අල්ලස්, දූෂණ සහ අයථා ඉපැයීම් සම්බන්ධයෙන් ගෙවී ගිය මාස දෙකේදී පැමිණිලි 810 ක් ලැබී ඇතැයි අල්ලස් හෝ දූෂණ කොමිෂන් සභාව පවසන බව අප පුවත්පත ඉකුත්දා වාර්තා කළේය. වැඩිම පැමිණිලි ලැබී ඇත්තේ දූෂණ චෝදනා සම්බන්ධයෙන් බවත් එය 167 ක් බවත් ප්රවෘත්තියේ දැක්වේ. මීට අමතරව අල්ලස් සම්බන්ධයෙන් පැමිණිලි 53 ක්ද අයථා ඉපැයීම් සම්බන්ධ පැමිණිලි 25 ක්ද ලැබී ඇති බව අල්ලස් හෝ දූෂණ කොමිෂන් සභාව පවසන බවද අප ප්රවෘත්තියෙහි වැඩි දුරටත් සඳහන්ය. මෙම මාස දෙකක කාලය තුළ කරන ලද වැටලීම්වලින් රාජ්ය සේවකයන් 12 දෙනකු අත්අඩංගුවට ගෙන ඇති බවත් ඉන් හය දෙනකුම පොලිස් නිලධාරීන් බවත් අප ප්රවෘත්තියෙහි සඳහන්ය.
මාස දෙකක් යනු දින 60 කි, එතරම් අඩු දින ගණනකදී අල්ලස්, දූෂණ සහ අයථා ඉපැයීම් සම්බන්ධ පැමිණිලි 810 ක් වාර්තා වීම යනු සරලව ගත යුතු කාරණාවක් නොවේ. සැබැවින්ම රට ගමන් කරන දිශාව සම්බන්ධයෙන් ඉඟියක් මෙම සංඛ්යා ලේඛනවලින් පැහැදිලිවම ලැබේ. අල්ලස, දූෂණය හා අයථා ඉපැයීම් ජාතික දේහයේ ඉවත් කළ නොහැකි අංගෝපාංග බවට පත්ව ඇති සෙයකි.
ආදායමේ තරමට වියදම යන්න සරල අල්පේච්ඡ ජීවිතයක පදනම වේ. සමාජයේ වැඩි දෙනෙක් අසීමිත ආශාවන් සපුරා ගැනීමට පෙළැඹී සිටිති. එහෙත් ඒ සඳහා තිබෙන්නේ සීමිත සම්පත් ප්රමාණයකි. අමතර ආදායම් මාර්ගවලට පෙළැඹීමට සිදුවන්නේ එහි ප්රතිඵලයක් ලෙසය. අමතර ආදායම් මාර්ගය ඉතා පහසු ආදායම් මාර්ගයක් කරගනු පිණිස ඔවුහු අල්ලස් ගනිති. හොරකම් කරති. වංචා දූෂණවලට යොමුවෙති. මෙය මහා ප්රවාහයක්ව ගලායනවිට සමාජයට එය තදින් බරින් දැනෙන්නට පටන් ගනී. අද අප සමාජයට අත්වී ඇති ඉරණම එහි තාර්කික ප්රතිඵලය විනා අන් යමක් නොවේ.
දූෂණ, අල්ලස් ගැනීම් හා අයථා ඉපැයීම් සම්බන්ධ චෝදනා එල්ලවන්නේ සාමාන්ය මිනිසුන්ට, රජයේ සේවකයන්ට පමණක් නොවේ, ඇතැම් මැති ඇමැතිවරුන්ට, ඉහළ රාජ්ය නිලධාරින්ට පවා මෙම චෝදනා එල්ලවේ.
දරුවා පාසලට ඇතුළත් කර ගැනීම සඳහා එම දරුවාගේ මවගෙන් ලිංගික අල්ලස් ඉල්ලන විදුහල්පතිවරුන් ගැනද වාර්තාවේ. අධිකරණයට අඩුවෙන් කරණු වාර්තා කිරීම සඳහා විත්තිකාරියකගෙන් ලිංගික අල්ලස් ඉල්ලා රැකියාව අහිමි කරගත් පොලිස් නිලධාරියකුට සම්බන්ධ පුවත මෙයට දෙතුන් මසකට ඉහතතදී වාර්තා වූවකි.
අල්ලස, දූෂණය, හොරකම මුලිනුපුටා දැමිය යුතුය. ඒ සඳහා මුළු මහත් සමාජ පරිසරයම දියුණු පිරිපහදුවකට ලක් කළ යුතුය. හොරකම, අල්ලස, දූෂණය මිනිස්කමට නිගාදෙන අතිශයින්ම ලජ්ජා සහගත නිහීන ක්රියාවක් බව පාසලේ පළමු වසරේ සිටම දරුවාට කියා දිය යුතුය. එය ක්රියාවෙන් ආදර්ශයෙන් දරුවාට පෙන්වා දිය යුතුය.
වෙනදාට වඩා සොරකම්, මංකොල්ල කෑම් රටේ වැඩිවී ඇති බව පෙනෙන කාරණයකි. පවතින ආර්ථික අර්බුදය එයට ප්රධාන හේතුවක් බව පිළිගත යුතු සත්යයකි. යම් රටක දැවැන්ත ආර්ථික අර්බුදයක් තිබේනම් මිනිසා කෙටි කාලීන විසඳුම් සොයන බව වටහා ගැනීම වැදගත්ය. එහෙයින් හොරුන් දූෂිතයන් මංකොල්ලකරුවන් වැඩි වැඩියෙන් නිර්මාණය කරන ආර්ථික ක්රමයක් වෙනුවට ඒවාට වැට බඳින ආර්ථිකයක් වෙත ඉතා වේගයෙන් ගමන් කළ යුතුව තිබේ.
(***)
ජාත්යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
උත්සවශ්රීයෙන් හොඳ ආරම්භයක් ගෙන සද්ද නැතිවම අතහැර දමන ව්යාපෘති ආරම්භ කෙරෙන්නේම බොරු පුරාජේරු මට්ටමෙනි. ඒවා ක්රියාවට නංවන්නේත් ලාබ ප්රචාරක වැඩට ක
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අල්ලස් - දූෂණ මර්දන අවි තව තවත් ශක්තිමත් කරමු