IMG-LOGO

2024 ජුනි මස 18 වන අඟහරුවාදා


චිත්‍රපට අරමුදලක් වහාම ඕනෑ

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය කර වසර 19කට පසු ඔහු තමන්ගේ දෙවැනි සිනමා නිර්මාණය සමඟ අප හමුවට ඇවිත් තිබේ. ඒ "My Red Comrade” සමගිනි. සිනමා ගුරුවරයකු, ටෙලිනාට්‍ය/සිනමා අධ්‍යක්ෂවරයකු වන ඔහු නමින් සුදත් මහදිවුල්වැව වේ. මේ ඔහුත් සමග අද පවතින සිනමාවේ තත්ත්වය පිළිබඳව කළ කතාබහක සටහනකි.

‘‘අවුරුදු 19කට පස්සේ සිනමාවට එද්දී සම්පූර්ණයෙන්ම පොළොවයි ප්‍රේක්ෂකාගාරයයි, මිනිසුන්ගේ රසවින්දනයයි, හැම දෙයක්ම වෙනස් වෙලා. පොළොව හොඳටම වෙනස් වෙලා. ඒක තමයි මම මේ දවස්වල අත්දකිමින් ඉන්නේ. ඇත්තටම මම සිනමාව කරපු කෙනෙක් වගේම සිනමාව උගන්වපු කෙනෙක්. මට දැන් මේ චිත්‍රපටය කළාට පස්සේ හිතෙනවා, සිනමා නිර්මාණයක් කරන එක තමයි සරලම දේ කියලා. මොකද චිත්‍රපටයක් කළාට පස්සේ රැඟුම් හලක මණ්ඩල සහතිකය අරගෙන, ප්‍රදර්ශන මණ්ඩලයකට පෙන්වලා මිනිස්සුන්ට පෙන්වන තැනට ගෙනියන එක තමයි මම හිතන්නේ මේ මොහොතේ ලංකාවේ සිනමාව කියලා. චිත්‍රපටයක් නිමා කරන එක මෙච්චර අමාරු නෑ. මේක අතිශයින් අමාරු හා දුෂ්කර වැඩක්.

විශේෂයෙන් ජනප්‍රිය තලයේ නොවන වෙන විදිහේ සිනමාව පාවිච්චි කරන, කිසියම් විකල්ප විදිහකට සිනමාව පාවිච්චි කරන, අපි වගේ අයට මේ මොහොතේ අතිශයින්ම අමාරුයි. එකක් තමයි ප්‍රදර්ශක මණ්ඩලයත් එක්ක අපට සිනමා ශාලා ලබා දුන්නද, ඒ දෙන වෙලාව ප්‍රශ්නයක්. දහවල් 12.00ට දීලා වැඩක් නෑ. චිත්‍රපටයක් බලන්න එන වෙලාවක් තිබෙනවා. ඒ වෙලාවන් ඔවුන් දෙන්නේ ජනප්‍රිය තලයේ චිත්‍රපටවලට. ඒ රේස් එකේ අපට දුවන්න අමාරුයි. එහෙම කියලා අපි මේ මොහොතේ එය අතහැරලා නෑ.

විශේෂයෙන් කුරුණෑගල, රත්නපුර, මාතර, මහනුවර ඉතාමත් හොඳ ප්‍රේක්ෂක ප්‍රතිචාර චිත්‍රපටයට තිබෙනවා. එහෙත් අවාසනාවකට අනුරාධපුර, පොළොන්නරුව වගේ දිස්ත්‍රික්කවල අපට සිනමා ශාලාවක් ලැබී නෑ. ඒකට හේතුවක් තිබෙනවා. මොකද ඒ සමහර සිනමා ශාලා e සිනමා ශාලා වෙලා තිබෙන්නේ. මෙය අපි කතා කළ යුතුම ප්‍රශ්නයක්. ලංකාවේ චිත්‍රපටයක් හදන්න තිබෙන අන්තිම ඉහළ තාක්ෂණයකින් (8k) තමයි මගේ චිත්‍රපටය රූගත කළේ. හැබැයි අපි මුදාහරින්නේ 2k තාක්ෂණයටයි. ඒ කියන්නේ හතරෙන් එකක්. 2k පිළිබඳව මා නරක විදියට කතා කරන්නේ නෑ. 4k ලැබෙනවා නම් හොඳයි.

e සිනමාශාලා විසිගණනකට වඩා අපේ රටේ තිබෙනවා. අපි තීන්දුවක් අරගෙන තිබෙනවා ඒවාට චිත්‍රපටය දෙන්නේ නෑ කියලා. හේතුව 8k රූපගත කළ එකක් DVD වලටත් වඩා පල්ලෙහා එකකට දාන්නේ ඇයි? අපි තාක්ෂණය හොඳට දැනගෙන විනාශ කරන්නේ ඇයි? ශාලා අඩුවුණාට කමක් නෑ. e සිනමා ශාලාවලට දෙන්නේ නෑ. e සිනමාව ලංකාවෙන් වහාම අතුගා දමන්න ඕන කාරණයක්. කොහොම වුණත් e සිනමා කියන්නේ ගෙදර බලනවාටත් වඩා පල්ලෙහා මට්ටමේ එකක්.

ඇත්තටම මගේ චිත්‍රපටය රිලීස් කරන්න තිබුණේ 3 වැනිදා. හැබැයි එදාම ජනප්‍රිය තලයේ චිත්‍රපටයක් තිරගත කරන්න කටයුතු කළා. ඒ තරගයට මගේ චිත්‍රපටය දාන්න සූදානම් වුණේ නෑ. මොකද අපේ චිත්‍රපටයේ ප්‍රේක්ෂකාගාරය පිළිබඳ මට හොඳ අදහසක් තිබෙනවා. මේ වනවිට ප්‍රධාන ධාරාවේ ජනප්‍රිය තලයේ චිත්‍රපට දෙකක් තිරගත වෙද්දී, ලංකාවේ පෝලිමේ සිට සියලුම සිනමාකරුවෝ චිත්‍රපට අකුලාගනිද්දී, මේ චිත්‍රපට දෙක එක්ක තරග කරන්න බයවුණා. ඒත් මම ඒ තරගයට මුහුණ දුන්නා. මොකද මට වෙන විකල්පයක් තිබුණේ නෑ. ඒකෙදි මම අද ඉන්න තැන පිළිබඳව මට හරිම සතුටුයි. සාපේක්ෂව සතුටුයි. ඒක නොවෙයි අපේ ඉලක්කය.

චිත්‍රපට නිෂ්පාදකවරයෙක් චිත්‍රපටයට වියදම් කරලා, ප්‍රචාරණයට වියදම් කරලා, ඊළඟට ශාලාව ළඟට ගෙනියනකම්ම වියදම් දරනවා. අපි පොඩි කාලේ චිත්‍රපට ශාලාවලින් ගොඩක් උදව් දුන්නා. අද ඒ කිසි දෙයක් නෑ. හැබැයි ලාබය බෙදාගන්නකොට දෙගුණයකට බෙදා ගන්නවා. මේ ක්‍රමයේ වෙනසක් විය යුතුමයි. ඒ සිනමාවේ සිටින හැමෝම කතා කළ යුතු දෙයක්. නැත්නම් මේක ගිහින් ගිහින් එක තැනක නතර වෙනවා.

අපේ චිත්‍රපටයට මේ වනවිට ජාත්‍යන්තරව, රටවල් ගණනාවක විශාල ඉල්ලුමක් පවතිනවා. මට අවශ්‍ය මේක ලංකාවේ පෙන්වලා, මේ රටේ මිනිසුන් සමග කතිකාවකට යන්නයි. ඒ අර්ථයෙන් නම් චිත්‍රපටය බලලා ඒක ප්‍රේක්ෂකයන්ගේ අදහසින් තමයි මේ සාකච්ඡාව එන්න ඕනේ. ඒකට ප්‍රශ්න ගොඩක් තිබෙනවා. මේවා සඳහා අධ්‍යක්ෂවරයකුට, නිෂ්පාදකවරයකුට තීන්දු තීරණ ගන්න බැහැ.

අපට මේ මොහොතේ වැදගත්ම කාරණය තමයි චිත්‍රපට අරමුදලක අවශ්‍යතාව. අධ්‍යක්ෂවරයා සුරක්ෂිත කරනවා වගේම නිර්මාණයත් සුරක්ෂිත කරනවා. අරමුදල විසින් තීරණය කරනවා ලංකාවට හැදෙන්න ඕනේ මොනවගේ චිත්‍රපටද කියලා. චිත්‍රපට සංස්ථාවේ තිබෙන සංවර්ධන අරමුදල ගැන නොවෙයි මේ කතා කරන්නේ. මෙය ලෝකයේ බොහෝ රටවල්වල තිබෙන චිත්‍රපට අරමුදල ගැනයි. වාණිජ, කලාත්මක, පර්යේෂණාත්මක වගේම වෙනත් ධාරාවේ චිත්‍රපටද මේ අරමුදල මගින් සුරක්ෂිත වෙනවා. චිත්‍රපටයක අර්ථ හරිම වෙනස්. චිත්‍රපටයකට පුළුවන් විවිධ විදිහට, තානාපති කෙනෙක් හැටියට යන්න, මුදල් හොයන්න. සංස්කෘතික බැඳීමකට යන්න පුළුවන්. මම කියන්නේ අරමුදල විසින් තීන්දු, තීරණ ගන්නවා. ඒ අරමුදලට මණ්ඩලයක් ඉන්නවා. එයින් තමයි තීරණය වෙන්නේ. රටක සිනමා සංස්කෘතිය හරිම වැදගත්. මේ මොහොතේ එහෙම දෙයක් නෑ. එය සිදුවන්නේ ශාස්ත්‍රානුකූලව ඒ පිළිබඳව ගැඹුරු කතාබහක් කෙරෙද්දී විතරයි. චිත්‍රපට අරමුදලෙන් විතරක් ප්‍රශ්න විසඳන්න බැහැ. සිනමා ශාලා ප්‍රශ්න ගොඩාක් තිබෙනවා. ඒවාත් නඩත්තු වෙන්න ඕනේ. චිත්‍රපට කියන එක විවිධ පාරවල් ඔස්සේ ගමන් කරන්නේ. මම කියන්නේ එය තනි පාරකට ආවොත් මීට වඩා සිනමා කර්මාන්තය කියන එකත් සංස්කෘතිය කියන එකත්, සිනමා සාක්ෂරතාවයත් එක්ක යන ශාස්ත්‍රානුකූල කියන කාරණා ටික ඔක්කොම රවුමකට යා කරන්න පුළුවන් නම්, මීට වඩා යහපත් සිනමාවක් අපට දකින්න පුළුවන් වෙයි.’’

(*** - සමන්ත යහම්පත්)



අදහස් (1)

චිත්‍රපට අරමුදලක් වහාම ඕනෑ

vernon Tuesday, 28 May 2024 01:09 PM

හරි, එහෙම අරමුදලක් හැදුවා කියමු. ඒකට සල්ලි කොහෙන්ද? එකේ සල්ලි අරගෙන කරන චිත්‍රපටි පාඩු වුනොත් අරමුදලට ආපහු සල්ලි කොහෙන්ද?

:       0       2

ඔබේ අදහස් එවන්න

විශේෂාංග

පරිත්‍යාග රැසක් සිහිකරන හජ් වන්දනාව
2024 ජුනි මස 17 58 0

ලොව පුරා වෙසෙන මුස්ලිම් බැතිමතුන් ඉමහත් බැතියෙන් සමරන හජ් උත්සවය අදට (17) යෙදී ඇත. මෙම ලිපිය පළ වන්නේ ඒ නිමිත්තෙනි.


මෝදිගෙන් ගතයුතු පාඩම්
2024 ජුනි මස 17 198 0

ඉන්දියාවේ ලෝක් සභා මැතිවරණය, දෙවතාවක් අගමැති ධුරය හෙබවූ නරේන්ද්‍ර මෝදි හා නේරු පවුලේ බලයේ උරුමකරු වූ රාහුල් ගාන්ධි යන ප්‍රධාන තරගකරුවන් දෙදෙනාම කනස්


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 52 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


හිටිගමන් මතක් වූ දහතුන
2024 ජුනි මස 15 284 1

උතුරේ ඇතැම් දේශපාලනඥයන් ඉදිරි ජනාධිපතිවරණය වර්ජනය කරන්නේද නැත්නම් වෙනම දෙමළ පොදු අපේක්ෂකයකු ඉදිරිපත් කරන්නේදැයි විවාද කරමින් සිටින අතර තුර දකුණේ ප


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 187 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


ලංකාවේ උසස් ප්‍රේක්ෂකයන් සිටීම අසිරිමත්
2024 ජුනි මස 14 430 0

‘‘සහන්‍යා පදනම ශ්‍රී ලංකා’’ හා ‘‘සිද්ධිවිනායක් සිනෙ ආර්ට්ස්’’ වෙනුවෙන් කෞශල්‍යා වික්‍රමසිංහ සංවිධාන කරන ‘‘සුබ්‍රමනියා ග්ලෝබල් ෆියුෂන්’’ ප්‍රසංගය


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3042 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2491 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site