IMG-LOGO

2024 ජුනි මස 19 වන බදාදා


නේපාලයේ සිට බේරී ආ ලාංකිකයන් කියන කතා

SLD_20150503_A002-3

 

පසුගිය සතියේ මුළු ලොවම කැලැඹූ සිදුවීමක් වූයේ නේපාලයේ භුමිකම්පාවයි. හාර දහසකට මරු කැඳවූ එම භූකම්පනය ඇසීමෙන් ශ‍්‍රී ලංකාවේ වැසියන් ද සලිත වී ගියේ නේපාලය දකුණු ආසියාතික රටක් නිසාම පමණක් නොවේ. ශ‍්‍රී ලාංකිකයන් රැසක් නේපාලයේ සිටින නිසාය. භූ කම්පනයෙන් ශ‍්‍රී ලාංකික කිසිවකුට අනතුරක් නොවුවද ඔවුහු දැඩි චිත්ත පීඩාවට ලක්වූහ. ඒ අනතුරේ ස්වභාවය අත්විඳි නිසාය.

 

අපේ රජය හා ගුවන් හමුදාව මේ කරපු මෙහෙයට අපගේ හද පිරි ස්තුතිය පිරිනමනවා. වෙනත් රටවල, කොටින්ම කිව්වොතින් ඇමෙරිකාවේ අය පවා එහේ තවමත් රැඳිලා ඉන්නවා. ඒ වුණත් අපේ රජය අපට පළමුවෙන්ම ගුවන් යානයක් එවලා අප බේරාගැනීම ගැන රජයට, තානාපති කාර්යාලයට, ගුවන් හමුදාවට අපි වෙනුවෙන් වෙහෙසී කටයුතු කරපු ගුවන් නියමුවන් ඇතුළු කාර්ය මණ්ඩලයට ගොඩක් ස්තුති කරන්න  ඕනෑ. ඔවුන් අපි ගුවන් යානයට නගින මොහොත වනතුරුම අපිත් එක්ක එකට හිටියා.


කිසි දිනෙක නොලැබූ අත්දැකීමකට මුහුණ දුන් ඔවුන් ලංකාවට පැමිණියේ දැඩි බියෙන් හා චකිතයෙන් යුක්තවය. ශ‍්‍රී ලංකා රජයේ උපදෙස් පරිදි ශ‍්‍රී ලංකා ගුවන් හමුදාව ඔවුන් ලංකාවට ගෙන ඒමට මැදිහත් විය.


නේපාලයේ ඛේදවාචකයෙන් පසු ශ‍්‍රී ලංකා ගුවන් හමුදාව සහන සේවයට එහි ගිය අතර නේපාලයේ සිටි ලාංකිකයන් ලංකාවට ගෙන ඒම ද ඔවුන්ගේ අරමුණ විය. එම අරමුණ මදක් ප‍්‍රමාද වූයේ ලාංකිකයන් නංවාගත් පසු ගුවන් යානයේ කාර්මික දෝෂයක් හටගත් නිසාය. ගුවන් යානය සාදා ගන්නා තුරු ලාංකිකයන්ට ආහාරයට ලැබුණේ විස්කෝතු පමණි.


කෙසේ හෝ ගුවන් යානය සාදාගෙන ඔවුහු ලංකාවට ගෙන එනු ලැබූහ. කරදරයක් නැතිව සිය රට පැමිණෙන තුරු ඔවුන්ගේ නෑ හිතවත්හු මගබලා හුන්හ. යානය ලංකාවට සේන්දු වූ විගසම ඔවුනට ආහාර ලබාදීමට සියලූ කටයුතු සූදානම් කැර තැබිණි.


දහස් ගණනක් මළ සිරුර අතර සිටි ලාංකිකයන් ලංකාවට ආවේ සැනසුම් සුසුම් මධ්‍යයේය.


පශ්චාත් උපාධියක් හැදෑරීමට නේපාලයට ගොස් සිටි ගාල්ලේ රවීන්ද්‍ර චන්ද්‍රසිරි සිය අත්දැකීම් විස්තර කළේ මෙලෙසය.


”අපි පහුගිය අගෝස්තු මාසයේ නේපාලයට ගියේ සාමය හා ගැටුම් නිරාකරණය පිළිබඳ උපාධි පාඨමාලාවක් හදාරන්න. අපි නැවතිලා හිටියේ කත්මන්දුවල නේවාසිකාගාරයක. නේපාලයේ තියෙන්නේ විශාල තට්ටු ගොඩනැගිලි. දැන් මේ වෙන කොට විවෘත භූමිවල නේපාල වැසියන් රැඳිලා ඉන්නවා. සමහර අය ටෙන්ට් ගහගෙන ඉන්නවා. එහෙම නැතුවත් කට්ටිය අව්වට වැස්සට තෙමි තෙමී ඉන්නවා. පුළු පුළුවන් විදිහට ඔවුන් ආහාර සපයා ගන්නවා.


මීට කලින් පහුගිය දෙසැම්බර්වල අපිට පොඩි අත්දැකීමක් තිබුණා. ඒක මේ වගේ විශාල ව්‍යසනයක් නොවෙයි. භූමිකම්පා කියන්නේ නේපාලයට අලූත් දෙයක් නෙමෙයි. නමුත් මේ පාර භූමි කම්පා දැනෙද්දීම අපිට හිතුනා වෙනදාට වැඩිය මේ පාර භායනකයි කියා. අපි හිටිය ගොඩනැගිල්ල තට්ටු පහක් උසයි. ඒකේ පහළ තට්ටුවේ තමයි මම හිටියේ.


මේක සිද්ධ වුණ වෙලාවේ අපි විවෘත භූමියක රැුඳිලා හිටියා. අපි දැක්කා පාලිකාවක් දෙවැනි තට්ටුවේ ඉඳලා පඩිපෙළ දිගේ පහළට වැටුණා. තවත් කෙනෙක් හිටියා අතක් කැඩිලා. එයා රෝහළට ගිහින් තිබුණත් රෝහලේ ගොඩක් අමාරු ලෙඞ්ඩු හිටපු නිසා එයාව බාර අරන් තිබුණේ නැහැ.


අපේ රජය හා ගුවන් හමුදාව මේ කරපු මෙහෙයට අපගේ හද පිරි ස්තුතිය පිරිනමනවා. වෙනත් රටවල, කොටින්ම කිව්වොතින් ඇමෙරිකාවේ අය පවා එහේ තවමත් රැුඳිලා ඉන්නවා. ඒ උනත් අපේ රජය අපිට පළවෙනියටම ගුවන් යානයක් එවලා අපිව බේරාගැනීම ගැන රජයට, තානාපති කාර්යාලයට, ගුවන් හමුදාවට අපි වෙනුවෙන් වෙහෙසි කටයුතු කරපු ගුවන් නියමුවන් ඇතුළු කාර්ය මණ්ඩලයට ගොඩක් ස්තුති කරන්න  ඕනෑ. ඔවුන් අපි ගුවන් යානයට නගින මොහොත වනතුරුම අපිත් එක්ක එකට හිටියා.


අපි මුළු ලෝකෙන්ම ඉල්ලා සිටිනවා මේ වෙලාවේ නේපාලයට පුළුවන් තරම් වෛද්‍ය ආධාර ලබා දෙන්න කියා. ඔවුන්ට උදවු කරන්න. අපේ ආයාචනය එයයි. මේ භුමිකම්පාව ඇති වුණේ කත්මන්දු නුවර. අපිත් එක්ක හිටිය නංගි කෙනෙක් ප‍්‍රධාන හා සුළු භුමිකම්පා 84ක් එයා ගණන් කරලා තිබුණා. අපි විවෘත භූමියේ රැඳිලා ඉන්දැද්දී දිවා ? දෙකේදීම අපිටත් ඒවා දැනුණා.


මේ වෙනකොට චීනය ඇතුළු ගොඩක් රටවල්වලින් නේපාලයට ආධාර අරන් ඇවිත් තියෙනවා. නේපාල ජනතාව පුදුමයට පත්වෙලා තියෙනවා අපේ රජය හා ලාංකිකයන් ගැන. අනතුර සිදුවුණ වෙලාවෙ ඉඳලා අපේ තානාපති කාර්යාලය අපිත් එක්ක රැුඳිලා හිටියා. නේපාලයේ හිතවතුන් අපිට උදව් කළා.
හංසනී උපේක්ෂා (24) ද නේපාලයට ගියේ වෛද්‍ය විද්‍යාව හැදෑරීම සඳහාය. කත්මන්දු නුවර වෛද්‍ය විද්‍යාලයේ ඉගෙනුම ලබන ඇය ද භූමිකම්පනයට මුහුණ පෑවාය. ලංකාවට පැමිණි ඇය සිය අත්දැකීම විස්තර කළේ මෙසේය.


මම 2013 කත්මන්දු වෛද්‍ය විද්‍යාලයට ඇතුළත් වුණා. මේ වගේ සිදුවීමකට මුහුණපාපු පළවැනි වතාව. ඉස්සර පොඩියට හෙළවිලා තියෙනවා. ඒත් මේ වගේ දැනිලා නැහැ. ඒක සුළු මොහොතයි එකපාරටම නැතිවෙලා යනවා.


මට වෛද්‍ය විද්‍යාලයෙන් සතියක නිවාඩුවක් ලැබුණා. ඒ නිසා මගේ තාත්තා මේ සිදුවීමට දවසකට කලින් නේපාලයට ආවා. එදා අපි හිටියේ නේපාලයේ රජතුමාගේ නාරායන් කියන මාළිගාව බලන්න ඇවිත්. අපි මාළිගාව ඇතුළේ හිටියේ. එකපාරටම හෙල්ලෙන්න ගත්තා. ඉස්සෙල්ලම ලයිට් ගියා. හයියෙන් මාළිගාව ඇතුළේ තිබුණ බඩු මුට්ටු හෙළවෙන්න ගත්තා. මුලින්ම හිතාගන්න බැරිවුණා. පස්සේ මට හිතුනා මේක භූමිකම්පාවක් වෙන්න ඇති කියලා. තවත් මොහොතකින් භූමිකම්පාවක් කියලා කට්ටියම කෑ ගහගෙන එළියට දුවන්න ගත්තා.


මමත් තාත්තව ඇදගෙන කොහොම හරි එළියට පැනගත්තා. එකපාරටම දොරවල් වැහෙනවා. ඇරෙනවා. ඒත් කරන්න දෙයක් තිබුණේ නැහැ. අපි එළියට පැන්නේ පඩිපෙළ දිගේ ඇවිත්. පඩි පෙළ ලේ විලක් වෙලා තිබුණා. ඒක නම් පුදුම අත්දැකීමක්. ජීවිතේට අමතක වෙන එකක් නැහැ. ආයේ මෙවැනි දෙයක් වෙන්න එපා කියා මම ප‍්‍රාර්ථනා කරනවා.


පස්සේ අපිව විවෘත පෙදෙසකට අරගෙන ගියා. එදා අපිව තානාපතිතුමාගේ ගෙදර එක්කගෙන ගිහින් මේ එනකම් අපි එහේ හිටියේ. ඊයේ උදේ ගුවන්තොටුපොළට ඇවිත් ලංකාවට ආවා. තානාපතිතුමාටත් ලංකා රජයටත් ගුවන් හමුදාවටත් බොහොමයක් ස්තුතිවන්ත වෙනවා.

m



අදහස් (0)

නේපාලයේ සිට බේරී ආ ලාංකිකයන් කියන කතා

ඔබේ අදහස් එවන්න

විශේෂාංග

වසර දෙකකදී ආර්ථිකයට වුණේ කුමක්ද?
2024 ජුනි මස 19 98 0

අමෙරිකාවේ වොෂිංටන්හි දී මේ මස 12 වැනි දා පැවැති ජාත්‍යන්තර මූල්‍ය අරමුදලේ අධ්‍යක්ෂ මණ්ඩල රැස්වීමේ දී ශ්‍රී ලංකාව විසින් ණය ලබා ගැනීමට එකඟවෙන ලද කොන්දේ


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 19 0

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


අයි.එම්.එෆ්.. රටේ ප්‍රශ්න විසඳෙයිද?
2024 ජුනි මස 18 262 0

ජාත්‍යන්තර මූල්‍ය අරමුදලෙන් ලංකාව ලබාගෙන ඇති විස්තීරණ ණය පහසු කමේ තුන්වැනි වාරිකය වන ඩොලර් මිලියන 336ක් පසුගියදා නිකුත් කළේය. ලංකාව මෙතෙක් ලබාගෙන ඇති ප


පරිත්‍යාග රැසක් සිහිකරන හජ් වන්දනාව
2024 ජුනි මස 17 104 0

ලොව පුරා වෙසෙන මුස්ලිම් බැතිමතුන් ඉමහත් බැතියෙන් සමරන හජ් උත්සවය අදට (17) යෙදී ඇත. මෙම ලිපිය පළ වන්නේ ඒ නිමිත්තෙනි.


මෝදිගෙන් ගතයුතු පාඩම්
2024 ජුනි මස 17 465 0

ඉන්දියාවේ ලෝක් සභා මැතිවරණය, දෙවතාවක් අගමැති ධුරය හෙබවූ නරේන්ද්‍ර මෝදි හා නේරු පවුලේ බලයේ උරුමකරු වූ රාහුල් ගාන්ධි යන ප්‍රධාන තරගකරුවන් දෙදෙනාම කනස්


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 139 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1348 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3073 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2513 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site