2025 මැයි මස 05 වන සඳුදා
ජපානයේ ෆුකුෂිමා හි සිදු වූ සුනාමිය මෑත කාලයේ ජපානය අත් විඳි බියකරුම ව්‍යසනය වෙයි. හිරෝෂිමා හි හා නාගසාකියේ ඛේදවාචකයට නොදැවැනි ඒ විපත හමුවේ ජපානයට හිස ඔසොවන්නට සෑහෙන තරම් කාලයක් ගතවනු ඇතැයි ගණන් බැලූ පිරිස්ද සිටියහ. ”අපි ඒ පළාත බලන්න යමුද?” මම සමන් ප‍්‍රියංකරගෙන් ඇසුවෙමි. ඔහු සිනාසුනේය. ”ඒ සුනාමියේ ලකුණක්වත් දැන් එහෙ නෑ. ඒ විතරක් නොවෙයි ඒ ගැන කිය කිය හිත හිතා වැළපෙන අයත් නෑ. ඔවුන්ට ඒක තවත් එක් දුක්බර අත්දැකීමක් පමණයි. සමන් ප‍්‍රියංකර කීවේය. ඒ ජපානයේ හැටිය. ඉරණම වෙනස් කළ නොහැකි නම් සරදම් කළ ඉරණම හමුවේ වැළපීම ජපන් ජනයාගේ සිරිත නොවීය. ඔවුන් යෝධයකු පරිද්දෙන් නැගී සිටින්නේ එහෙයිනි. ”සුනාමිය සිදු වුණේ එහේ. ඒත් ඒ ප‍්‍රශ්නය ටෝකියෝ වලට ගෙනාවේ නෑ. මේ පළාත් වල වැඩ කටයුතු ඒ විදියටම සිද්ධ වුණා. එහෙ එහෙම දෙයක් වුණා කියලා මෙහෙ කිසිම වෙනසක් වුණෙත් නෑ. ජපානයේ හැටි එහෙමයි” සමන් ප‍්‍රියංකර වැඩිදුරටත් කීවේය.”වව්ලගේ ගෙදර ආවම ඒ විදියට ඉන්න ඕනැ කියනවනේ. ඒ වගේ ජපානයට ආවොත් ඉන්න වෙන්නෙ මෙහෙ විදියට. වැඩ කරන්න වෙන්නේ මෙහෙ වැඩ කරන විදියට.” සමන් ප‍්‍රියංකර තව ඉසව්වක් අනාවරණය කළේය. එය සත්‍යයකි ජපානයේ වෙසෙන ශ්‍රී ලාංකිකයන්ගේ සංඛයාව දහස් ගණනකි. ඇතැමෙක් ව්‍යාපාර කරති. තවකෙක් විවිධ ආයතනවල සේවය කරති. ඒ කොතැන කොහොම සේවය කළද ඔවුන්ගේ ජංගම දුරකතනය ක‍්‍රියාත්මක වන්නේ දිවා ආහර වේලාවේදී හා සවස වැඩ නිමවීමෙන් පසුවය. එතෙක් ඔවුහු වෙහෙස නොබලා වැඩ කරති. සන්ධ්‍යා සාදය හෝ උත්සවවලට සහභාගි වීම් ඉතා අඩුය. ඒ පසුවදා රාජකාරි කටයුතු වලට එවා බාධාවක් වනු ඇතැයි සිතන හෙයිනි. ඉරිදා දිනය නිවාඩු දිනයකි. ”එදාට තමයි යාළුවෙක් හරි මුණ ගැහෙන්නේ. ඒ ආශ‍්‍රයත් ළඟම ඉන්න දෙතුන් දෙනකුට සීමා වෙලා තියෙනවා. අපට ඒක ටිකක් නුහුරු වුණත් ජපානයෙ හැටියට එහෙම නොකර ජීවත් වෙන්න බෑ.” මොරටුව රාවතාවත්තේ සිට ජපානයට ගොස් අද එහි සාර්ථක ව්‍යාපාරිකයකුව සිටින සම්පත් කීවේය. තෝකියෝ නුවර යෝයෝගි උද්‍යානයේ පැවති ”ආශ්චර්යමත් දේශයේ සැණකෙළිය” ශ්‍රී ලාංකිකයන්ට වඩාත් වැදගත් වන්නේ එහෙයිනි. එම සැණකෙළිය දෙදවසක් පුරා පැවැත්විණි. ජපන් ජාතිකයන්ට අමතරව දහස් ගණනක් ශ්‍රී ලාංකිකයෝ එහි රොඳ බැඳ සිටියහ. ඒ සැණකෙලි දෙදවස ඔවුන්ට අනුව ”ගමේ යෑමකි” ”මහ ගෙදර යෑමකි” ශ්‍රී ලාංකිකයන්ගේ එම බලාපොරොත්තු මුදුන් පමුණුවන ආකාරයටම එම සැණකෙළි දෙදවසෙහි සියලූ කටයුතු සංවිධානය කිරීමට ජපානයේ ශ්‍රී ලංකා තානාපති, හිටපු නාවික හමුදාපති අද්මිරාල් වසන්ත කරන්නාගෙඩ මහතා ඇතුළු ඔහුගේ නිල මඩුල්ල ගත් වෑයම වචනයේ පරිසමාප්ත අර්ථයෙන්ම සාර්ථක යැයි පැවසිය හැකිය. ”මේ මගේ රටේ මිනිස්සු, ඔවුන්ට විනෝද වෙන්න අවස්ථාවක් සලසා දුන්නාම මට හිතෙන්නේ මම මගේ දරුවන්ට යමක් දුන්නා වගෙයි කියලයි” තානාපති අද්මිරාල් වසන්ත කරන්නාගොඩ මහතා කීවේය. මම, ඒ බිමේ එ මේ අත ඇවිද යමින් ශ්‍රී ලාංකිකයන් සමග කතා බස් කළෙමි. ජගත් චන්දන රාමනායක මට හමුවූයේ ඒ මොහොතේය. ඔහු ශ්‍රී ලංකා වාහන අපනයනකරුවන්ගේ සංගමයේ සභාපතිවරයාය. ඔහු මෙසේ කීවෙය. ශ්‍රී ලංකාවේ ඉඳලා ජපානයට ආපු අය කොටස් දෙකක් ඉන්නවා. ඒ තමයි පැරැණි අය හා අලූතෙන් ආව අය. මේ දෙපිරිස අතර සම්බන්ධය අඩුයි එහෙම වුණාම ඒ අයට වැඩ කරගෙන යන්න අමරු වෙනවා. ඉතින් ඒ නිසා පැරැනි අය හා අලූත් අය අතර සම්බන්ධය හදන්න තමයි මේ සංගමය පිහිටෙව්වේ. විශේෂයෙන්ම නීති රීති ගැන නිසි අවබෝධයක් නැති වුණොත් ව්‍යාපාරික කටයුතු වලදී අසීරුතාවන්ට පත් වෙනවා. ඔවුන්ට ඒ ගැන නිසි අවබෝධය ලබා දීමත් අපේ සංගමයේ අරමුණක්. ජපන් රජයේ වගේම ශ්‍රී ලංකා රජයේ වාහන ප‍්‍රතිපත්තිය ගැන අවබෝධයක් ලබා ගැනීම හා රජය හා ව්‍යාපාර අතර මතුවන ගැටලූවටල මැදිහත්වීම අපේ සංගමයේ අරමුණයි. ජපානයේ සිට ශ්‍රී ලංකාවට වාහන අපනයනය කිරීමේ ව්‍යාපාරයට සැහෙන තරම් දිගු ඉතිහාසයකි. එමෙන්ම එම ව්‍යාපාරයේ යෙදෙන, ජපානයේ වෙසෙන ශ්‍රී ලාංකිකයන්ගේ සංඛ්‍යාව ද අති විශාලය. එහෙත් ඔවුන් ඒකරාශී කිරීමේ වැඩ පිලිලෙක් මෙතෙක් ක‍්‍රියාවට නැගුණේ නැත. අද්මිරාල් වසන්ත කරන්නාගොඩ මහතා ඒ දුෂ්කර කාර්යයටද අත තැබුවේය. ශ්‍රී ලංකා වාහන අපනයනකරුවන්ගේ සංගමය බිහි වූයේ එහි ප‍්‍රතිඵලයක් වශයෙනි. ”දැන් අපට ඕනෑම ගැටලූවකට උත්තරයක් තියෙනවා” ජගත් චන්දන රාමනායක මහතා පැවසීය. ජපානයේ දී අධ්‍යාපනයට සෑහෙන තරම් ඉඩක් මෙන්ම පහසුකම් සැලසීමක් කරන බව අපි පසුගිය සතියේ දී සඳහන් කළෙමු. අමෝදනී රාජකරුණා හරහා ද එම ඉසව්වේ ඇති වැඩි ඉඩකඩ හඳුනාගත හැකිය. ඇය ශ්‍රී ලංකා අධ්‍යයන සමාජිකයන්ගේ සංගමයේ සභාපතිනිය ද වන්නීය. අමෝදනී රාජකරුණා පේරාදෙණිය විශ්ව විද්‍යාලයේ දන්ත වෛද්‍ය පීඨයේ ඉගෙන ගෙන වෛද්‍ය උපාධිය උසස් ලෙස සමත්ව එම පීඨයේම ආධුනික කථිකාචාර්යවරියක ලෙස සේවය කළාය. එහෙත් එය එක් වසරකට පමණක් සීමා විය. විශ්ව විද්‍යාල අතර සිදුවන ශිෂ්‍යත්ව හුවමාරු වැඩසටහනකදී අමෝදනීට ජපානයේ වෛද්‍ය හා දන්ත විශ්ව විද්‍යාලයේ වැඩිදුර අධ්‍යාපනයට ශිෂ්‍යත්වයක් හිමි විය. ”ඒ විදියට විශ්ව විද්‍යාල අතර ශිෂ්‍යත්ව හුවමාරු වෙනවා. නමුත් හුඟාක් දෙනෙක් ඒ ගැන දන්නේ නෑ. මම මේ විශ්ව විද්‍යාලයට ඇවිත් දැන් ආචාර්ය උපාධියත් සම්පූර්ණ කළා. ඊට පස්සේ මම පර්යේෂණ අංශයට යොමු වුණා. පර්යේෂණ කටයුතු සඳහා ජපන් රජය විශාල අනුග‍්‍රහයක් දක්වනවා. දැන් මම ඒ විශ්ව විද්‍යාලයේම පර්යේෂකයෙක් විදියට කටයුතු කරනවා. මේ රටේ අධ්‍යාපන ක්‍ෂේත‍්‍රයේ ඉහළට යාමේ අවස්ථා අසීමිතයි. නමුත් ලංකාවේ හුඟක් දෙනෙක් මේ ගැන දන්නේ නෑ. සාමාන්‍ය පෙළ විභාගයේ ඉඳලා අධ්‍යාපන අවස්ථා මේ රටේ දෙනවා. ඒවායින් ප‍්‍රයෝජන ගන්නවා නම් මේ රටට විශාල සේවයක් කරන්න පුළුවන්” අමෝදනි රාජකරුණා කීවාය. ඉංග‍්‍රීසි භාෂාව දැන සිටීම ජපානයේ දී අත්‍යවශ්‍ය නොවන බව පැහැදිලිය. අධ්‍යාපනයේදීත් එය එසේමය. ”ඔව් ඉංග‍්‍රීසි භාෂාව දැන සිටීම අතිරේක සුදුසුකමක් විතරයි. නමුත් ජපන් භාෂාව ඉගෙන ගැනීම අනිවාර්යයි. මෙහේට ආවම ජපන් භාෂාව උගන්වනවා. ඒ නිසා භාෂාව එතරම් තීරණාත්මක සාධකයක් නොවේ.” අමෝදනී කීවාය. කසුනි ද සිල්වා මට හමුවූයේ යොයෝගි උද්‍යානයේදීය. ඇය අඔයම් ගකුයින් විශ්ව විද්‍යාලයේ සිසුවියකි. ඒ විශ්ව විදයාලයට අවේ කොහොමදැයි මම ඇයගෙන් විමසීමි. මම ඉගෙන ගත්තේ කැලණිය විශ්ව විද්‍යාලයේ මම ඉගෙන ගත්තෙ පළමු වසරෙයි. ඊට පස්සේ මම අන්තර්ජාලය හරහා මේ විශ්ව විද්‍යාලයට ඉල්ලූම්පත‍්‍රයක් දැම්මා. මාව තේරුණා. මම ආව” ඇය කීවාය. විශේෂත්වයකි ඇය ජපානයේ රැකියාවක්ද කරන්නීය. රැකියාවක් කරන අතරවාරයේදී ඉගෙනිම් කටයුතු බාධාවකින් තොරව කරගෙන යා හැකිද? මම ඒ ගැන කසුනිගෙන් විමසුවෙමි ”අපොයි පුළුවන්. ඒකට ශක්තිය තියෙන්න ඕනෑ, මම දැනට බ‍්‍රස්ටෙල් සමාගමේ සේවය කරනවා. හවසට විශ්ව විද්‍යාලයට යනවා. ඕනෑම කෙනෙකුට එහෙම කරන්න පුළුවන්. මට නම් තේරෙන දේ තමයි ලංකාවේ ඉන්න හුඟක් දෙනෙකුට ජපානයේ අධ්‍යාපන අවස්ථා පිළිබඳව නිසි අවබෝධයක් නෑ. නමුත් මේ රටේ ඒ සඳහා ගොඩක් පහසුකම් තියෙනවා. ඒවා හොයා ගත යුතුයි.” කසුනි කියන්නීය. මේ කියන අවස්ථා නිසි පරිදි හඳුනා ගන්නේ නම්, ජපන් රටට පැමිණ අධ්‍යාපනයේ ඉහළ අවස්ථා අත්පත් කැර ගැනීමට ඕනෑම අයකුට හැකියාව තිබේ. ඒ අවස්ථා තව තවත් පුළුල් කර එමගින් ද රටට ප‍්‍රතිලාභයක් අත්කර දීමේ වෑයමක ජපානයේ ශ්‍රී ලංකා තානාපති, අද්මිරාල් වසන්ත කරන්නාගොඩ මහතා නිරතව සිටී. එමෙන්ම අද්මිරාල් වසන්ත කරන්නාගොඩ මහතා ජපන් තානාපතිව පැමිණීමෙන් පසුව ශ්‍රී ලාංකිකයන් තුළ අලූත් උනන්දුවක් ද දළුලා වැඞී තිබේ. විවිධ සමිති සමාගම් හරහා ඔවුහු එක පොකුරට එකතු වෙමින් සිටිති. ”ජපානයේ ඉන්නා ශ්‍රී ලාංකිකයන් හරි උනන්දුයි. රටට සේවයක් කරන්න ඔවුන්ට අවශ්‍ය වෙලා තියෙනවා. යුද ජයග‍්‍රහණයේදීත් මේ ශ්‍රී ලාංකියන් අපේ රටට විශාල සේවයක් කළා. නමුත් ඕනෑම රටක වෙසෙන ශ්‍රී ලාංකිකයකුට තමන්ගේ රටට සේවයක් කරන්න දැන් තමයි හොඳම අවස්ථාව. යුද්ධයෙන් පසුව නැගී සිටින්නට වෙර දරන රටක් විදියට අපේ රටට මේ මොහොතේ දී විදෙස්ගතව සිටින සෑම ශ්‍රී ලංකාකියකුගේම සේවය අවශ්‍යයි. ජපානයේ ඉන්න ශ්‍රී ලාංකියන් ඒ අතින් බොහෝ ඉදිරියෙන් ඉන්නවා. මට ඒ ගැන ආඩම්බරයි” තානාපති, අද්මිරාල් වසන්ත කරන්නාගොඩ මහතා පැවසීය.
පළාත් පාලන මැතිවරණය පැවැත්වීමට ඇත්තේ තව දින හතරකි. වසර 03කට ආසන්න කාලයක් තිස්සේ කල් දමමින් තිබූ ප්‍රාදේශීය සභා, නගර සභා ඡන්දය පවත්වන්නට තීරණය කිරීම ඉතාම
ගෞරවනීය දෙමළ දේශපාලන නායකයකු වන සැමුවෙල් ජේම්ස් වේලුපිල්ලේ (එස්.ජේ.වී.) චෙල්වනායගම්ගේ 48 වැනි අනුස්මරණ සංවත්සරය අප්‍රේල් 28 වැනිදාට යෙදී තිබුණි. එස්.ජේ.වී
හිටපු ජනාධිපති රණසිංහ ප්‍රේමදාස මහතාගේ වියෝවින් වසර 32ක් අද වනවිට ගෙවී ගොස් තිබේ. 1993 මැයි මස 01 වැනි දින එතුමන් එල්ල කරමින් සිදුවූ ත්‍රස්ත ප්‍රහාරය තවමත්
වසර 16කට පසුව පැවැති දළදා වන්දනාව මහ ජනතාවට දළදා වහන්සේ වැඳ පුදා ගැනීමට ලැබෙන දුර්ලභ අවස්ථාවකි. අවසන් වරට දළදා ප්‍රදර්ශනයක් පැවතියේ 2009 වසරේදීය. ඒ යුද්ධ ස
මැයි මස පළමුවැනිදා කම්කරු දිනය වශයෙන් වසර ගණනාවක සිට මේ දක්වා සම්මතව පවතී. 1886 දී ඇමෙරිකාවේ චිකාගෝ නුවර දී මැයි අරගලය ආරම්භ වූයේ කම්කරුවන් පැය 8ක වැඩ කිරී
ඓතිහාසික ආරවුල් සහ කාශ්මීරයේ මෑතකාලීන ඛේදජනක සිදුවීම් හේතුවෙන් ඉන්දියාව සහ පාකිස්තානය අතර වර්ධනය වන ආතතීන් දකුණු ආසියාව පමණක් නොව පුළුල් ගෝලීය පිළි
2025 අප්‍රේල් මස 29
656
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
169
0
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1200
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
ජපන් රටේදී හමුවූ අපේ රටේ නෑදෑයෝ
හර්ෂණ Tuesday, 02 October 2012 09:48 PM
ඔය තියෙන්නේ ප්‍රතිඵල (නි)
හේමන්ත Sunday, 30 September 2012 08:32 PM
මොකද මේ එක්කෙනෙක් විතරක් බතික් ඇදගෙන? (නි)