට භාජන කිරීම අනිවාර්යයෙන්ම සිදු කළ යුත්තකි.
(***)
සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල
ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො
රටේ පවත්නා ආර්ථික අර්බුදය මෙරට අධ්යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම
ජාතියේ මහා සංස්කෘතික මංගල්යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සාම්ප්රදායික කෘෂිකර්මයෙන් නවීනත්වයට යා යුතුමයි