IMG-LOGO

2025 නොවැම්බර් මස 29 වන සෙනසුරාදා


ජනපතිගේ බාල සොහොයුරාට එල්ල කළ ප‍්‍රහාරය

ජනාධිපතිතුමාගේ බාල සොහොයුරුට පොරවකින් ගහලා හොඳටම අමාරුයිලූ. පොරවෙන් කොටලා තියෙන්නේ හොඳම යහළුවා කියා තමා කියන්නේ. වැව් බැඳි රාජ්‍යය පුරා මේ ආරංචිය පැතිර යන්නට වැඩි වේලාවක් ගත වූයේ නැත.

 

28_page_3-M 
ලැව් ගින්නක් සේ පැතිර ගිය මේ ආරංචිය ලැබුණු පිරිස් ඇදී දියේ පොළොන්නරුව මහරෝහල වෙතය. ඒ වන විටත් ජනාධිපතිතුමාගේ බාල සොහොයුරා සිටියේ රෝහලේ දැඩි සත්කාර ඒකකයේ ප‍්‍රතිකාර ලබමින්ය.


දැඩි සත්කාර ඒකකයේ ප‍්‍රතිකාර ලබමින් සිටි ජනාධිපතිවරයාගේ බාල සොහොයුරා ගිලන් රථයකින් හිඟුරක්ගොඩ ගුවන් හමුදා කඳවුරට ගෙනවිත් එතැන් සිට ගුවන් යානයකින් රැුගෙන ඇවිත් ඇතුළත් කරනු ලැබුවේ කොළඹ ප‍්‍රදේශයේ පිහිටි ප‍්‍රධාන පෙළේ පෞද්ගලික රෝහලකටය.


පෞද්ගලික රෝහලේ දැඩි සත්කාර ඒකකයේ අසාධ්‍ය තත්ත්වයෙන් යුත් ඔහු ප‍්‍රතිකාර ලබමින් පසුවේ.


ගජ මිතුරාගේ පොරෝ පහරකට ලක්වූයේ ප‍්‍රියන්ත සිරිසේන මහතාය. ඔහු ප‍්‍රදේශයේ ප‍්‍රසිද්ධියට පත්ව ඇත්තේ වැලි රාජු කියන නමින්ය. වැලි රාජු කියා ඔහුට නමක් පට බැඳී ඇත්තේ වැලි බිස්නස් කරන නිසාය.


වැලි රාජු කියා කිව්වොත් පොළොන්නරුව ප‍්‍රදේශයේ ඔහු ගැන නොදන්නා කෙනෙක් නැත.


දිනය පසුගිය 26 වැනිදාය.


වේලාව රාත‍්‍රී 7.30ට පමණ ඇත.


පොළොන්නරුව කඳුරුවෙල දිය බෙදුම හතර ඇළ ප‍්‍රදේශයේ පදිංචිව සිටින ලක්මාල් නැමැත්තා ප‍්‍රියන්ත සිරිසේන මහතාගේ ගජ මිතුරෙකි.


ප‍්‍රියන්ත මහතා ඔහුගේ මිතුරන් දෙතුන් දෙනෙක් සමග එදා ලක්මාල් සොයා ගෙන ගෙදරට ගියේ මිතුරු සම්බන්ධතා පැවැත්වීමට නම් නොවේ.
ටික දිනක සිට මේ ගජ මිතුරන් දෙදෙනා අතර පෞද්ගලික කරුණක් මුල්කරගෙන විරසකයක් හටගෙන තිබිණි.


මොවුන් දෙදෙනා අතර මිතුදම ඇති වී තිබුණේ වැලි කෙළියේ සිටය.


වැලිකෙළියේ පටන් තිබූ මිතුදම දෙදරා ගොස් තිබුණේ පසුගිය දිනවල ලක්මාල් සිිටියේ ප‍්‍රියන්ත මහතාගෙන් වසන්වය. ඒ තරමට ඒ විරසකය දුරදිග ගොස් තිබිණි.


මෙය එසේ මෙසේ විරසකයක් නොව ලොකු විරසකයකි.

SLD_20150329_A003
ප‍්‍රියන්ත මහතා ඇතුළු කණ්ඩායම ලක්මාල් සොයා යන විට ගෙදර සිට නොමැති අතර ඔහු යාබදව පිහිටි ලොකු අම්මාගේ ගෙදරට වී සිට ඇත.


නිවසේ සිට ඇත්තේ ඔහුගේ මව පියා සහ ඔහුගේ දියණියන් තිදෙනා පමණක් බව ද දැන ගැනීමට ඇත.


මහ ගෙදර දෙසින් කෑ කෝ ගසන හඬක් ඇසුණු නිසා කිසියම් කලබලයක් සිදු වෙනවා යැයි සිතූ ලක්මාල් එහි පැමිණ තිබේ.


ප‍්‍රියන්ත සිරිසේන මහතා සමඟ ලක්මාල් අතර තිබුණ පෞද්ගලික කරුණක් මත ඇතිව තිබූ ආරවුලකින් ලක්මාල් කියන තැනැත්තා පොරෝ පහරක් එල්ල කර තිබෙනවා. මේ පොරෝ පහර වැදී තිබෙන්නේ ප‍්‍රියන්ත මහතාගේ හිසටයි. එයින් ඔහු බරපතළ තුවාල ලැබුවා. පොරෝ පහර දී පලා ගිය සැකකාර ලක්මාල් නැමැත්තා එදිනම රාත‍්‍රී බකමූණ පොලිසියට ගොස් බාර වී තිබුණි. පිටුපසින් පැමිණ තමා පොරෝ පහර එල්ල කර තිබෙන්නේ.


පොලිස් මාධ්‍ය ප‍්‍රකාශක සහකාර පොලිස් අධිකාරි නීතිඥ රුවන් ගුණසේකර මහතා මේ සිද්ධිය ගැන කීවේ එහෙම කතාවකි.


පොරෝ පහර කා බිම වැටුණු ප‍්‍රියන්ත මහතා පොළොන්නරුව රෝහලට ගෙන ගොස් ඇත්තේ ඔහුත් සමඟ පැමිණි මිතුරන් තිදෙනා බව ද සහකාර පොලිස් අධිකාරි ගුණසේකර මහතා පැවසීය.


උතුරු මැද ජ්‍යෙෂ්ඨ නියෝජ්‍ය පොලිස්පති රවී විජේගුණවර්ධන මහතාගේ නියෝගයක් අනුව ක‍්‍රියාත්මක වූ පොළොන්නරුව කොට්ඨාසය බාර ජ්‍යෙෂ්ඨ පොලිස් අධිකාරි ලක්සිරි විජේසේන මහතා අවට පොලිස් ස්ථාන ද දැනුවත් කර ප‍්‍රදේශය පුරා මාර්ග බාධක යෙදවූයේ පලා යන සැකකරු අත්අඩංගුවට ගැනීමටය.


ඩබල් කැබ් රථයක නැගී සැකකරු පලා ගිය බවට ඒ වන විටත් තොරතුරු ලැබී තිබූ නිසා පොලිස් මාර්ග බාධක යොදා සැක කටයුතු වාහනත් පරීක්ෂා කිරීමේ නිරතව සිටියේය.


ජනාධිපතිතුමාගේ බාල මල්ලිට පොරොවෙන් කෙටුවාට හොයන්නේ මාව තමයි, මම ආවේ පොලිසියට බාර වෙන්නයි.


බකමූණ පොලිසියට පැමිණි පුද්ගලයෙක් ඒ අවස්ථාවේදී රාජකාරියේ නිරතව  සිටි පොලිස් නිලධාරීන් එක්ක කියා ඇත. ඒ වන විට වේලාව ? 9.30ට ආසන්න වී තිබිණි.


දිග කලිසමක් හා ටීෂර්ට් එකක් හැඳ සිටි මොහු කිසියම් තැතිගැන්මකින් පසුවන බව ද පොලිස් නිලධාරීන්ට පෙනී ගොස් ඇතැයි කියති.


ඔහු පොලිසියට පැමිණ තිබුණේ ඩබල් කැබ් රථයකිනි.


හබරණ කොට්ඨාසය බාර සහකාර පොලිස් අධිකාරි අභය රාජ ගම්ලත් මහතාට ද සිද්ධිය දැනුම් දුන් හබරණ පොලිස් ස්ථානාධිපති පොලිස් පරීක්ෂක පාලිත ඉලන්සේකර මහතා සහකාර පොලිස් අධිකාරිවරයාගේ උපදෙස් මත සැකකරුගෙන් ප‍්‍රශ්න කරනු ලැබිණි.


සැකකරු පොලිසියට පැමිණ බාරවී තිබෙන බව පොලිස් ස්ථානාධිපතිවරයා පොලොන්නරුව මූලස්ථාන පොලිස් ස්ථානාධිපති ප‍්‍රධාන පොලිස් පරීක්ෂක එම්.ආර්. ජරූල් මහතාට දැනුම් දී ඇත්තේ මේ සම්බන්ධව වැඩිදුර පරීක්ෂණ පවත්වනු ලබන්නේ එම පොලිස් ස්ථානය මගින් නිසාය.


විශේෂ පොලිස් ආරක්ෂාව යටතේ සැකකරු පොළොන්නරුව පොලිසිය වෙත පසුගිය සිකුරාදා (27) රැගෙන ගියේ වැඩිදුර මේ සම්බන්ධව පරීක්ෂණ පැවැත්වීමටය.


අත්අඩංගුවට ගත් සැකකරු පොළොන්නරුව මහේස්ත‍්‍රාත් අධිකරණය හමුවට ඉදිරිපත් කිරීමෙන් පසු රිමාන්ඞ් බාරයට පත් කෙරිණි.


මෙසේ රිමාන්ඞ් බාරයට පත් කර තිබුණේ හපුතන්ත‍්‍රිගේ දොන් ඉෂාන් ලක්මාල් හපුතන්ත‍්‍රි නමැත්තෙකි.


තිස් හතර හැවිරිදි සැකකරුගේ බිරිඳ මැදපෙරදිග රටක රැුකියාවක නිරතව සිටින්නීය.


මොහු ගරාජයක හිමිකරුවෙකි.


දැඩි සත්කාර ඒකකයේ ප‍්‍රතිකාර ලබමින් සිටින ප‍්‍රියන්ත සිරිසේන මහතා ශල්‍යකර්මයකට ද ලක්කර තිබෙන බව රෝහල් ආරංචිමාර්ගවලින් දැන ගැනීමට ඇත.


ප‍්‍රියන්ත මහතා අසාධ්‍ය තත්ත්වයෙන් පසුවන බව ද රෝහල් ආරංචි මාර්ග පවසයි.


පහර දුන් පොරොව ද සොයාගෙන ඇත.


උතුරු මැද පළාත් බාර ජ්‍යෙෂ්ඨ නියෝජ්‍ය පොලිස්පති රවි විජේගුණවර්ධන මහතාගේ පූර්ණ අධීක්ෂණය යටතේ උතුරු මැද නියෝජ්‍ය පොලිස්පති රංජිත් පද්මසිරි මහතගේ ද උපදෙස්  මත පොළොන්නරුව කොට්ඨාසය බාර ජ්‍යෙෂ්ඨ පොලිස් අධිකාරි ලක්සිරි විජේසේන මහතාගේ මෙහෙයවීම යටතේ පොළොන්නරුව මූලස්ථාන පොලිස් ස්ථානාධිපති ප‍්‍රධාන පොලිස් පරීක්ෂක එච්.ආර්. ජරූල් මහතාගේ ප‍්‍රධානත්වයෙන් මේ සම්බන්ධව තවදුරටත් පරීක්ෂණ පවත්වාගෙන යති.

m



අදහස් (0)

ජනපතිගේ බාල සොහොයුරාට එල්ල කළ ප‍්‍රහාරය

රූපවතී Saturday, 04 April 2015 04:18 PM

මුළු රටම ඇස් ඇරගෙන බලාගෙන ඉන්නේ මොකක්ද මේ පොරෝ පහරට හේතුව කියලා දැනගන්න. (නි)

:       0       0

ශානක Sunday, 05 April 2015 01:03 AM

තාමත් තොරතුරු පනත සම්මත වෙලා නැහැ නේද ? එ්කනේ මේකට හේතුව අදටත් සදහන් කර නැත්තේ. (නදී)

:       0       0

ධම්ම Tuesday, 07 April 2015 12:30 PM

නියම පච්චයකුත් තියෙනවා අතේ. (දී)

:       0       0

මුදියන්සේ Sunday, 05 April 2015 02:49 PM

අනේ රූපවතියේ, මගේ නංගියේ ඔය පොරෝපහරකට බයේ මම අවුරුද්දක් විතර නිහඩ උනා. සතුටුයි මගේ නංගියේ කවියක් කියන්නම තමා හිත (නදී)

:       0       0

නිමල් රාජපක්ෂ Saturday, 04 April 2015 09:46 AM

රාජපක්ෂ පරම්පරාවේ කාට හරි කළා නම් අද පොලොන්නරුවම අමු සොහොනක් (නදී)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 197 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 258 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1159 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site