IMG-LOGO

2025 මැයි මස 07 වන බදාදා


අපරාධකරුවන් රට පැනීම වැළැක්වීමට ක්‍රමවේද නැද්ද?

අම්බලන්ගොඩ නගරය පුරා ආරක්ෂක විධි විධාන තර කර තිබේ. ඒ අතුරු මං මාවත්ද ආවරණය වන පරිදිය. මසකට වඩා වැඩි කාලයක් මුළුල්ලේ  මෙම ආරක්ෂක විධිවිධාන ක්‍රියාත්මක වෙමින් තිබේ. පාතාලයකුට තබා මැස්සෙකුටවත් ඒ දැලෙන් බේරී  පලා යා නොහැකි යැයි සිතුවේ නම් එය ද වැරැදි නොවේ. එහෙත් එම අනුමාන කිරීම් පුස්සක් බවට පත් කරමින් ඉකුත්දා මහ දවාලේ අම්බලන්ගොඩ වෙඩි පුපුරා ගියේය. සිය ගොදුර ඉලක්ක කර වෙඩි පත්තු කළ නාඳුනන තුවක්කුකරුවා පොලිස්  ඇස  මගහැර පලා ගියේය.

ඒ ලංකාවේ ක්‍රියාත්මක පාතාලයන්ගේ සංවිධානාත්මක බවය. ඉකුත් මාස 8ට වෙඩි තැබීම් 71ක්ද මරණ 41ක් ද වාර්තා  වී තිබේ. තුවාලකරුවන්ගේ ගණන 24කි. මෙම සංඛ්‍යා ලේඛන අප පය ගසා සිටින පොළොවේ භයංකාරත්වය කදිමට කියාපාන්නකි.

විවෘත සහ වගකිව යුතු රජයක් සඳහා වන ආංශික අධීක්ෂණ පාර්ලිමේන්තු කාරක සභාවේදී අපරාධ සහ නීති දිශාව බාර නියෝජ්‍ය පොලිස්පති අසංක කරවිට මහතා ප්‍රකාශ කළේ  මිනීමැරුම් ඇතුළු විවිධ අපරාධකර මෙරටින් පලා ගොස් ඇති දරුණු ගණයේ අපරාධකරුවන් 148 දෙනකු අත්අඩංගුවට ගැනීමට ජාත්‍යන්තර පොලිසිය රතු නිවේදන නිකුත් කර ඇති බවය. එමෙන්ම මෙම සැකකරුවන් වෙනත් රටවලට පලායෑම වැළැක්වීම සඳහා ජාත්‍යන්තර පොලීසිය මෙම රතු නිවේදන නිකුත් කර ඇත්තේ ශ්‍රී ලංකා පොලිසියෙන් කළ ඉල්ලීමකට අනුව බවද නියෝජ්‍ය පොලිස්පතිවරයා සඳහන් කර තිබිණි.

රතු නිවේදන නිකුත් කර ඇති සැකකරුවන් කිහිප දෙනකු මෙරටට ගෙන්වාගෙන ඇති බවත් සැකකරුවන් 12 දෙනකු ඉන්දියාවේදී අත්අඩංගුවට ගෙන නඩු පවරා ඇති බවත් වාර්තා වී තිබේ.

කරුණු කාරණා එපරිදි වුවද විවෘත සහ වගකිව යුතු රජයක් සඳහා වන පාර්ලිමේන්තු ආංශික අධීක්ෂණ කාරක සභාවේදී නියෝජ්‍ය පොලිස්පතිවරයා විශේෂ අවධානයට යොමුවිය යුතු කාරණාවක් අනාවරණය කර තිබිණි. මරණ දඬුවම නියම වූ සහ විදේශගතව සිටින සැකකරුවන් මෙරටට ගෙන්වා ගැනීමට බරපතළ බාධාවක් ඇතැයි නියෝජ්‍ය පොලිස්පතිවරයා අනාවරණය කර තිබිණි. එම බාධාව නම් බොහෝ රටවල් මරණ දඬුවම ප්‍රතික්ෂේප කර තිබීමය. මරණ දණ්ඩනයට නියමවූ අපරාධවලට සම්බන්ධ සැකකරුවන් පස් දෙනකු මෙරටට ගෙන්වා ගැනීමට මේ හේතුවෙන් රතු නිවේදන නිකුත් කිරීම ජාත්‍යන්තර පොලීසියෙන් ප්‍රතික්ෂේප කර තිබේ.

මෙරට නීතිය මෙන්ම ජාත්‍යන්තර නීතිය තුලනාත්මකව සලකා බලමින් අපරාධකරුවන් මැඬලීමේ මෙහෙයුම ක්‍රියාත්මක කළ යුතුව තිබේ. සියලු අපරාධකරුවන්ගේ ජීව දත්ත තොරතුරු ජාත්‍යන්තර පොලීසියට  දැනුම් දී තිබුණ ද අප රටට වගකිව නොහැකි තත්ත්වයක් නිසා එම  අපරාධකරුවන් මැඬලීමේ මෙහෙයුම මන්දගාමි වී තිබේ. අපරාධ මැඬලීමේ දී පොලිසිය මන්දගාමී යැයි සුලබ චෝදනාවකි. එහෙත් අපේ පොලිසියට ද පාලනය කළ නොහැකි තත්ත්වයන් තිබෙන බව වටහා ගැනීම මෙහිදී වැදගත්ය.

නියෝජ්‍ය පොලිස්පති අසංක කරවිට මහතා ප්‍රකාශ කර තිබුණේ හෝමාගම ප්‍රදේශයේ ‘හඳයා’ නමැති  සැකකරු එම අපරාධය කර දින දෙකක් ඇතුළත  ඩුබායි රාජ්‍යයට පලාගොස් ඇති බවය. මේ අනුව පැහැදිලි වන්නේ මෙරට  සංවිධානාත්මක අපරාධකරුවන් යම් අපරාධයක් සිදු කරනු ලබන්නේ ආරක්ෂාව වෙනුවෙන් සියල්ල සූදානම් කර ගැනීමෙන් පසුව බවය. අපරාධ කල්ලි තම හැකියාව ඉතා සූක්ෂම ලෙස වර්ධනය කරගෙන ඇති බව ඒ අනුව පැහැදිලිය. මෙරට කිනම් වර්ගයේ අපරාධයක් සිදුකර හෝ වෙනත් රටකට පලාගිය පසු ජාත්‍යන්තර නීති සහ සම්පත් හමුවේ තමන්ට රැකවරණයක් සලසා ගත හැකි යැයි අපරාධකරුවන් කල්පනා කරන සෙයකි.

කවර තත්ත්වයක් තුළ වුවද අපරාධකරුවන්ට රිස්සක් කරගන්නට ඉඩ දී නිහඬව බලා සිටිය නොහැක. මහජනයාගේ ජීවිතාරක්ෂාව වෙනුවෙන් ගත යුතු ක්‍රියාමාර්ග නොවළහා ගත යුතුය.

(***)



අදහස් (4)

අපරාධකරුවන් රට පැනීම වැළැක්වීමට ක්‍රමවේද නැද්ද?

sisil Saturday, 09 September 2023 06:19 PM

සැකකරුවන් 12 දෙනකු ඉන්දියාවේදී අත්අඩංගුවට ගෙන නඩු පවරා ඇති සැකකරුවන් සහ මේ වනවිට වෙනත් රටවල අත්අඩංගුවේ පසුවන පුද්ගලයින් ලංකාවට ගෙන්වා නොගෙන එම රටවලම සිරගත කිරීම පිළිබඳව සහ එම රටවලින් නිදහස් කරන්නා වූ දිනයකදී ලංකාවේ පොලිසියට ඔවුන්ව බාරදීමේ වැඩපිළිවෙලක් සකස් කිරීම පිළිබඳවද සොයාබැලිය යුතුවේ.

:       1       0

de silva Sunday, 10 September 2023 10:33 AM

කරන්න තියෙන්නේ විශේෂ ඒකකයක් ස්ථාපිත කර, එම අපාරාධකරුවන් ඊශ්‍රායලයේ මොසැඩ් එක කරන ආකාරයට එම රටවලදීම ඝාතනය කිරීමය. විදේශගත අපරාධකාරයෝ ජංගම දුරකථන භාවිතා කරමින් ගෝලයින් යොදවා වසරකට සිය ගණනක් මරන්න අණ දෙනවා.

:       0       3

Kumara Dubai Monday, 11 September 2023 09:57 AM

මේවා අතිශයෝක්තියෙන් යුතුව ඩුබායි රටේ කිසිවෙකුටත් සැඟවී සිටීමට නොහැක. රැකවරණය සලසා දෙන අය ආණ්ඩුව තුළම සිටිනවා. ඔවුන් අල්ලාගන්න එක ඩුබායි පොලිසියට සුළු දෙයක්.. ආණ්ඩුව පියවර ගන්නේ නැහැ.

:       0       2

CHANDIMA Monday, 11 September 2023 06:10 PM

අපෝ පුළුවනි... ලංකාවේ වරායවලයි, ගුවන් තොටුපළවලයි ඉන්න ආගමන විගමන නිලධාරීන් අයින් කරලා එතැනට හමුදාවෙන් දැම්මා නම් එකෙකුටවත් යන්න බැහැ. ඔක්කොම හොරු රට පනින්නේ එයාලාගේ උදව්වෙන්.. ගෙදරට ගිහින් ගණුදෙණු කතා කරලා තමයි යන වැඩි දෙනෙක් යන්නේ.

:       2       2

ඔබේ අදහස් එවන්න

 

 
 

විශේෂාංග

නව ව්‍යවස්ථාව කෙසේ වියයුතුද?
2025 මැයි මස 07 96 1

ශ්‍රී ලංකාවේ මෑතකදී තේරී පත් වූ ජනාධිපති අනුර කුමාර දිසානායකගේ දේශපාලන සන්ධානය වන ජාතික ජන බලවේගය, බහුතර සිංහල ප්‍රජාවෙන් මෙන්ම සුළුතර දෙමළ ප්‍රජාවෙ


අනාගත විදුලි බිල කොතැනද?
2025 මැයි මස 07 158 0

පළාත් පාලන මැතිවරණය ඊයේ අවසන් විය. දැන් ඉතිරි වී ඇති තවත් එක් ප්‍රශ්නයක් වන්නේ රජය විදුලිබිල ඉහළ දමනු ඇත්තේ කවදා ද යන්න සහ කොපමණ ප්‍රමාණයකින් ද යන්නයි.


ටින් අංකය හිස් ටින් එකක්ද?
2025 මැයි මස 07 882 0

1917 අංක 24 දරණ දේශීය ආදායම් පනතේ 102 වැනි වගන්තියට අනුව, 2024 ජනවාරි 1 වැනි දින සිට බලපැවැත්වෙන පරිදි, වයස අවුරුදු 18 හෝ ඊට වැඩි හෝ 2024 ජනවාරි 1 වැනි දින හෝ ඊට පසු වයස අව


ප්‍රබන්ධය ඉතිහාසයටත් වඩා සැබෑවක්
2025 මැයි මස 07 80 0

ප්‍රවීණ ගීත රචක ලේඛක මහින්ද චන්ද්‍රසේකර මහතා විසින් රචිත ‘වාපී’ නවකතාව අනුරාධපුරයේදී පසුගියදා එළිදැක්වුනි. ආචාර්ය ඩබ්ලියු.ඒ. අබේසිංහ මහතා එම උළෙලේද


ටයිටැනික් මගියාගේ ලියමන පවුම් තුන්ලක්ෂයකට අලෙවි වෙයි
2025 මැයි මස 07 278 0

ටයිටැනික් නෞකාව ගිලීගොස් වසර 113 ක් ගත වී ඇති නමුත්, තවමත් ඒ ගැන නොයෙක් නොයෙක් කතා කරළියට පැමිණෙයි. ජීවිත 1500 ක් බිලි ගනිමින්, ටයිටැනික් නැව සීතල උතුරු අත්ලා


​කාගේත් තරම උරගාන පුංචි ඡන්දය
2025 මැයි මස 05 374 0

ජාතික ජන බලවේගය / ජනතා විමුක්ති පෙරමුණ රජය සිය පළමු දීපව්‍යාප්ත ජනප්‍රියතා පරීක්ෂණයට මුහුණ දෙන්නේ තම බිම් මට්ටමේ ජනවරම මැන බැලීමේ උත්සාහයක් ලෙසිනි.


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1017 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 249 1
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1293 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site