IMG-LOGO

2024 ජුනි මස 17 වන සඳුදා


මෛතී‍්‍ර-මහින්ද හමුවේදී මොකද වුණේ?

09_PAGE_03_M  tfj

ජනපතිවරුන් දෙදෙනා සාකච්ඡා මේසයේදී (ඡායාරූපය: සුදත් සිල්වා)

 

ශ්‍රී ලංකා නිදහස් පක්ෂයේ වර්තමාන සභාපතිවරයා හා හිටපු සභාපතිවරයා අතර සාකච්ඡාවක් පසුගිය සතියේදී පැවත්විණි. පක්ෂයේ ඉදිරි පැවැත්ම සඳහා මේ දෙදෙනා එක්විය යුතු බවට පක්ෂයේ ජ්‍යෙෂ්ඨයන් අතර මතයක් විය. දෙපාර්ශ්වයෙන්ම පිරිස් වෙන් වෙන්ව විටින් විට දෙපාර්ශ්වයම හමුවී සාකච්ඡුා කළහ. පණිවුඩ හුවමාරු කර ගත්හ. බාලගිරි දෝෂය අද නොවේ හෙට යනුවෙන් සඳහන් කියමන මෙන් ”මේ සතියේ හමුවෙනවා, ලබන සතියේ හමුවෙනවා” යනුවෙන් මාධ්‍යවල විටින් විට පළවිය.

 


සාකච්ඡාවට තේමා කරගත් මාතෘකා ඉදිරිපත් විය. හමුවිය යුතු දිනය නම්කිරීම සිදුවිය. කෙසේ වෙතත් පසුගිය 6 වැනිදා මෙම හමුව පැවැත්වුණි. කථානායකවරයාගේ නිල නිවසේ මෙම හමුව පැවැත්වීමට මුලදී තීරණය කර තිබුණත් පසුව පාර්ලිමේන්තු ගොඩනැගිල්ලේදී වර්තමාන ජනාධිපතිවරයා හා හිටපු ජනාධිපතිවරයා හමුවූහ.


හමුවීම පැවැත්වූයේ පාර්ලිමේන්තුවේ දෙවන මහලේ පිහිටි ජනාධිපති කාර්යාලයේදීය. ජනාධිපති කාර්යාලය පිහිටි දෙවන මහල අධි ආරක්ෂිත ප‍්‍රදේශයක් වශයෙන් හැඳින්වේ.


මෙම සාකච්ඡාවට සහභාගිවීම සඳහා ජනාධිපති මෛත‍්‍රීපාල සිරිසේන මහතා පාර්ලිමේන්තුවට පැමිණ ඇත්තේ දහවල් 11.30ට පමණය. දෙවන මහලේ පිහිටි තම කාර්යාලයේ රැඳී සිට ඇති ජනාධිපතිවරයා, පාර්ලිමේන්තු භෝජනාගාරයට පැමිණ දිවා ආහාරය ලබාගෙන ඇත. බත් හා එළවළු දිවා ආහාරයට ගන්නා අතර ෆයිසර් මුස්තාපා, දුමින්ද දිසානායක, එම්.කේ.ඞී.එස්. ගුණවර්ධන යන මහත්වරුද ජනාධිපතිවරයා සමග දිවා ආහාරය ගෙන ඇත.


හිටපු ජනාධිපති මහින්ද රාජපක්ෂ මහතා පාර්ලිමේන්තුවට පැමිණ ඇත්තේ ප.ව. 1.30ට පමණය. අමුත්තන්ගේ පිවිසුමෙන් පාර්ලිමේන්තුවට පැමිණ ඇති හිටපු ජනාධිපතිවරයා දෙවන මහළට කැඳවා ගෙන ගොස් ඇත්තේ වේත‍්‍රධාරි අනිල් සමරසේකර මහතා විසිනි.


ඔහු සමඟ ඩලස් අලහප්පෙරුම, බන්දුල ගුණවර්ධන, කුමාර වෙල්ගම, මහාචාර්ය ජී.එල්. පීරිස් හා මහින්දානන්ද අලූත්ගමගේ යන මහත්වරුද වූහ.


මහින්ද රාජපක්ෂ මහතා සමඟ සාකච්ඡුාවට සහභාගි වූ මන්ත‍්‍රීවරු ඊට පෙර දිනයේ ඩිලාන් පෙරේරා මහතාගේ කැඳවීමෙන් විශේෂ සාකච්ඡුාවක් පවත්වා ඇත.
සුසිල් පේ‍්‍රමජයන්ත, අනුර ප‍්‍රියදර්ශන යාපා, නිමල් සිරිපාල ද සිල්වා සහ ඩිලාන් පෙරේරා යන මහත්වරුන් සමඟ පෙර දිනයේ රැස්වී සාකච්ඡා කර යම් යම් කරුණු පිළිබඳව එකඟතාවකට පත්වී තිබිණි.


එහෙත් ජනපතිවරුන් දෙදෙනාගේ හමුවට පෙරකී සිවු දෙනා සහභාගි වී නොසිටි අතර ඒ වෙනුවට රාජිත සේනාරත්න, ෆයිසර් මුස්තාපා, දුමින්ද දිසානායක හා එම්.කේ.ඞී.එස්. ගුණවර්ධන යන මහත්වරුන් සහභාගිවීම පිළිබඳව මෙහිදී විමසා සිටියත් පෙර සාකච්ඡුාවක් පැවැති බව තමන් නොදන්නේ යැයි ජනාධිපතිවරයා ප‍්‍රකාශ කළ බව සඳහන්වේ.


සාකච්ඡාව අතරදී පාර්ලිමේන්තු භෝජනාගාරය තේ සහ ෂෝට් - ඊට්ස් පිරිනමා ඇත. එම තේ පානයට වැය වූ මුදල ජනාධිපති ලේකම් කාර්යාලයෙන් ලබාදීමට නියමිතය.


මෙම සාකච්ඡුාවේදී සිකුරාදා (8) කුරුණෑගල පැවැත්වීමට නියමිතව තිබු රැුලිය ගැන ජනාධිපතිවරයා විමසා ඇත. එවැනි රැස්වීමක් අනවශ්‍ය බැවින් අවලංගු කිරීමට ඇති හැකියාව පිළිබඳවද විමසා ඇති අතර මෙම රැස්වීම කල් ඇතිව සංවිධානය කරන ලද්දක් නිසා අවලංගු කළ නොහැකි බව ප‍්‍රකාශ වී තිබේ.
මින් ඉදිරියට සන්ධානයේ පක්ෂ ප‍්‍රසිද්ධ රැුස්වීමක් සංවිධානය කරනු ලබන්නේ නම් ඒ සඳහා ශ්‍රී ලංකා නිදහස් පක්ෂය සමඟ සාකච්ඡුා කිරීම සුදුසුයැයි ජනාධිපතිවරයා ප‍්‍රකාශ කර ඇති බව වාර්තාවේ.


වඩාත් විශේෂත්වයකින් සාකච්ඡුාවට භාජනය වී ඇත්තේ ශ්‍රී ලංකා නිදහස් පක්ෂයෙන් අගමැති අපේක්ෂක ලෙස හිටපු ජනාධිපති මහින්ද රාජපක්ෂ මහතා නම් කළ යුතු බවට ඔහුගේ පාර්ශ්වයේ මන්ත‍්‍රීවරුන් ඉදිරිපත් කළ යෝජනාවයි.


මෙහිදී ජනාධිපතිවරයා ප‍්‍රකාශ කර ඇත්තේ කිසිදු මැතිවරණයකදී අගමැති අපේක්ෂකයා නම්කිරීමේ ක‍්‍රමවේදයක් මෙතෙක් නොපැවැති බවයි. ජනාධිපති අපේක්ෂකයා නම් කිරීම පිළිබඳව ආණ්ඩුක‍්‍රම ව්‍යවස්ථාවේ සඳහන් වී ඇතත් අගමැති අපේක්ෂකයකු නම් කිරීමක් ගැන සඳහන් නොවන බවද ප‍්‍රකාශ කර ඇත.


ප‍්‍රධාන පක්ෂයෙක් මැතිවරණයකදී අගමැති අපේක්ෂකයා නම්කිරීම අවාසි සහගත විය හැකි වන අතර එයින් එක් පුද්ගලයකු ඉලක්ක කර පහරදීමට ප‍්‍රතිවාදී කණ්ඩායම්වලට අවස්ථාව උදාවන බවද ජනාධිපතිවරයා ප‍්‍රකාශ කර ඇති බව සඳහන්වේ.


මහ මැතිවරණයට නාම යෝජනා ලබාදීමේදී පක්ෂයේ ජ්‍යෙෂ්ඨයන්ට ප‍්‍රමුඛ ස්ථානය ලබාදීම පිළිබඳවත් සාකච්ඡාවට භාජනය වී ඇත.


ඒ අනුව අගමැති අපේක්ෂකයා වශයෙන් නම් කෙරෙන පුද්ගලයාට නාම යෝජනා ලබාදීම මහින්ද රාජපක්ෂ මහතා සමඟ සාකච්ඡුාවට සහභාගි වූ මන්ත‍්‍රීවරුන්ගේ අදහස වී තිබුණ බවක් පෙන්නුම් කළේ යැයි මෙම සාකච්ඡුාවට සහභාගි වූ මන්ත‍්‍රීවරයෙක් ප‍්‍රකාශ කළේය.


අගමැති අපේක්ෂකයා නම්කිරීමේ යෝජනාව ගැන මෛත‍්‍රීපාල සිරිසේන ජනාධිපතිවරයාගෙන් සහයක් හෝ ප‍්‍රසාදයක් පළ නොවූ බවද වැඩිදුරටත් දැනගන්නට ඇත.


මීට අමතරව පළාත් පාලන ආයතන ලබන 15 වැනිදා විසුරුවා නොහරින්නැයි හිටපු ජනාධිපතිවරයා සමඟ පැමිණි මන්ත‍්‍රීවරුන් ඉල්ලීමක් කර ඇතිබවද සඳහන් වේ.


මෙහිදී ජනාධිපති මෛත‍්‍රීපාල සිරිසේන මහතා සඳහන් කර ඇත්තේ පළාත් පාලන ආයතන විසුරුවා හැරීම පිළිබඳව මෙතෙක් පැහැදිළි තීන්දුවක් ගෙන නැති බවත් ඒ පිළිබඳව තවදුරටත් ගැඹුරින් කල්පනා කර බැලිය යුතු බවත්ය.


අපරාධ මුල්‍ය කොට්ඨාසයේ වැඩකටයුතු දේශපාලනීකරණය වී ඇති බවට හිටපු ජනාධිපතිවරයා සමග පැවැති මන්ත‍්‍රීවරු ජනාධිපතිවරයාට කරුණු ඉදිරිපත් කර ඇත.


මෙහිදී ජනාධිපතිවරයා සඳහන් කර ඇත්තේ නීතියට අදාළ කටයුතු පිළිබඳ තමන් කිසිම ඇඟිලි ගැසීමක් නොකරන අතර ඔවුන් නිදහසේ සිට රාජකාරිය කිරීමට අවස්ථාව සලසා දී ඇති බවත් යැයි සඳහන්වේ.


මූල්‍ය අපරාධ පරීක්ෂා කර බැලීමට පත් කරන ලද මෙම විශේෂ පොලිස් ඒකකය කිසිදු පළිගැනීමකින් තොරව ලැබෙන පැමිණිලි පිළිබඳව අපක්ෂපාතීව කටයුතු කරනු ඇතැයිද ජනාධිපතිවරයා ප‍්‍රකාශ කර ඇත. එබැවින් මෙම ඒකකය පිළිබඳව ප‍්‍රකාශ කර ඇති ගැසට් නිවේදනය නිවැරැුදි කිරීමේ අවශ්‍යතාවක් තමන් නොදකින බවත් ජනාධිපතිවරයා ප‍්‍රකාශ කර ඇතිබව වාර්තාවේ.ඉදිරි මහ මැතිවරණය මෙහෙයවීම මහින්ද රාජපක්ෂ මහතාට බාරදීම හා නාමයෝජනා මණ්ඩල සැකසීම පිළිබඳව ඉදිරිපත් වූ යෝජනා පිළිබඳව ජනාධිපතිවරයාගේ පාර්ශ්වයෙන් ප‍්‍රසාදයක් දක්වා ඇති බවත් වාර්තා නොවේ.


මෙම සාකච්ඡුාවේදී ප‍්‍රධාන වූ කරුණු පක්ෂයේ මධ්‍යම කාරක සභාවට යොමු කිරීමටත් එම සභාවේ අදහස් විමසා බැලීමටත් තීරණය වී ඇත. ඒ අනුව මීළඟ පාර්ලිමේන්තු මහ මැතිවරණයේදී අගමැති අපේක්ෂකයා නම්කිරීම, පළාත් පාලන ආයතන විසුරුවා හැරීම, අත්හිටුවීම, එක්සත් ජනතා නිදහස් සන්ධානය ශක්තිමත් කිරීම යන කරුණු පක්ෂයේ මධ්‍යම කාරක සභාවට යොමු කිරීමටද තීරණය වී ඇත.


සාකච්ඡුාව පැයක පමණ කාලයක් පවත්වා ඇති අතර අවසානයේදී ඒකාබද්ධ ප‍්‍රවෘත්ති සාකච්ඡුාවක් පැවැත්වීමේ යෝජනාව ඉදිරිපත් වී ඇත. එම යෝජනාවට ජනාධිපතිවරයා සමඟ පැමිණි පාර්ශ්වයෙන් එකඟතාවක් හෝ ප‍්‍රතිචාරයක් ලැබී නැති බව දැනගන්නට ඇත.
තවත් සාකච්ඡුාවකට සහභාගිවීමට ඇතිබව පවසා ජනාධිපතිවරයාත්, රාජිත සේනාරත්න මහතාත් නැගී සිටි බව දැනගන්නට ඇත.

 

 


පක්ෂය නොබෙදී ඉදිරියට යන්න තවත් ශක්තියක් ලැබුණා

කෘෂිකර්ම ඇමැති දුමින්ද දිසානායක

 

ශ්‍රී ලංකා නිදහස් පක්ෂය කිසිම බෙදීමකින් තොරව ශක්තිමත්ව ඉදිරියට යාමට මෙම සාකච්ඡාවෙන් තවත් ශක්තිය ධෛර්ය ලැබුණා. ජනාධිපති මෛත‍්‍රීපාල සිරිසේන මහතාත්, හිටපු ජනාධිපති මහින්ද රාජපක්ෂ මහතාත් අතර බොහොම සාර්ථක සාකච්ඡුාවක් තිබුණා. සාකච්ඡුාවට මූලික වූ කරුණු මධ්‍යම කාරක සභාවට යොමු වෙනවා. මධ්‍යම කාරක සභාවේ තීරණයට සියලූ  පාක්ෂිකයන් එකඟ විය යුතුයි. පක්ෂයක විනය ඒකයි. කොයි කවුරු පක්ෂයේ නායකත්වය දරන ලද කාලයකදී වුවත් මධ්‍යම කාරක සභාවේ තීන්දුවට එකඟයි.

 


මහින්ද අගමැති අපේක්ෂක කරන්න එකඟතාවක් ආවේ නෑ

කළුතර දිස්ති‍්‍රක් මන්තී‍්‍ර කුමාර වෙල්ගම

 

සාකච්ඡා වූ ඇතැම් කරුණුවලට එකඟතාවකට පත්වීමටත්, නිසි පිළිතුරක් ලබාගැනීමටත් නොහැකි වුණා. පළාත් පාලන මැතිවරණයකට යනවද? කල් දානවද කියන කරුණ පිළිබඳව එකඟතාවකට ඒමට නොහැකි වුණා. මහින්ද රාජපක්ෂ මහතා අගමැති අපේක්ෂකයා වශයෙන් නම්කිරීමේ යෝජනාවටත් නිසි පිළිතුරක් ලැබුණේ නැහැ. මහින්ද රාජපක්ෂ මහතාට ඉදිරි මහ මැතිවරණය මෙහෙයවීමේ කටයුතු බාරදීමට හා නාම යෝජනා මණ්ඩල සකස් කිරීමට බාරදීම පිළිබඳවත් එකඟතාවකට ඒමට නොහැකි වුණා. මේ කරුණු පිළිබඳව මධ්‍යම කාරක සභාව විසඳුමක් ලබාදේවි යැයි බලාපොරොත්තු වෙනවා. රටේ බහුතර ජනතාව ඉල්ලන දේට ඉක්මන් යහපත් පිළිතුරක් ලැබේයැයි බලාපොරොත්තු වෙනවා.

 

m



අදහස් (0)

මෛතී‍්‍ර-මහින්ද හමුවේදී මොකද වුණේ?

සොපී Wednesday, 13 May 2015 05:51 AM

මහ ජාතිය දෙකට බෙදෙන එක තරම් මෝඩ කමක් තවත් නැහැ .මේ දෙගොල්ලෝ එකතුවෙලා රටට වැඩක් කළොත් නරකද ....? (ම)

:       0       0

රුවන් Tuesday, 12 May 2015 12:59 PM

ඔය ඉන්නේ හොඳට හිනාවෙලා (නි)

:       0       0

ලාල් Tuesday, 12 May 2015 03:24 PM

ලක්ෂ 62ක ජනතාවට මහින්දව අගමැති කරවන්න කිසිම අවශ්‍යථාවයක් නැත. පළාත් පාලන ආයතන විසුරුවා හැර ඉක්මනින් පැරනි ක්‍රමයටම ඡන්දයක් පැවැත්විය යුතුයි(නදී)

:       0       0

ඔබේ අදහස් එවන්න

විශේෂාංග

හිටිගමන් මතක් වූ දහතුන
2024 ජුනි මස 15 230 1

උතුරේ ඇතැම් දේශපාලනඥයන් ඉදිරි ජනාධිපතිවරණය වර්ජනය කරන්නේද නැත්නම් වෙනම දෙමළ පොදු අපේක්ෂකයකු ඉදිරිපත් කරන්නේදැයි විවාද කරමින් සිටින අතර තුර දකුණේ ප


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 143 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


ලංකාවේ උසස් ප්‍රේක්ෂකයන් සිටීම අසිරිමත්
2024 ජුනි මස 14 358 0

‘‘සහන්‍යා පදනම ශ්‍රී ලංකා’’ හා ‘‘සිද්ධිවිනායක් සිනෙ ආර්ට්ස්’’ වෙනුවෙන් කෞශල්‍යා වික්‍රමසිංහ සංවිධාන කරන ‘‘සුබ්‍රමනියා ග්ලෝබල් ෆියුෂන්’’ ප්‍රසංගය


රටට ඔබින ආර්ථික දැක්මක්
2024 ජුනි මස 14 151 0

ජනාධිපතිවරණය කැඳවීම සඳහා ව්‍යවස්ථාවෙන්ම මැතිවරණ කොමිෂන් සභාවට ලබාදී තිබෙන බලයට අනුව ලබන මාසයේ (ජූලි) 17 වැනිදායින් පසුව රටේ ක්‍රියාකාරීත්වය ඒ සඳහා ගොන


අයවැයෙන් වූ දේ දැනගැනීම ජනතාවගේ අයිතියක්
2024 ජුනි මස 14 72 0

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට


වාහන කෑලි ගෙනත් කෝටි දසදහසක බදු පොලු
2024 ජුනි මස 13 401 0

මෙරටට වාහන ගෙන්වීම තහනම් කළ කාලයේ වාහන 44,430ක් වෙළෙද පොළට පැමිණි ඇති බව මුදල් රාජ්‍ය අමාත්‍ය රංජිත් සියඹලාපිටිය මහතා පසුගියදා ප්‍රකාශ කළේය. ඒ දේශිය වශයෙන


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1305 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3025 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2484 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site