IMG-LOGO

2024 පෙබරවාරි මස 21 වන බදාදා


ජනරාල් සරත් ෆොන්සේකාට යළි සියලූ තරුපටි පදක්කම්

තිස් වසරක් පුරා මෙරට පැවති කුරිරු ත‍්‍රස්තවාදයෙන් රට නිදහස් කර ගැනීමේ සටනේ ප‍්‍රධානම පංගුකාරයෙක් වන හිටපු හමුදාපති සරත් ෆොන්සේකා මහතාට පූර්ණ ජනාධිපති සමාව ලැබීම පසුගිය දින අසන්නට ලැබුණු සුබ ආරංචියකි. යුද ජයග‍්‍රහණයේදී ප‍්‍රධානියකුට හිරගෙය උරුම කිරීම සහ ඔහුගේ සිවිල් අයිතිවාසිකම් සියල්ල අහිමි කිරීම පිළිබඳ බොහෝ දෙනා සිටියේ දැඩි කලකිරීමෙනි. කළගුණ ගැන පුරසාරම් කියන පිරිස් විසින්ම මේ යුද වීරයාට උරුම කරනු ලැබූ කටුක ජීවිතයට අස්වැසිල්ලක් ලැබීම ගැන ඔහුට ආදරය කළ අයගේ මෙන්ම යුද්ධයෙන් විඳි පීඩනය තුරන් වීමෙන් ලබන නිදහස භුක්ති විඳින සැමගේද සතුටට හේතුවක් වනු නොඅනුමානය.


05ආණ්ඩුක‍්‍රම ව්‍යවස්ථාවේ 34 වැනි වගන්තිය යටතේ ජනාධිපතිවරයාට හිමි බලතල අනුව සරත් ෆොන්සේකාට මේ සමාව ලැබී ඇත. මහාධිකරණයෙන් සහ යුද්ධාධිකරණයෙන් ඔහුට ලබා දී තිබූ දඬුවම්වලින් ඔහු සම්පූර්ණයෙන් නිදොස් කොට නිදහස් කොට ඇත.


මේ අනුව සරත් ෆොන්සේකා වෙතින් අහිමි කරනු ලැබූ ජනරාල් ධුරයද සිවිල් අයිතිවාසිකම් සියල්ලද නැවත ලැබී ඇත. ජනාධිපති සමාව හිමිවීම නිසා ඔහුට ප‍්‍රජා අයිතිය හිමිවේ. කුප‍්‍රකට සුදු කොඩි නඩුවෙන් වරදකරු කරමින් ඔහුට දඬුවම් නියම වූ අතර වසර පහකට පසුව ඔහුට පූර්ණ ජනාධිපති සමාව ලැබීම නව රජය යටතේ ගනු ලැබූ වැදගත් තීරණයක් බව බොහෝ දෙනාගේ අදහස වී ඇත. 


1970 වසරේ යුද හමුදාවට එක්වූ සරත් ෆොන්සේකා මෙරට බිහිවූ කීර්තිමත් සෙන්පතියෙකි. 2005 සිට යුද හමුදාපතිවරයා ලෙස ශ‍්‍රී ලංකා යුද හමුදාව මෙහෙයවූ සරත් ෆොන්සේකා 2009 වසරේ යුද්ධය ජයග‍්‍රහණය දක්වා ගමන් කළ සටනේ සුවිශේෂීම කාර්යභාරයට උරදුන් පුද්ගලයාය. යුද ජයග‍්‍රහණයෙන් පසුව ඔහු සිය සේවයේ සිටියදීම ජනරාල් ධුරයට උසස්වීමක් ලැබීය. එසේ සේවා කාලය තුළදීම ජනරාල් ධුරයට පත් වූ ප‍්‍රථම හමුදා නිලධාරියා සරත් ෆොන්සේකා වීමද විශේෂත්වයකි.


2010 වසරේ පැවති ජනාධිපතිවරණයට තරග කිරීමට තීරණය කිරීම ඔහුගේ ජීවිතය සම්පූර්ණයෙන්ම වෙනස් කිරීමට හේතු වූවක් විය. එතැන් සිට ඔහුට විඳින්නට වූයේ කටුක අත්දැකීම් රැුසකටය. යුද්ධය පැවති කාලය තුළදීවත් එවන් කටුක අත්දැකීමක් ඔහුට විඳින්නට සිදුවන්නට නැත. එය එතරම් අමිහිරිය. දේශපේ‍්‍රමීන් දේශද්‍රෝහීන් වීමත් දේශද්‍රෝහීන් දේශපේ‍්‍රමීන් වීමත් පසුගිය කාලය තුළ සිදුවූ ආකාරය පුදුම සහගතය. පැවති ආණ්ඩුවට පක්ෂපාතීවීම හෝ නොවීම මේ සඳහා ප‍්‍රධාන සාධකය වූ බව ප‍්‍රකට කරුණකි.


2010 පෙබරවාරි මස අත්අඩංගුවට පත් වූ සරත් ෆොන්සේකා මහතාට එල්ල වූ චෝදනාව වූයේ යුද හමුදාවට අවි ආයුද ගෙන්වීමේදී සිදුවීයැයි කියන අක‍්‍රමිකතාවන්ය. ඒ සඳහා වසර දෙකක් පමණ සිර දඬුවම් විඳි ඔහු 2012 මැයි මාසයේ නිදහස ලැබීය.


සරත් ෆොන්සේකා මෙරට බිහිවූ රණශූරයෙක් වුවත් ඔහු දේශපාලනයට පැමිණීමට ඉක්මන් වූවායැයි ඇතැම් දේශපාලන විචාරකයින් මීට පෙර පෙන්වා දී ඇත. දේශපාලනයේ අපරිනිතභාවය නිසාම ඔහු 2010 ජනාධිපතිවරණ ඡන්ද සටන කළමනාකරණය කර ගැනීමට අපොහොසත් විය. මේ වනවිට ප‍්‍රජාතන්ත‍්‍රවාදී පක්ෂයේ නායකයා ලෙස ඔහු ජනතාවගේ විශ්වාසය දිනා ගැනීමට සමත් වී ඇත.


ජනාධිපති මෛත‍්‍රීපාල සිරිසේනගේ මැතිවරණ ව්‍යාපාරයට සරත් ෆොන්සේකාගේ මැදිහත්වීම කැපී පෙනෙන්නකි. 2010 දී ඔහු තරග කළ ඡුන්ද ලකුණ වූ හංසයා යටතේ තරග කළ මෛත‍්‍රීපාල සිරිසේන මහතා ජනාධිපතිවරයා වූ සැණින් සරත් ෆොන්සේකාට පූර්ණ ජනාධිපති සමාව දීම කළගුණ සැලකීම පිළිබඳ පුරාජේරු කතා කළ අයට දුන් කදිම පාඩමකි.


එදා ජාතික යුද වීරයකු වූ සරත් ෆොන්සේකා අද ජාතික තලයේ දේශපාලනඥයෙකි. ඉදිරියේදී ඔහුගේ භූමිකාව මෙරට දේශපාලන ක්ෂේත‍්‍රය තුළ තීරණාත්මක එකක් වීම වළකාලනු නොහැක. ඔහුගෙන් අහිමි කළ තනතුරු පදක්කම් සියල්ල නැවත හිමිවීම ඔහුගේ චරිතය ප‍්‍රතාපවත් කිරීමට උපකාරී වනු ඇත.


ඔහු අද නිදහස් මිනිසෙකු ලෙස හුස්ම ගන්නා විට වැඩිපුරම සතුටු වනු ඇත්තේ ඔහුගේ බිරිඳ අනෝමා ෆොන්සේකා සහ දු දරුවන්ය. ඔහුගේ දුෂ්කර ජීවිතය පුරාම ඔහුගේ සෙවණැල්ල වූ අනෝමා ෆොන්සේකාගේ භූමිකාවද පැසසිය යුත්තකි. රටට රණශූරයකු වුවද ජනතාවට දේශපාලන නායකයකු වුවද ගෘහයට ඔහු ආදරණීය ස්වාමි පුරුෂයකු සහ පියෙකි.  ඕනෑම කෙනෙකු උසුලන දැඩි පීඩනයට යම් අස්වැසිල්ලක් ලබන්නේ නිවෙස තුළදීය. සරත් ෆොන්සේකාටද ඒ අස්වැසිල්ල නොලැබුණේ නම් සිත කය දෙකම නිරෝගීව තබාගත නොහැක. මේ ලැබූ නිදහස ඔහු ලද බොහෝ පදක්කම්වලට වඩා ඔහුට වටිනවා ඇත.
මරාගෙන මැරෙන බෝම්බකාරියකගේ ගොදුරක්ව බියකරු අනතුරකට මුහුණ දුන් ඔහු යළිත් නැගිට සිටියේ ඔහු තුළ තිබූ අභීතකම නිසාමය. එවන් අභියෝගවලට මුහුණ දුන් මේ රණශූරයාට පසුගිය පාලනය සැලකූ අයුරු සාධාරණ නැත. තවමත් ඔහුගේ ශරීරය තුළ මූණිස්සම් කැබලි ඉතිරිව තිබෙන බව ඔහු කීප විටක පවසා ඇත. ඔහු ඒ ප‍්‍රහාරයන්ට ලක් වූයේ රට වෙනුවෙනි. එය අපට අමතක කළ නොහැක්කකි.


ලංකාවේ දේශපාලනයේ තිබෙන අශ්ශීලභාවය ප‍්‍රදර්ශනය කරමින් දේශපේ‍්‍රමියා දේශද්‍රෝහියකු වූයේ නිමේෂයකිනි. එම වරද අද නිවැරදි වී ඇත. මෙය අලූත් සමාජ සම්ප‍්‍රදායකට මුල පිරීමක් වුවහොත් හිටපු හමුදාපති ජනරාල් සරත් ෆොන්සේකා හට අහිමි වූ දේ නැවත ලැබීමට සුවිශේෂ අර්ථයක් එකතු වන්නේය. ලංකාවේ දේශපාලනයේද නව සම්ප‍්‍රදායනට එය පූර්වාදර්ශයක් වන්නේ නම් එය ඉතාම වැදගත්ය.

 

 

04
 



අදහස් (0)

ජනරාල් සරත් ෆොන්සේකාට යළි සියලූ තරුපටි පදක්කම්

පිටිගල මිලානෝ Tuesday, 27 January 2015 03:54 PM

නියම වීරයෙක් කවදාවත් තරු පටි ගලවා දමා හෝ නම් කුරුටුගා දමා හෝ මරන්නට බැරිය. වීරයෙක්ව මරා දමන්න උත්සාහ කරන්නේ හොරුන්ය. මන්ද වීරයෙක්ගෙන් කරදර සිදුවන්නේ හොරුන්ට මිසක් නීතිගරුක අහිංසකයන්ට නොවන නිසා. සරත් ෆොන්සේකා මහතාගේ චරිතාපදානයෙන්ම එය අපට පසක් වෙනවා. (නදී)

:       0       0

රොෂාන් Monday, 26 January 2015 08:53 AM

යුද ජයග්‍රහණයේ නියම උරුමක්කරුවාණනි ඔබට සුබ පැතුම් (බ)

:       0       0

ඉන්දික Wednesday, 28 January 2015 02:50 PM

සුබ පැතුම් (නදී)

:       0       0

ලෙස්ලි ජයවර්ධන Tuesday, 27 January 2015 11:56 PM

මෙතුමාට සිදුවූ අසාධාරණයට හවුල් වූ සියලු දෙනාට දඬුවම් කළයුතුයි නේද? (නි)

:       0       0

ගුරුගේ නිශාන්ත Wednesday, 28 January 2015 04:48 PM

ඔබතුමාට බෙහෙවින් ස්තූතියි! ජේසු පිහිටයි! (නි)

:       0       0

ශානිකා Tuesday, 27 January 2015 03:42 AM

නියමයි. සුබ පැතුම්! (නි)

:       0       0

හේරත් නිකවැරටිය Monday, 26 January 2015 07:37 AM

ජය වේවා (නදී)

:       0       0

අනුර ශාන්ත Monday, 26 January 2015 07:43 AM

ඔබ වැනි වීරයකුට හොර නඩයක් විසින් එදා කල අකටයුතුකම් වලට ශ්‍රී ලාංකිකයයෝ හැටියට අපි දුක් උනා. අද අපිට හරි සතුටයි. ඔබට ජය වේවා (නදී)

:       0       0

ඔබේ අදහස් එවන්න

විශේෂාංග

සත්‍යයට පිටුපෑමේ විපාකය
2024 පෙබරවාරි මස 21 949 1

එක්සත් ජාතීන්ගේ ආහාර හා කෘෂිකර්ම සංවිධානයේ 37 වැනි ආසියා පැසිෆික් කලාපීය සමුළුව පෙබරවාරි 20 වැනිදා (ඊයේ) කොළඹ හිල්ටන් හෝටලයේදී ආරම්භ වූ අතර එය 22 වැනිදා දක


දරුවා පාසලට යැව්වාටම මදි නිරන්තර විමසිල්ලක් ඕනෑ
2024 පෙබරවාරි මස 21 133 0

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර


දුප්පතාට අතදෙන අත්වැලක්
2024 පෙබරවාරි මස 20 137 0

ශ්‍රී ලංකාවේ වත්මන් ආර්ථික අර්බුදය හමුවේ දැඩි ලෙස පීඩනයට පත් කණ්ඩායම ලෙස අඩු ආදායම්ලාභීන් නම් කළ හැකිය. ආදායම් මාර්ග ඇහිරී යාම, දෛනික වියදම වැඩි වීම, ඔව


තෙල් සමාගමේ හොරුන් දඬුකඳේ ගහන්න ඕනෑ
2024 පෙබරවාරි මස 20 771 2

සාමාන්‍යයෙන් අමාත්‍යවරයකු විසින් තම අමාත්‍යාංශයේ සිදුවන දූෂිත හෝ වංචනික ක්‍රියාවක් සම්බන්ධයෙන් හෙළිදරව් කරනු ලබන්නේ කලාතුරකිනි. එසේ කලාතුරකින් වන


විධායකය අහෝසි කතා උප්පරවැට්ටියක්
2024 පෙබරවාරි මස 19 251 0

ණය ප්‍රතිව්‍යුහගතකරණ සාකච්ඡා, ඉදිරි ජනාධිපතිවරණය, ජාතිකවාදී දේශපාලන කඳවුරේ අනාගතය ආදී කාලීන ආර්ථික හා දේශපාලනික තේමා රැසක් ප්‍රශ්න කරමින් පිවිතුරු


ගොවි ගැටලුවලට සැබෑ විසඳුමක් ඕනෑ
2024 පෙබරවාරි මස 19 148 0

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. ම


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 151 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 221 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 249 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site