IMG-LOGO

2024 ජුනි මස 22 වන සෙනසුරාදා


දකුණු කොරියාවේ ‘මර්ස්’ වෛරසය ආවොත් බේරෙන හැටි

20_PAGE_24_M 

දකුණු කොරියාවේ ව්‍යාප්ත වෙමින් පවතින ‘මර්ස්’ කොරොනා වෛරසය ආසාදනය වූවන්ගේ සංඛ්‍යාව ඉහළ යමින් පවතින බව එරට සෞඛ්‍ය අමාත්‍යාංශය ඉකුත් 15 වැනිදා ප‍්‍රකාශ කළේය.


වෛරස් ආසාදනය වූවන්ගේ සංඛ්‍යාව 150කට වැඩි බවත්, මරණ සංඛ්‍යාව 16 වී තිබෙන අතර තවත් 17 දෙනකු අවදානම් මට්ටමක පසුවන බවත්, එහිදී අනාවරණය විය.


ශ්‍රී ලාංකික ශ‍්‍රමිකයන් ලක්ෂ 4කට වඩා වැඩි පිරිසක් කොරියාවේ සේවය කරන නිසාම දකුණු කොරියාවේ ව්‍යාප්ත වෙමින් යන මාරාන්තික මර්ස් කොරෝනා වෛරසය මෙරටට ඇතුළු වීමේ අවදානමක් ඇති විය හැකි බව මෙරට සෞඛ්‍ය අමාත්‍යාංශය හඳුනාගෙන ඇත.

g
එම නිසාම දකුණු කොරියාවේ සිට සහ මැදපෙරදිග රටවල සිට මෙරටට පැමිණෙන සියලූම ගුවන් මගීන් ගුවන්තොටුපල සෞඛ්‍ය ඒකකයේදී පූර්ව පරීක්ෂාවකට ලක්කිරීමට සෞඛ්‍ය අමාත්‍යාංශය ගුවන්තෙටුපළ කළමනාකාරිත්වය සහ විදේශ සේවා නියුක්ති කාර්යාංශය එක්ව පියවර ගෙන තිබේ.
සෞඛ්‍ය අමාත්‍යංශයේ වසංගත රෝග විද්‍යාංශයේ විශේෂඥ වෛද්‍ය ආනන්ද අමරසිංහ මහතාගෙන් අප ඒ පිළිබඳ විමසීමක් කළෙමු.


‘‘මර්ස්” වෛරසය අප රටට පැමිණීමේ වැඩි ඉඩ කඩක් තිබෙන්නේ දකුණු කොරියාවේ සහ මැදපෙරදිග රටවල මේ වන විට විශාල ශ‍්‍රමිකයන් පිරිසක් සේවය කරන නිසා. සෑම සතියකම දකුණු කොරියාවේ සිට මෙරටට ශ‍්‍රමිකයන් නිවාඩුව සඳහා හෝ සේවය අවසන් කර පැමිණෙනවා. මේ නිසාම ‘මර්ස්’ වෛරසය ශාරීරගත වූ අයෙකු මෙරටට පැමිණීමේ ඉඩකඩ ඉතාම වැඩියි.


රෝගය ව්‍යාප්ත වීම හුදෙක් සිදුවන්නේ වෛරසය ශරීරගත වූ රෝගියෙකුගේ ශ්වසන බිඳිති මාර්ගයෙන් පිටවන කිවිසුම් සහ කැස්ස මගින්. එම නිසා සංක‍්‍රමනිකයන් මගින් රටකින් රටකට රෝගය ව්‍යාප්ත වීමේ වැඩි ඉඩකඩක් තිබෙනවා.


මෙම තත්ත්වය සැළකිල්ලට ගෙන මෙරට ගුවන් තොටුපළ සෞඛ්‍ය කාර්යය මණ්ඩලය මගින් දකුණු කොරියාවේ සිට හා මැදපෙර දිග සිට මෙරටට පැමිණෙන සෑම මගියෙකුටම දැනුවත් කිරීමේ පත‍්‍රිකාවක් ලබා දීමට කටයුතු යොදා තිබෙනවා. එහි සටහන් කර තිබෙනවා. භාෂා තුනෙන්ම ”මර්ස්” කොරෝනා වෛරසයේ රෝග ලක්ෂණ. රෝගය වැළඳුනහොත් කළ යුත්තේ කුමක් ද සහ රෝගී ලක්ෂණ ඇත්නම් දැනුම්දිය යුතු පාර්ශ්ව කවරේද යන්න.
මීට අමතරව මැදපෙර දිග සහ දකුණු කොරියාවේ සිට මෙරටට පැමිණෙන  ඕනෑම මගියෙකුට ලංකාවට ඇතුළු වන අවස්ථාවේදී උණ රෝගයෙන් පෙළෙන්නේ නම් ඒ බව ගුවන්තොටුපළ සෞඛ්‍ය මණ්ඩලයට දැනුම් දෙන ලෙසට දැනුවත් කිරීම් කටයුතු කර තිබෙනවා. එහිදී සෑම මගියෙකුම ස්වේච්ඡුාවෙන් රටේ පුරවැසියකු ලෙසට රටට රෝගය ඇතුළු වීම වැළැක්වීම වෙනුවෙන් එම කාර්යය කරයි කියලත් බලාපොරොත්තු වෙනවා.


ගුවන්තොටුපළින් ලංකාවට ඇතුළු වන ගුවන් මගියෙකුට රෝගයේ රෝග ලක්ෂණ තිබුණහොත් එම රෝගියා වෙන් කර හිරකර තබලා රෝහල් වෙතට යැවීමට බලාපොරොත්තු වෙන්නෑ.


එලෙස මර්ස් වෛරසයේ රෝග ලක්ෂණ ඇති රෝගියෙකු හමුවුවහොත් ඔවුන්ව දැනුවත් කර, දෙසතියක පමණ කාලයක් ඔහු පදිංචිව සිටින ප‍්‍රදේශයේ සෞඛ්‍ය වෛද්‍ය නිලධාරියා මගින් අධීක්ෂණය කරවීමට කටයුතු සලස්වනු ලබනවා. ලොව දියුණු රටවල පවා බෝවන රෝග වළක්වා ගැනීමට අනුගමනය කරනු ලබන්නේ මෙවැනි පියවරක්.


උණ, හිසරදය, මාංශපේෂි වේදනාව, ඇඟපත වේදනාව, කෑම අරුචිය ප‍්‍රධාන වශයෙන්ම මාර්ස් රෝගයෙහි දැකගත හැකි රෝගී ලක්ෂණය. මෙම රෝග ලක්ෂණම සාමාන්‍ය වෛරස් ආසාදනයකදී මෙන්ම, ඩෙංගු සහ ඉන්ෆ්ලූවන්සා රෝගයක පවා දැකගත හැකි වන බැවින් රෝගය නිශ්චිතවම හඳුනාගත හැකි වනුයේ රෝගියා රුධිර පරීක්ෂාවකට භාජනය කිරීමෙන් පසුවය.


එම නිසාම රුධිර පරීක්ෂාවකින් රෝගය හඳුනා ගැනීමත් රෝගීන් වෛද්‍ය උපදෙස් මත ප‍්‍රතිකාර ලබා ගැනීමට යොමු වීමත් කළ යුතුය.


රසායනාගාර පරීක්ෂාවෙන් පසු රෝගියා මර්ස් කොරොනා වෛරසය ශරීරගත වූ අයකු ලෙස හඳුනාගතහොත් හැකි ඉක්මනින් ළඟම ඇති රජයේ රෝහලට ගොස් හෝ පිළිගත් සුදුසුකම් ඇති ෙවෛද්‍යවරයෙකු වෙත යොමු කර ප‍්‍රතිකාර ගත යුතුය.


මුල් අවස්ථාවේදී රෝගීන්ගෙන් සියයට 10කට පමණ සායනික ලක්ෂණ හෝ වසංගත වේද ලක්ෂණ පෙන්නුම් කරන්නේ නැත.


රෝග ලක්ෂණ ඇති රෝගියෙකුට වෛද්‍යවරුන් ලබාදෙන උපදෙස් ඒ අයුරින්ම ඉෂ්ඨ කිරීම ඉතාම වැදගත්ය. නියම කරනා ඖෂධ ප‍්‍රතිකාරත් ඒ අයුරින්ම ලබාගත යුතු අතර රෝගීන් රෝගය සුවවනතුරු රැුකියාව, පාසල හෝ පොදු ප‍්‍රවාහනවල ගමන් කිරීමෙන් වැළකී සිටීමට ද වග බලා ගත යුතුය.


මර්ස් වෛරසයට විශේෂ ප‍්‍රතිකාරයක් නොමැති අතර හුදෙක් සිදුවන්නේ රෝග ලක්ෂණවලට ප‍්‍රතිකාර කිරීමය.

m



අදහස් (0)

දකුණු කොරියාවේ ‘මර්ස්’ වෛරසය ආවොත් බේරෙන හැටි

ඔබේ අදහස් එවන්න

විශේෂාංග

පාස්කු දා ප්‍රහාර පරීක්ෂණ
2024 ජුනි මස 22 25 0

2019 පාස්කු ඉරිදා සිදුවූ ත්‍රස්තවාදී බෝම්බ ප්‍රහාර මාලාව සම්බන්ධයෙන් ඉකුත් 12 වැනිදා ජනාධිපති රනිල් වික්‍රමසිංහ මහතා විසින් පත් කරන ලද පරීක්ෂණ කමිටුව එ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 22 0

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


බොහෝ පව්කම් කුසලයෙන් වැසීයයි
2024 ජුනි මස 21 160 0

සියලු පව්කම් නොකළ යුතු බවත් උතුම් කුසල ධර්මයේ යෙදිය යුතු බවත් සියලු බුදුවරයන් වහන්සේගේ උතුම් බුද්ධ වචනය බව බොහෝ දෙනා දන්නා කරුණකි. ව්‍යවහාරික සමාජයේ ස


මිහිඳු හිමි ශිෂ්ඨාචාරයෙන් රට යළි පුබුදුවමු
2024 ජුනි මස 21 45 0

මිහිඳු මාහිමියන් ලංකාවට වැඩම වීම මෙරට මිහිඳු ශිෂ්ටාචාරයක් සඳහා පදනම දැම්මේ ය. අප අද සිංහල බෞද්ධ ශිෂ්ටාචාරය බවට හඳුනා ගන්නා අපගේ සියලු‍ භෞතික හා ආධ්‍යා


රටට අභිමානය උදාකළ උතුම් පොසොන් පෝය
2024 ජුනි මස 21 64 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


ජනවාර්ගික සංහිඳියාව අගය කළ ලක් පුත්‍රයා - ඩඩ්ලි
2024 ජුනි මස 20 159 0

නිදහස් ලංකාවේ දෙවැනි අග්‍රාමාත්‍යවරයා වී සිවුවරක්ම අගමැති පදවිය හෙබවූ ඩඩ්ලි ෂෙල්ටන් සේනානායක මහතාගේ 113 වැනි ඡන්ම දිනය ඊයේට (19) යෙදිණි. මේ ලිපිය ඒ නිමිත්


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 113 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1408 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3170 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site