මහනුවර ශ්රී දළදා මාළිගය ආසන්නයේ නුවර වැව රවුමේ පදිකවේදිකාව මතට වී වයලින් වාදනය කරමින් ගී කියමින් යාචක වෘත්තියේ නිරතව සිටියේ චීන ජාතිකයින් දෙදෙනෙකි.
චීන ජාතිකයන් දෙදෙනා ගීත ගායනා කළේ කුඩා ශබ්දවාහිනී යන්ත්රයක් භාවිතා කරවමිනි. කවුරුන් හෝ කෙනෙකුට මෙය එතරම් රිස්සුවේ නැත. මෙය ජනතාවට පීඩා ගෙන දෙන ඝෝෂාකාරි හඬක් බව කියමින් ඔහු ඒ බව දුරකතනයෙන් කතාකර කියා ඇත්තේ මහනුවර මූලස්ථාන පොලිසියටය.
මහනුවර මූලස්ථාන පොලිස් ස්ථානාධිපති ප්රධාන පොලිස් පරීක්ෂක නිපුන දෙහිගම මහතා වහා එහි ගියේ මහනුවර සංචාරක කොට්ඨාසයේ ස්ථානාධිපති පොලිස් පරීක්ෂක රංගජීව මහතා ඇතුළු පොලිස් කණ්ඩායමක්ද කැටිවය.
පනහකට හැටකට ආසන්න පිරිසක් ඒ වනවිටත් එතැනට රොක් වී චීන්නු දෙන්නාගේ සින්දු අසමින් සිටින අයුරු පොලිස් නිලධාරීන්ට දැකගැනීමට ලැබී ඇත.
චීන ජාතිකයින් දෙන්නා සින්දු කියමින් නිකම් හිටියේ නැත. ඔවුන් රැස්ව සිටි පිරිසට අතපාමින් මුදල් ඉල්ලා සිටියහ.
පොලිස් නිලධාරීන් චීන ජාතිකයන් දෙදෙනා අත්අඩංගුවට ගත්තේ සංචාරක වීසාවලින් මෙරට පැමිණ යාචක වෘත්තියේ නියැලීමේ චෝදනාව යටතේය.
රුපියල් 6000ක පමණ මුදලක්ද චීන ජාතිකයින් දෙදෙනා ළඟ තිබී පොලිස් බාරයට ගත්තේය. මේ මුදල චීන ජාතිකයින් දෙන්නා උපයාගෙන ඇත්තේ සින්දු කියා අනුන්ට අතපා පැයක් වැනි කාලයක් ඇතුළතය.
ලංකාවේ ඉන්නේ දනට පිනට ලැදි අනුන්ගේ දුකේදී හිත උණුවෙන මිනිස්සු බව දැනගෙන හිටියා. ඒ වගේම ලංකාව සුන්දර රටක් කියන එකත් අපි දැනගත්තා. ඒ නිසා තමා අපි ලංකාවට ඇවිත් හිඟා කාලා සල්ලිත් කීයක්හරි හොයාගෙන රටේ සුන්දරත්වයක් බලාගෙන යන්න එන්න තීරණය කළේ. අපේ සින්දුවලට සංගීතයට ලංකාවේ මිනිස්නුන්ගෙන් හොඳ ප්රතිචාරයක් ලැබුණා. මිනිස්සු අපේ සින්දු අහලා හොඳට සල්ලි දුන්නා. අපි ඒ ලැබුණු සල්ලිවලට හොඳට කාලා බීලා ජොලි කළා. නවාතැන් පොළට වියදම් කළෙත් හිඟා කාලා හොයාගත්ත සල්ලියි. ආයෙත් අපි ලංකාවට එන්නයි හිටියේ. හිඟා කාලා හොඳට හම්බ කරන්න පුළුවන් රටක්.
ඒ චීන ජාතිකයින් දෙදෙනා පොලිසියට කී කතාවය.
මොවුන් දෙන්නා මහනුවර නගරයේ ලැගුම්හලක නවාතැන් ගෙන සිටිමින් යාචක වෘත්තියේ නිරතව සිට ඇත.
මහනුවර කොට්ඨාශය බාර ජ්යෙෂ්ඨ පොලිස් අධිකාරි එඞ්මන් මහේන්ද්ර මහතාගේ විශේෂ උපදෙස් මත මේ සම්බන්ධව පරීක්ෂණ පවත්වා ඇත.
චීවර ඇඳගෙන ව්යාපාරික ස්ථාන සහ නිවෙස් ගානේ යමින් අනුන්ට අතපාමින් සම්මාදම් මුදල් ඉල්ලීමේ නිරතව සිටි බව කියන චීන ජාතිකයින් හය දෙනෙක් පසුගිය වසරේ අග භාගයේ ද මේ වසරේ ද අත්අඩංගුවට ගනු ලැබ ඇත්තේ ආගමන විගමන දෙපාර්තමේන්තුවේ ආගමන විගමන නිරීක්ෂණ, බුද්ධි සහ විමර්ශන අංශයේ නිලධාරීන් විසිනි.
ශ්රමණ වෙස්ගෙන උදේ සිට ව්යාපාරික ස්ථානවලට සහ නිවාසවලට ගොස් හවස් වනවිට සැලකිය යුතුමුදලක් මේ හය දෙනා සොයා ගන්නා බව ආගමන විගමන නිලධාරීන් විසින් සිදුකළ විමර්ශනවලින් අනාවරණය වී ඇත. පිං තකා අපේ උපාසක උපාසිකාවන් ලබාදෙන මුදල් එකතු කරගන්නා මොවුන් හවස නතර වන්නේ රාත්රි සමාජශාලාවලය. රාත්රී සමාජ ශාලාවලට යන මේ චීන ජාතිකයින් පිරිස් විනෝදවෙමින් කැසිනෝ සූදුවටද ඒ මුදල් වැයකර තිබුණ බව පැවසුවේ එම දෙපාර්තමේන්තුවේ ජ්යෙෂ්ඨ නිලධාරියෙකි.
කොහුවල, බොරලැස්ගමුව, මරදාන සහ මාළබේ යන ප්රදේශවලදී මෙම චීන ජාතිකයින් හය දෙනා අත්අඩංගුවට ගෙන ඇත්තේ එම කටයුත්තේ නිරතව සිටින අතරවාරයේය.
ශ්රමණ වෙස් ගෙන සිටි මොවුන් හය දෙනා ද අසාදු ලේඛන ගතකර මෙරටින් පිටුවහල් කර ඇත්තේ සංචාරක වීසාවලින් මෙරට පැමිණ මුදල් ඉපැයීමේ චෝදනාව යටතේය.
සංචාරක වීසාවලින් පැමිණ යාචක වෘත්තියේ නිරතව සිටි චීන ජාතිකයින් හතර දෙනෙක් සහ චීන ජාතික හිඟන යාචක මුදලාලි නෝනා කෙනෙක්ද කොළඹ මධ්යම කොට්ඨාස දූෂණ මර්දන අංශයේ පොලිස් කණ්ඩායමක් විසින් අත්අඩංගුවට ගෙන තිබුණේ පසුගිය වසරේ ජුලි මාසයේය.
මේ චීන ජාතිකයින් හතර දෙනා සහ කාන්තාවද අසාදු ලේඛනගතකර රටින් පිටුවහල් කරනු ලැබුහ.
වයලීනයක් වයා ගීත ගායනා කරමින් යාචක වෘත්තියේ නිරතව සිටි බව කියන රූමතියක් පොලිසියට කොටුවූයේ බදුල්ල ඇල්ල නගරයේදීය.
ඇය එංගලන්ත ජාතික තරුණියක වුවාය. ඇල්ල පොලිස් ස්ථානාධිපති ප්රධාන පොලිස් පරීක්ෂක එල්. ඩී. කරුණාරත්න මහතා සමග ඇය පවසා තිබුණේ තමාගේ පියා එංගලන්තයේ නිතිඥවරයෙක් යැයි කියාය. අපේ රට කාලයක් එංගලන්තයේ යටත් විජිතයක්ව පැවැතිණි. එහෙම රටක සිට අපේ රටට පැමිණි එංගලන්ත ජාතික තරුණියක් සිඟමනේ යෙදීම දෛවෝපගත සිදුවීමක් නොවේද?
උමා ඔය ව්යාපෘතිය විවෘත කිරීමට නියමිත ව තිබුණේ 2015 දී ය. එහෙත් එය සැබැවින්ම විවෘත කළේ පෙරේදා ය. එනම් විවෘත කිරීමට නියමිත වසරට වඩා වසර 9කට පසු ය. කෙනෙක් ලංකාව
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
එළැඹෙන ජනාධිපතිවරණය සඳහා උතුරු-නැගෙනහිර දෙමළ ජනතාව වෙනුවෙන් හින්දු ආගමික ජනාධිපති අපේක්ෂකයකු ඉදිරිපත් කළ යුතු යැයි උතුරේ හින්දු මූලධර්මවාදී කල්ලිය
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
මේ සතියේ සඳුදා (22) එක්තරා පුවත්පතක පළවූ ලිපියක මාතෘකාව වී තිබුණේ “ලංකාවේ පවුල්වලින් සියයට 60 ක ආදායම පහළට - දරිද්රතාව සියයට 11 සිට සියයට 26 දක්වා නැගලා” යනු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාරේ හිඟා කෑ චීන හිඟන්නු 13ක් අල්ලයි
ගුණවර්ධන Sunday, 16 October 2016 05:12 PM
සාගර, මෝඩකමද මෙතන අයහපත් වන්නේ ලෝබකමද? යමක් හරියට කරකියා ගන්නට බැරි දුගී අසරණයන් කොපමණ ඉන්නවද අපේ රටේ? (නි)
ෂෙරිෆ් Monday, 10 October 2016 08:13 PM
අපි ශ්රී ලාංකිකයෝ හැටියට ආඩම්බර විය යුතුයි, කුමන හෝ රටකින් කුමන ආකාරයකින් පැමිණ හිඟාකෑවත් අපේ අය හොඳට සළකනවා (නි)
සාගර Friday, 14 October 2016 06:23 AM
හිඟන්නන්ට සල්ලිදෙන එක තරම් මෝඩ කමක් තවත් නැහැ.(ම)