09-Page-3-M-07

1

පාර්ලිමේන්තු පරිශ‍්‍රයට යන මාර්ගයේ බත්තරමුල්ලේ දියත උද්‍යානය අසල පාලම වඩාත් පුළුල් කිරීමේ කටයුතු ආරම්භ කර කලක් ගතවී ඇත. මාර්ග සංවර්ධන අධිකාරිය මගින් මෙම පාලම උස්කිරීම හා පළල් කිරීම සඳහා අතිවිශාල මුදලක් වැය කරන බව ද වාර්තා වේ. පාලම යටින් ගලායන දියවන්නා ඔයේ බෝට්ටු පැදීම සඳහා වැඩි ඉඩකඩක් ලබාදීමට මෙම පාලම විශාල ප‍්‍රමාණයෙන් පුළුල් කරන බව ද කසුකුසුවකි.

අපි මේ පිළිබඳව නාගරික සංවර්ධන අධිකාරියේ ජ්‍යෙෂ්ඨ උපදේශක (ඉඩම් සංවර්ධන, සැලසුම් හා මෙහෙයුම්) වීරසේන අධිකාරි මහතාගෙන් විමසුවෙමු.09-Page-3-M-08

ප‍්‍රශ්නය පාර්ලිමේන්තු වටරවුම අසල පිහිටි පාලම පුළුල් කරන්නෙ ඇයි? මේ පාලම බොහොම හොඳට තිබුණ එකක්නේ?


පිළිතුර මෙතැන මාර්ග තදබදයක් තිබෙන තැනක්. අනික මේ පාලම පළල් කිරීමට හා උස් කිරීමේ අවශ්‍යතාවක් තිබුණා.
 

ප‍්‍රශ්නය පාලම උස් කරන්න විශාල වියදමක් දරන්න වෙනවා.
පිළිතුර ඒකට යන වියදම ගැන දන්නේ මාර්ග සංවර්ධන අධිකාරියයි. පාලම උස්කරන්නෙ ජලය බැස යාමේ පහසුවට.

 

ප‍්‍රශ්නය කලිනුත් වතුර බැස ගියානේ.
පිළිතුර නමුත් වතුර බැස යාමට තිබූ කානුව ප‍්‍රමාණවත් නැහැ.

 

ප‍්‍රශ්නය ආරංචිය නම් තියෙන්නේ බෝට්ටු රේස් තරග තියන්න මේ තරම් විශාල මුදලක් වැය කරල පාලම උස්සනව කියලයි.
පිළිතුර මමත් ඔය ආරංචිය ඇහුවා. හැබැයි අපි නම් එහෙම එකක් දන්නේ නැහැ. ඇරත් බෝට්ටු යන එකේ වැරැද්දක් තියෙනවද?

 

ප‍්‍රශ්නය කිසිම වැරැද්දක් නම් නැහැ. නමුත් මේ තරම් විශාල මුදලක් වැය කරන එක තමයි ප‍්‍රශ්නය.
පිළිතුර  ඕනෑම සංවර්ධන වැඩක් කරනකොට මොකක් හරි විරෝධයක් දාන එක සිරිතක්. කණ්ඩලම හදනකොට කී දෙනෙක් විරුද්ධ වුණාද? දැන් ඔය විරුද්ධ වෙච්ච අයත් අගේට යන්නේ. හයිවේ එපා කිව්වා. එපා කියපු අයත් යනවනේ. ඒ වගේ තමයි දෙයක් කරන්න ගත්තම විවිධ කතා කියනවා. රටක් දියුණු වෙන්න නම් මේව කරන්න එපායෑ.

 

ප‍්‍රශ්නය පාලම උස්කරන්නෙ බෝට්ටු රේස් තියන්න අවශ්‍ය නිසා නොවෙයිද?
පිළිතුර මේ ආසන්නයෙ තවත් ගොඩනැගිලි එහෙම හැදේවි. ප‍්‍රදේශයේ ජලය බැස යාම විධිමත්ව සිදුවෙන්න  ඕනෑ. පොඩි වැස්සකටත් ජලය රොක්වීම සංවර්ධනයට බාධාවක්. ජලය බැසයාම විධිමත් කරන්න අවශ්‍යයි. නුගේගොඩට යනකම් පයින් යන්න පුළුවන් මාර්ගයක් හදන්න සැලසුම් කරලත් තියෙනවා.

 

ප‍්‍රශ්නය කෝට්ටෙ නගරයේ බොහොම වෙනස්කම් කරනව වගෙයි.
පිළිතුර රටක සංවර්ධනයට, පරිසරයත් අදාළයි. පරිසරය පියකරු වෙන්න  ඕනෑ. නාගරික සංවර්ධන අධිකාරියෙන් ජනතාවට ප‍්‍රසන්න නගරයක් ඇති කරනවා.

 

 


22

කෝට්ටේ හා මහරගම නගර සභා බල ප‍්‍රදේශවල පසුගිය සෙනසුරාදා (2) සිට පැය 72 ක කාලයක් ජලය කපා හරින බවට ජල සම්පාදන හා ජලාපවහන මණ්ඩලය නිවේදන කර තිබුණත් පැය 96 ක් ගතවන තුරුත් ජලය සැපයීමට මණ්ඩලය අපොහොසත් විය. මෙම නගර සභා දෙකේ වෙසෙන ලක්ෂ ගණනක් වූ ජනතාවගෙන් සියයට 95 ක පමණ පිරිසක් පාවිච්චි කරනු ලබන්නේ නළ ජලයයි. දින 4 ක කාලයක් නළ ජලය නොලැබීමෙන් මෙම ජනතාව අතිශයින් අසීරුතාවකට පත්වී සිටියහ.

මේ පිළිබඳව ජල සම්පාදන හා ජලාපවහන මණ්ඩලයේ සභාපති ආර්.ඩබ්ලිව්.ආර්. පේ‍්‍රමසිරි මහතාගෙන් විමසුවෙමි.

09-Page-3-M-09

ප‍්‍රශ්නය පැය 72 න් ජලය සපයනවා කිව්වට බැරිවුණා නේද?
පිළිතුර ඔව්. හිතුවට වඩා පොඩි කාලයක් ගියා.

 

ප‍්‍රශ්නය දියත උද්‍යානය අසල පාලම උස් කිරීමේදී මේ ජල නළයට හානිවෙලා කියල ආරංචියි.
පිළිතුර නෑ.... නෑ.... එහෙම එකක් නැහැ. පාලම ඇතුළෙත් නළ එලන්න තියෙන්නෙ. විශේෂයෙන් ඒ පාලම අබලන් තත්ත්වයක තිබිල තියෙන්නේ. ලොකු ජල ගැල්මකදී ජලය බැසයාමේ අපහසුවකුත් තිබිල තියෙනවා.

 

ප‍්‍රශ්නය පාලම ඇතුළෙන් නළ එලන්නේ ඇයි? කලින් තිබුණේ පාලම යටින් නේද?
පිළිතුර ජලය ගලා යනවිට කුණු රොඩු රැඳිලා ක‍්‍රමවත්ව ජලය බැස ගියේ නැහැ. ඒ නිසා පාලම ඇතුළතින් නළ එලීමට තීරණය කළේ ජලය බැසයාම විධිමත්ව සිදුවිය යුතු නිසා.

 

ප‍්‍රශ්නය නළ එලීම මෙතරම් ප‍්‍රමාද වුණේ?
පිළිතුර මේ නළ එලීම බොහොම ව්‍යාකූල එකක්. සරල නැහැ. හේතුව මෙතැන එක දිගට නළ එලීමක් තිබුණේ නැහැ. නළ එලීම වංගු සහගත එකක්. ඒ නිසා බලාපොරොත්තු වුණාට වඩා වැඩි කාලයක් ගතවුණා.

 

ප‍්‍රශ්නය මේ පාලම උස් කළේ දියවන්නා ඔයේ බෝට්ටු රේස් යන්නද?
පිළිතුර මම නම් එහෙම එකක් දැනගෙන හිටියෙ නැහැ. එහෙම එකක් දන්නෙත් නැහැ.

 

ප‍්‍රශ්නය දින තුන හතරක් ජලය නැතිවුණාම මිනිස්සු විශාල අසීරුවකට පත්වෙනවා.
පිළිතුර ඔව්. බලාපොරොත්තු නැති විදියට අලූත්වැඩියා කටයුතු කල් ගියා.

 

ප‍්‍රශ්නය කඩිනමින් අලූත්වැඩියා කරල කල්වේලා ඇතිව ජලය ලබාදීම මණ්ඩලයේ වගකීම.
පිළිතුර අපිත් බලාපොරොත්තු වුණේ එහෙම තමයි. ඒත් ඉතින් අහඹු දේවල් සිදුවෙනවා.

 

23