IMG-LOGO

2024 මැයි මස 27 වන සඳුදා


අධිවේගී මාර්ගයේ ගිය ගමනක්

දක්ෂිණ ලංකා අධිවේගී මාර්ගයෙන් කොට්ටාවේ සිට ගාල්ලට අප ගමන් ඇරැඹුවේ ඉකුත් බ‍්‍රහස්පතින්දා උදේ 11ටය. කොට්ටාවේ සිට ගාල්ලට දුර කිලෝ මීටර් 104.5කි. ඒ දුර යාමට අපට ගතවූ කාලය හරියටම පැයකි. ලංකාදීප කාර්යාලයේ සිට හයිලෙවල් පාර ඔස්සේ කොට්ටාවට දුර කිලෝ මීටර් 21කි. ඒ දුර යාමට අපට ගතවූ කාලය විනාඩි 45කි. එයද වෙට්ටු දමමින් ඉදිරියට ගිය අපේ රියැදුරු සිරිල් ගේ දක්ෂතාවයටය. අපේ කාර්යාලයේ සිට කොට්ටාව අධිවේගී පිවිසුම දක්වා ඇති විදුලි සංඥා පුවරු ගණන 12කි. එක විදුලි සංඥා පුවරුවක් ළඟ විනාඩි එකක්  නතරවී සිටියත් එතැනට ගතවන කාලය විනාඩි 12කි. මහ මඟ ඇඳ තිබෙන කහ ඉරි ගණන ගණන් කිරීම ආරම්භ කළද එය කළ නොහැකි විය. කෙසේ වුවද ඒ හැම තැනකම වාහනය නතර කිරීමට සිදුවූ බව නම් මතකය. ලංකාවේ හැම පාරක්ම අධිවේගී මාර්ග බවට පත්කළ හැකිනම් කෙතරම් හොඳ දැයි දැනුණේ කොට්ටාවෙන් ගමන් අරඹා අධිවේගී මාර්ගය ඔස්සේ මද දුරක් ගමන් කරන විටදීමය. සතියේ වැඩ කරන දිනයක් නිසාදෝ අධිවේගී මාර්ගය පාළුවෙන් පිරී තිබිණි. ඉඳහිට යනෙන වාහනයකින් මිස ඒ පාළුව බිඳී නොයයි. මේ රට යනු බොහෝ සුන්දර රටක් බව කියති. කන්ද උඩරට සංචාරයකදී විනා ඒ සුන්දරත්වය හොඳින්ම දැක ගැනීමට වෙනත් අවස්ථාවක් නැත. එහෙත් දක්ෂිණ අධිවේගී මාර්ගය යනු ඒ රටට උරුම සුන්දරත්වය හැබැහින්ම ප‍්‍රති නිර්මාණය කළ මාර්ගයකි. මේ රට කෙතරම් සුන්දර රටක් දැයි වටහා ගැනීමට අධිවේගී මාර්ගයේ ගමන් කිරීමෙන් වුවද වටහාගත හැකිය. ඈතින් දිස්වන මනරම් කඳු යායක්ද සශ්‍රීක කුඹුරු යායන්ද පලාවන් ගහ කොළද රටේ සුන්දරත්වයත් සශ්‍රීකත්වයත් සිතුවමට නගමින් තිබේ. රියැදුරු පමණක් එදෙස නොබලා ඉදිරිය බලා ගමන් කළ යුතුය. මන්දයත් වේගය පැයට කිලෝ මීටර සියයට අඩුවෙන් යෑම දඩ කෑමට ලක්වන වරදක් වන හෙයිනි. පොලිස් යතුරු පැදි මෙන්ම පොලිස් ගුවන් විදුලි කාර් රථද තැන තැන රඳවා තිබේ. ඒ හදිසියකට කි‍්‍රයාත්මක වීමටය. ”රිය අනතුරු වෙන්න හේතුවක් නෑ. දැනට වාර්තා වෙලා තියෙන අනතුරු කිහිපය වුණත් අවශ්‍ය වේගයට වඩා වැඩි වේගයකින් ගමන් කිරීම නිසා සිද්ධ වෙච්ච දේවල්” පින්නදුව පොලිසියේදී හමුවූ නිලධාරියෙක් කීවේය. ඒ කතාව නම් සැබෑවක් බව අපි තේරුම් ගත්තෙමු. දක්ෂිණ අධිවේගී මාර්ගයේ අප ගිය ඉකුත් බ‍්‍රහස්පතින්දාද අනතුරක් සිදුවී තිබේ. ඒ අධික වේගයෙන් පැමිණි වාහනයක ටයරය පුපුරා යාමෙනි. රියදුරාට රථය පාලනය කරගත නොහැකිව යකඩ වැටෙහි රථය හැපී තිබේ. ”වමෙන් නොපැදවීම, වැරැදි ලෙස ඉස්සර කිරීම, බීමත්ම රිය පැදවීම ආදී පොදු වැරැුදිවලට සාමාන්‍ය රථ වාහන නීතිය යටතේ දඬුවම් කරනවා. අවශ්‍ය වේගයෙන් ගමන් නොකිරීම, අවට සිරි නරඹමින් සිටීම ආදී අධිවේගී මාර්ගයට අයත් වැරැදිවලට වෙනම දඩ ගැසීම් කෙරෙනවා.” පින්නදුව පිවිසුම් මාර්ග බාධකයේදී හමුවූ පොලිස් නිලධාරියෙක් කීවේය. කොට්ටාවේ සිට ගාල්ල දක්වා වූ අධිවේගී මාර්ගය තුළදී බල්ලන්ගේ මළකුණු පහක්  පමණ දැකගත හැකි විය. එක් තැනෙක බල්ලන් හත් අට දෙනෙකුගේ රංචුවක්ද දැකගත හැකිවිය. ඒ සම්බන්ධයෙන් අපි පොලිස් නිලධාරියෙක් විමසීමු. ”මෙහෙමයි ... ආරක්ෂක වැටක් දාලා තියෙන්නේ. ඒ නිසා බල්ලන්ට එන්න වෙන්නේ නෑ. නමුත් වතුර බැහැලා යන්න දාලා තියෙන කානුවලින් එන්න පුළුවන්. ඒ සම්බන්ධයෙන් අපි ගම්මුන් දැනුම්වත් කරනවා. මේ එයට ලැබුණු පිළිතුරය.කොට්ටාවේ සිට පින්නදුව දක්වා පිවිසුම් මධ්‍යස්ථාන 8 කි. ඒ  ඕනෑම තැනකින් පිවිසෙන වාහනයකට අධිවේගී මාර්ගයකදී පිළිපැදිය යුතු කරුණු කාරණා සඳහන් පති‍්‍රකාවක් පොලිසියෙන් ලැබේ. ඒ නීති රීති නිවැරැදිව අනුගමනය කරන්නේ නම් අනතුරකින් තොරව ගමන නිමා කිරීමේ හැකියාව ලැබේ. හරියටම පැයකින් අපි පින්නදුවේ සිට කොට්ටාවට පැමිණියෙමු. එතැන් සිට කොළඹ පුරහල අසල පිහිටි අපගේ කාර්යාලයට ඒමට ගත වූ කාලය පැය එක හමාරකි. විජේරාම මංසන්ධියේ පමණක් නාස්ති කළ කාලය පැය භාගයකටත් වැඩිය. කිසිදු පොලිස් නිලධාරියෙක් නැත. අවසානයේදී සාමාන්‍ය මිනිසුන් කිහිප දෙනෙකු රථ වාහන හැසිරවීමේ යෙදෙනු දක්නට ලැබිණි. හැම මාර්ගයක්ම අධිවේගී මාර්ගයක් විය යුත්තේ පිඹගෙන යෑමට පමණක් නොව නිස්කාරණේ මහපාරේ රස්තියාදු වීමෙන් වැළකීමටය.

සටහන - ප‍්‍රසන්න සංජීව තෙන්නකෝන් , සේයාරූ  - ඇලෙක්සැන්ඩර් බාලසූරිය
පින්නදුව පිවිසුමේදී පොලිස් සෝදිසි කිරීම්...  



අදහස් (0)

අධිවේගී මාර්ගයේ ගිය ගමනක්

trishandr Monday, 05 December 2011 01:33 PM

හොද පැහැදිලි කිරීමක්. ඒ වගේම මේ ගැන අවතක්සේරුවෙන් හිතන හැම කෙනෙකුටම මේක හොද පණිවුඩයක්. ජයවේවා

:       0       0

කුෂ්ලාන් Monday, 05 December 2011 03:51 PM

හදිසි නැවතුම් පථයේ පරතරය මදියි. බර වාහනයක් නවත්වන්න බෑනේ?????

:       0       0

සමන්තා (from Kuwait) Monday, 05 December 2011 06:56 PM

මම ඉන්නෙ කුවේට් වල. මෙහෙ පාරවල් වල යනකොට හිතෙනවා අපේ ලංකාවෙත් පාරවල් මේ වගේ තියෙනවනම් කියලා. අපේ ජනාධිපති තුමා ඇතුලු රජය එය හැබෑ කරලා. පින්තූරු දැක්කාම ඇත්තටම ආසයි.

:       0       0

චම්පි Monday, 05 December 2011 10:33 PM

ලංකාවෙ දියුණුව දකිනකොට වාවගන්න බැරි කට්ටියකුත් ඉන්නවා.

:       0       0

ජැක් Friday, 16 December 2011 11:44 AM

ශ්‍රී ලංකාවට ජය වේවා

:       0       0

සුරංග Tuesday, 06 December 2011 01:16 PM

ශා ආසාවේ බෑ. ලංකාවට ඇවිත් වාහනයක් පැදන් යන්න හිතෙනවා. මම ඉන්නේ කුවේට්වල

:       0       0

සමන් (dubai) Thursday, 15 December 2011 05:41 PM

මම දැනට වැඩ කරන්නේ ඩුබායි වල. මම මෙහෙ අවුරුදු ගානක් වාහන පදිනවා. මම දක්ෂිණ අධිවේගී මාර්ගය දැක්කම මට හිතා ගන්න බැරි යුනා මේ අපේ රටේ තියෙන පාරක්ද කියලා. ඒක හරියට යුරෝපේ රටක තියෙන පාරක් වගේ. මට හරි ආඩම්බරයක් දැනෙනවා මගේ රට ගැන

:       0       0

පුණ්‍යා Thursday, 15 December 2011 05:48 PM

මගේ රට ගැන ආඩම්බරයි. මට හිතාගන්න බෑ ඇයි ලංකාවේ රජය ලංකාවේ මාර්ග නීති තදින් ක්‍රියාත්මක නොකරන්නේ කියලා

:       0       0

ධනේෂ් Thursday, 15 December 2011 05:54 PM

හදිසි නැවතුම් තීරුවේ නම් පෙනුමට පළල මදි වගේ. ඒක පළල මදිනම් ඒක ලොකුම ලොකු අඩු පාඩුවක්

:       0       0

ඔබේ අදහස් එවන්න

විශේෂාංග

නව පනත් අර්බුදයට විසඳුමක්ද?
2024 මැයි මස 27 97 0

​2022 වර්ෂයේ රට මුහුණ දුන් ආර්ථික අර්බුදයේ මූල හේතු ගණනාවකි. ඉන් ප්‍රධාන තැනක් හිමි වන්නේ, දශක ගණනාවක් තිස්සේ පවත්ව‍ාගෙන යනු ලබන ඉහළ අයවැය සහ ගෙවුම් ශේෂ හ


විගණන වාර්තා නියෝග වතුරේ යැවීමේ ප්‍රතිවිපාක
2024 මැයි මස 27 49 0

රාජ්‍ය ආයතනවල දූෂණ, වංචා සහ අක්‍රමිකතා වැළැක්වීමට රජයේ විගණකාධිපති දෙපාර්තමේන්තුව දුන් නිර්දේශ ලක්ෂයකට ආසන්න සංඛ්‍යාවක් සම්බන්ධයෙන් අවශ්‍ය ක්‍රිය


දිඹුලාගල සිංහයා - කිතලගම නාහිමි
2024 මැයි මස 25 712 3

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


ජනපතිවරණයට උතුරු - දකුණ ඡන්ද සාධක
2024 මැයි මස 25 510 0

ලක්ෂ ගණනක් ජනතාව 2012 දී වීදි බැස ආණ්ඩුවට එරෙහිව මාස හතරක් පුරා අරගල කරන්නට පොළඹවමින් උත්සන්න වූ ආර්ථික අර්බුදය හේතුවෙන් රටපුරා අති බහුතරයකගේ සාම්ප්‍රද


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 145 1

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


චිත්‍රපට අරමුදලක් වහාම ඕනෑ
2024 මැයි මස 24 688 0

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 965 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2525 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2162 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site