වඳවී යාමේ දැඩි අවදානමකට ලක්වූ ඉබ්බන් විශේෂ තුනක් වැව් අමුණුවල බෝ කිරීමට බලාපොරොත්තු වනබව වනජීවී අධ්යක්ෂ ජනරාල් එච්.ඞී.රත්නායක මහතා කියයි. ගල් ඉබ්බා ,කිරි ඉබ්බා හාතාරකා ඉබ්බා වඳවීමේ තර්ජනයට මුහුණපා සිටින බව පරිසර සංරක්ෂණ භාරය පෙන්වා දෙයි. 2007 ස්වභාව ධර්මය සු?කීමේ අන්තර්ජාතික සංගමයේ රතු දත්ත වාර්තාවට අනුව ලංකාවේ වෙසෙන ඉබ්බන් අතරින් තරු ඉබ්බා හා කිරි ඉබ්බා වඳවීයාමේ අවදානමට මුහුණ පා ඇති සතුන් ලෙස ද ගල් ඉබ්බා ආසන්න තර්ජිත විශේෂයක් ලෙස ද දක්වා ඇති අතර 1970 දශකයේ අග භාගයේ සිට 80 දශකයේ මැද භාගය දක්වා කාලයේ ගල් ඉබ්බා හා කිරි ඉබ්බා මෙරට තුළ සුලභව වාර්ථාවී ඇත. මොවුන් ඇළ දොල හා වැව්වල පමණක් නොව විශාල ගල් වළවල් හි ද ජීවත්ව ඇත. එහෙත් අද වනවිට මස් පිණිස මරා දැමීම නිසා මෙම සතුන් දුර්ලභ විශේෂ බවට පත්ව ඇති බව පරිසර සංරක්ෂණ භාරය පවසයි. පරිසර සංරක්ෂණ භාරය පෙන්වා දෙන ආකාරයට ඉබ්බන් වඳවී යාමට ප්රධාන කාරණා කිහිපයක් බලපා තිබේ. එහි අධ්යක්ෂ සජීව චාමීකර මහතා පවසන්නේ මෙම ඉබ්බන් විශේෂ මස් වැද්දන්ගේ ගොදුරු බවට පත්වීම ඒ අතරින් ප්රධාන බවයි. එසේම තරු ඉබ්බා හා ගල් ඉබ්බා වර්තමානයේ ගෘහාශ්රිතව ඇති කිරීම සඳහා අල්ලාගෙන යාම ද ඔවුන්ගේ බෝවීමට තර්ජනයක් බව චාමීකර මහතා පවසයි. සීඝ්ර නාගරීකරණයේ හා කාර්මිකරණයේ ප්රතිඵලයක් ලෙස සිදුවන ජලදූෂණයෙන් ජලජ ජීවීන්ගේ විවිධත්වය අඩුවීමෙන් ආහාර ප්රභවයන් සීමා වීමෙන් ද ගල් ඉබ්බන් හා කිරි ඉබ්බන් ගහනය සීඝ්රයෙන් අඩුවෙන බවයි. එසේම මාර්ග අනතුරු නිසා ගල් ඉබ්බන් හා තරු ඉබ්බන් මිය යාම ද මෙම තත්ත්වයට තවත් හේතුවක් බව ද මෙම සතුන්ගේ වාස භූමි දෙකඩවන අයුරින් මාර්ග ඉදිකිරීම මීට ප්රධාන හේතුව වී ඇති බව චාමීකර මහතා පෙන්වා දෙයි. වාසස්ථාන විනාශවීම හා වෙන්වීම, තෙත්බිම් ගොඩ කිරීම, වනාන්තර හෙළි කිරීම යනාදී තවත් කාරණා රැුසක් ද මෙම සතුන් වඳවීයාම වේගවත්වීමට හේතුවී ඇතැයි ද පරිසර සංරක්ෂණ භාරයේ අධ්යක්ෂ සජීව චාමීකර මහතා පවසයි. වනජීවී අධ්යක්ෂ ජනරාල් රත්නායක මහතා මෙසේද කීය. මස් පිණිස ඉබ්බන් මැරීමත් තවත් කාරණයක්. එවැනි අයට එරෙහිව අපි නීතිය දැඩිව ක්රියාත්මක කරනවා. අපි දැනටමත් එක්රැුස් කරමින් සිටිනවා. ඒ තොරතුරු ලබා ගෙන මෙවැනි සතුන් සංරක්ෂණයට කටයුතු කරන වෙනත් සංවිධානවලත් සහයෝගය ඇතිව ඉදිරියේදී සැළසුම්ගත වැඩපිළිවෙළක් ආරම්භ කරනවා.අපේ රටේ වාරි පද්ධතිය උසස් මට්ටමක පවතින නිසා ඒ ආශ්රිත වැව් අමුණු යොදාගෙන මෙම සතුන් බෝ කිරීමටත් බලාපොරොත්තු වෙනවා. උරගයින් සම්බන්ධව පැවැත්වෙන ලෝක සමුළුවත් ලබන වසරේදී අපේ රටේදී පැවැත්වීටත් නියමිතයි. තිබෙනවා. එම සමුළුවේදිත් මේ ගැන අවධානය යොමුකරන්න බලාපොරොත්තු වෙනවා. ඒ අතරතුර නිතිවිරෝධි අයුරින් ඉබ්බන් අල්ලන පුද්ගයන් හා එම සතුන්ට හානි පමුණුවන්නන් අත්අඩංගුවට ගැනීම සදහා කරන වැටලීම් වැඩිකරන්වා. මේසඳහා මහජන සහයෝගය අත්යවශ්ය වෙනවා. 2009 අංක 22 දරන පනතින් අවසන්වරට සංශෝධිත වන සත්ව හා වෘක්ෂලතා ආරක්ෂණ ආඥා පනත යටතේ දැඩි ආරක්ෂිත සතුන් ලෙස මෙම ඉබ්බන් විශේෂ තුනට ආරක්ෂාව සලසා තිබේ. එම පනතේ 30(1) වගන්තිවලට අනුව මෙම සතුන් මැරීම, තුවාල කිරීම, හෝ හානි කිරීම, අල්ලා ගැනීම, බිත්තර විනාශ කිරීම, මරණ ලද හෝ අල්ලා ගන්නා ලද සතකු ළග තබා ගැනීම, සහ සතකු හෝ කොටසක් ළග තබා ගැනීම හෝ විකිණීම හෝ ඒ සදහා ප්රදර්ශනය කිරීම දඬුවම් ලැබිය හැකි වරදකි. පනතේ 30(2) වගන්තියට අනුව එසේ වරදකරුවකු වන අයෙකුට රුපියල් තිස් දහසේ සිට ලක්ෂය දක්වා දඩයක් හෝ වසර 2 සිට 5 දක්වා සිරදඬුවම් හෝ මේ දෙකම හෝ ලබා දිය හැකිය. මසට ඉබ්බන් මැරීම, නිවාස වල ඇති කිරීමට ඉබ්බන් අල්ලීම හෝ එම සතුන්ට හානි වන ආකාරයෙන් කටයුතු කරන අය වෙතොත් ඒ ගැන දවසේ පැය 24 පුරාම ක්රියාත්මක වනජීවී සංරක්ෂණ දෙපාර්තමේන්තුවේ හදිසි ඇමතුම් අංක 011-2888585 ට වහාම දැනුම් දෙන ලෙස වනජීවී අධ්යක්ෂ ජනරාල් එච්.ඞී.රත්නායක මහතා මහජනතාවගෙන් ඉල්ලීමක් ද කළේය.
උමා ඔය ව්යාපෘතිය විවෘත කිරීමට නියමිත ව තිබුණේ 2015 දී ය. එහෙත් එය සැබැවින්ම විවෘත කළේ පෙරේදා ය. එනම් විවෘත කිරීමට නියමිත වසරට වඩා වසර 9කට පසු ය. කෙනෙක් ලංකාව
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
එළැඹෙන ජනාධිපතිවරණය සඳහා උතුරු-නැගෙනහිර දෙමළ ජනතාව වෙනුවෙන් හින්දු ආගමික ජනාධිපති අපේක්ෂකයකු ඉදිරිපත් කළ යුතු යැයි උතුරේ හින්දු මූලධර්මවාදී කල්ලිය
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
මේ සතියේ සඳුදා (22) එක්තරා පුවත්පතක පළවූ ලිපියක මාතෘකාව වී තිබුණේ “ලංකාවේ පවුල්වලින් සියයට 60 ක ආදායම පහළට - දරිද්රතාව සියයට 11 සිට සියයට 26 දක්වා නැගලා” යනු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉබ්බන් බෝ කරයි
රොහාන් Sunday, 02 December 2012 09:40 AM
ඉන්ජක්ෂන් කටු කඩන්න හදන්නේ (දී)
සිරසිංහ Sunday, 09 December 2012 03:34 PM
පින් සිද්ද වෙනවා ඇත්තමයි (දී)
රන්සි Thursday, 29 November 2012 10:52 AM
ඉබ්බා ලොව ප්රසිද්ද සේවා ආයතනයකි.(ස)
සම්පත් Wednesday, 28 November 2012 07:17 AM
ජොලි ඉබ්බෝ (ස)
කුරුවිට Wednesday, 28 November 2012 09:26 PM
කෝට්ටේ ජයවර්ධනපුර මම දැක්කා ඉබ්බෝ ටිකක් ඉන්නවා (අ)
දුමින්ද Wednesday, 28 November 2012 08:20 AM
ඉතින් හොඳ වැඩක් නේ (ස)
සුරංග Wednesday, 28 November 2012 10:15 PM
ඇයි ඔය ඕනෑතරම් ඉන්නේ ප්රයිවට් බස් එළවන ඉබ්බෝ. (නි)
අංජනා කැලුම්ප්රිය Thursday, 13 December 2012 02:32 PM
ඒක ගොඩක් හොද වැඩක්.. අපි අපේ සොබාදහම රැක ගත යුතුයි..!(නු)
පියල් Wednesday, 28 November 2012 03:56 PM
අපි රජ ඉබ්බෝ (ස)