කතුවැකිය

ශිෂ්‍යත්වයට මුහුණ දුන්නා සේම උසස් පෙළත් සාර්ථක කරගනිමු

අධ්‍යයන පොදු සහතික පත්‍ර උසස් පෙළ විභාගය ඊයේ ආරම්භ විය. රට පුරා විභාග මධ්‍යස්ථාන 2,648ක ඇරැඹුණ උසස් පෙළ විභාගය නොවැම්බර් මස 6 වැනිදා දක්වා පැවැත්වෙයි. රටේ අනාගත වගකීම බාර ගැනීමට සිටින ජාතියේ දුවා දරුවන්ට මෙම විභාගයට සාර්ථකව මුහුණ දීමට සමත් දියුණු හා නිරෝගී පරිසරයක් අඛණ්ඩව පවතීවා යන්න අපගේ ප්‍රාර්ථනය වේ.

13 October 2020

කුලප්පුවීම් එපා: බුද්ධිමත්ව කටයුතු කරමු

සන්ත්‍රාසය යනු ඉංග්‍රීසි භාෂාවෙන් ‘‘Panic’’ යන්නට සිංහල භාෂාවෙන් යෙදෙන වදනකි. තවත් අර්ථයක් වශයෙන් හදිසි බිය නිසා හටගන්නා ව්‍යාකූල බව වශයෙන් ද ගත හැකිය. එමෙන්ම වඩාත් සරල ආකාරයකට එය ‘කුලප්පු වීම’ කියා ද කිව හැක. මේ අර්ථ දැක්වීම් සියල්ලම මේ දිනවල රටේ පොදු මහජනතාවට අදාළ වන්නේ මිනුවන්ගොඩ බ්‍රැන්ඩික්ස් කොරෝනා පොකුර හේතුවෙනි.

08 October 2020

කෝටි දෙක හමාරක හාල් පැන්නුවේ කොහොමද?

රුපියල් කෝටි දෙක හමාරකට අධික වටිනාකමකින් යුත් කිලෝ 50 සහල් මිටි 8,327 ක් අතුරුදන් කළැයි අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබූ සතොස ඔරුගොඩවත්ත ගබඩාවේ ගබඩා පාලකවරුන් දෙදෙනකු රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් රජින්ද‌ා ජයසූරිය මහත්මිය නියෝග කළ බව සඳහන් පුවතක් අප පුවත්පත ඉකුත්ද‌ා වාර්තා කළේය.

06 October 2020

අනතුර හඳුනාගනිමු: සෞඛ්‍ය පිළිවෙත් අනුගමනය කරමු

නව කෙරෝනා වයිරසය හේතුවෙන් ගම්පහ දිස්ත්‍රික්කයේ මිනුවන්ගොඩ සහ දිවුලපිටිය පොලිස් බල ප්‍රදේශවලට නැවත දැනුම්දෙනතුරු පොලිස් ඇඳිරි නීතිය පනවා තිබේ. ලබන 09 වැනිදා සිට ආරම්භ වීමට තිබූ පාසල් නිවාඩුව මුළු ලංකාවටම බලපාන පරිදි අද (05) සිට ලබාදීමට අධ්‍යාපන අමාත්‍යාංශය තීරණය කර ඇත. ලබන 12 වැනිදා සිට ආරම්භ වීමට නියමිත උසස් පෙළ විභාගය සහ පහේ ශිෂ්‍යත්වය පිළිබඳව මේ සටහන තබන මොහොත වන තෙක් තීරණයක් ගෙන නැත.

05 October 2020

කළුබෝවිල රෝහලෙන් පොලිසියට චෝදනාවක්

කළුබෝවිල ශික්ෂණ රෝහලේ මෘත ශරීරාගාරයේ ශීතකරණ 36න් 27කම හඳුනා නොගත් සිරුරු වසර දෙකක පමණ කාලයක සිට තැන්පත් කර තිබීමෙන් දෛනිකව පශ්චාත් මරණ පරීක්ෂණ පැවැත්වීම සඳහා යොමු කෙරෙන සිරුරු තැන්පත් කිරීමට පහසුකම් නොමැතිව කාර්ය මණ්ඩලය සහ ජනතාව දැඩි අපහසුතාවට පත්ව සිටින බව සඳහන් පුවතක් අප පුවත්පත ඉකුත්දා වාර්තා කළේය.

02 October 2020

ළමා දිනය - වැඩිහිටි දිනය දින දර්ශනයට සීමා නොකරමු

ජාත්‍යන්තර ළමා දිනය හා ජාත්‍යන්තර වැඩිහිටි දිනය අදට යෙදී තිබේ. සමාජයේ පොදු ආදරයත් රැකවරණයත් විශේෂයෙන්ම හිමි විය යුතු දෙපිරිසක් ලෙස ළමයා සහ වැඩිහිටියා හැඳින්විය හැකිය. ඒ වෙනුවෙන් මිනිස් සමාජයේ පොදු අවධානය යොමු කිරීම සඳහා වෙන් වූ ඔක්තෝබර් 1 වැනි දිනය එම දිනයේ අරුත වඩාත් ඉහළින් ඔප් නැංවීමට සමත් වූ දිනයක් බවට පරිවර්තනය කර ගැනීමේ වැදගත්කම අප ඉදිරිපිට තිබේ.

01 October 2020

පරිසරය වැනසෙන සේ ඉඩම් කට්ටිකිරීම නවත්වමු

සතුටින් සිටීමේ ප්‍රථම කොන්දේසිය වන්නේ මිනිසා සහ සොබාදහම අතර බැඳියාව නොකැඩීම බව රුසියානු මහ ගත්කරු ලියෝ තෝල්ස්තෝයි වරක් ප්‍රකාශ කළේය. එසේ නම් මේ බැඳියාව කඩා බිඳ දැමීම මිනිසාගේ සතුට විනාශ කිරීමකි. එසේ නොකර සොබාදහම සමඟ සම්බන්ධතාව පවත්වාගෙන යාමටද වෙනම කොන්දේසියක් තිබේ. ඒ පරිසරය රැක ගැනීමයි. සොබාදහමට අනුකූල වන සේ අප අවට පරිසරයද රැකගත හැකි නම් අප සියලු‍දෙනාගේම සතුටද රැකෙනු ඇති බව මේ සියල්ලේ යථාර්ථයයි.

30 September 2020

නූතන යුගයේ දිසාපාමොක්ලා

දිඹුලාගල අධ්‍යාපන කලාපයට අයත් මැදගම මහා විද්‍යාලයේ විදුහල්පතිවරයා ඇතුළු ගුරුවරුන් පිරිසක් වේලාසනින් පාසල නිමාකර මංගල කටයුත්තක් සඳහා බැහැර යාමත් සමග පාසල් දරුවන් ඇතුළු තමන් දැඩි අසීරුතාවට පත් වූ බව එම පාසලේ දරුවන්ගේ මව්පියන් චෝදනා කරන බව සඳහන් පුවතක් අප පුවත්පත ඉකුත් ද‌ා වාර්තා කළේය. මෙම පාසලේ 1 වසරේ සිට 13 වසර දක්වා දරුවන් 800 ක් පමණ අධ්‍යාපනය ලබන බව ද අප ප්‍රවෘත්තියේ සඳහන් ය.

29 September 2020

රේගුවට මඩ ගාන රේගුවේම නිලදරුවෝ

කහ සහ කාර් මාතෘකා දෙකම මේ වනවිට රටේ ‘‘සුපර් හිට්’’ ගණයට වැටී තිබේ. මේ මාතෘකා දෙකට අදාළ භාණ්ඩ දෙකම අත්‍යවශ්‍යය. එකක් ආහාර රසවත් කිරීම සඳහාය. අනෙක ගමනාගමන පහසුකම් සඳහාය. එහෙත් මේ භාණ්ඩ දෙකම රටට නොගෙන්වීම හේතුවෙන් ඒ ගැන කතාබහ බෙහෙවින් උණුසුම් කටගැසුම් බවට පත්ව තිබේ. සමහරුන්ට කහ කියූ පමණින් රතු කට්ට පනින තරමට මාතෘකාව අජීර්ණය. එහෙත් රේගුවේ ඇතැම් නිලධාරීන් නම් මේ මාතෘකා දෙක මුදල් ගලන උල්පත් බවට හරවාගෙන තිබෙන බවට පසුගිය දිනවල වාර්තා පළ විය.

28 September 2020

නාරාහේන්පිටින් පෙන්වූ රාජ්‍ය සේවයේ පිරිහීම

නිවාස සංවර්ධන අධිකාරියට අයත් නාරාහේන්පිට කාර්යාලයට අවස්ථා ගණනාවක් ගියද සිය අවශ්‍යතාව ඉටුකර ගැනීමට නොහැකි වූ කාන්තාවක විසින් කරන ලද පැමිණිල්ලක් මත ජනාධිපති ගෝඨාභය රාජපක්ෂ මහතා පෙරේදා එම කාර්යාලයේ හදිසි නිරීක්ෂණ චාරිකාවක නිරත වූ බව අප පුවත්පත ඊයේ වාර්තා කළේය.

25 September 2020

ගිනිගත්හේනෙන් දුන් අධ්‍යාපන සාම්පලය

ආර්ථික අගහිඟකම් හේතුවෙන් පාසල් ගමන අතරමග නතර කළ දියණියන් දෙදෙනකු හා පුතකු සම්බන්ධ අනුවේදනීය පුවත අප පුවත්පත මගින් රටට අනාවරණය කිරීමත් සමග දෙස් විදෙස් පරිත්‍යගශීලි මිනිසුන්ගේ කුළුණුබර නෙත් එම දරු පැටවුන් වෙත යොමුවිය..

24 September 2020

ප්‍රමිතියෙන් තොර ගොඩනැගිලි හැදූ සහ හදන අයට දඬුවම් නැද්ද?

මහනුවර, බූවැලිකඩ සංඝමිත්තා මාවතේ පිහිටි පස් මහල් හෝටල් ගොඩනැගිල්ලක් කඩා වැටීමෙන් ඊට පහළින් තිබූ හෝටල් ගොඩනැගිල්ලක සිටි තරුණ අඹු සැමි යුවළක් සහ ඔවුන්ගේ මාස එකහමාරක් වයසැති බිලිඳිය මිය යාමේ සංවේග ජනක ප්‍රවෘත්තිය අප පුවත්පත පෙරේදා වාර්තා කළේය. අනපේක්ෂික අනතුරෙන් පණ පිටින් වැළලුණ මව – පියා සහ මාස එකහමාරක් වයසැති බිලිඳිය නමින් කම්පිත මිනිස් හදවත් සමග ‘‘ලංකාදීප’’‌යද සාතිශය සංවේගයෙන් යුතුව එක්වෙයි.

23 September 2020

පළාත් සභා ක්‍රමය දිගටම පවත්වාගෙන යා යුතුද?

පළාත් සභා අහෝසි කොට පළාත් නවය සඳහා ඇමැතිවරුන් 09 දෙනකු පත්කළ යුතු බවට ගෙන ආ යෝජනාවක් වළල්ලාවිට ප්‍රාදේශීය සභාව මගින් පසුගියදා සම්මත කරගනු ලැබීය. පළාත් සභා ක්‍රමය ජනවාර්ගික ගැටලු‍වට හෝ වෙනත් ගැටලු‍වලට හෝ කිසිදු විසඳුමක් ලබාදීමට අපොහොසත් වී ඇතැයිද පළාත් සභා මහජනතාවගේ මුදල් නාස්ති කරන ආයතන බවට පත්වී ඇතැයිද එහිදී ප්‍රකාශ වී තිබිණි. මෙම යෝජනාව ඉදිරිපත් කොට සම්මත කරගත් ප්‍රාදේශීය සභාවේ බලය වත්මන් ආණ්ඩුව හා සම්බන්ධ කණ්ඩායමකි.

22 September 2020

නවක වදයට තිත තබමු

පේරාදෙණියේ විශ්වවිද්‍යාල ඉංජිනේරු පීඨයේ නවක වදය උග්‍ර අතට හැරීමෙන් එහි දෙවැනි වසරේ සිසුන්ගේ අධ්‍යයන පාඨමාලාව පසුගිය 16 වැනිදා තාවකාලිකව අත්හිටුවා තිබේ. විශ්විද්‍යාලය තුළ නවක වදය ක්‍රියාත්මක වන බවට ලැබුණු පැමිණිලි සලකා බැලීමෙන් පසුව එම තීරණය ගත් බව එම විශ්ව විද්‍යාලයේ උප කුලපති මහාචාර්ය උපුල් බී. දිසානායක මහතා ප්‍රකාශ කර තිබිණි.

21 September 2020

පරිසරය වනසා රට අගාධයට ගෙන යන්නෝ

ගම්පහ මහ නගර සභා සීමාවට අයත් බදුවතුගොඩ ප්‍රදේශයේ අන්නාසි වත්තකට ගලි බවුසර්වලින් මළ අපද්‍රව්‍ය බැහැර කිරීමක් සිදු කෙරෙන බවත් මේ නිසා ළිං ජලය පවා අපවිත්‍ර වන තත්ත්වයක් පවතින බැවින් මීට විසඳුමක් අවශ්‍ය බව ගම්පහ මහ නගර සභාවේ මෙවර මාසික රැස්වීමේදී එහි ස්වාධීන මන්ත්‍රී සිරිනාථ කුරුප්පු මහතා ප්‍රකාශ කළ බව සඳහන් පුවතක් අප පුවත්පත ඉකුත්දා වාර්තා කළේය.

18 September 2020

මාර්ග තදබදය වැළැක්වීමට තාක්ෂණය යොදවාගමු

“නැවත අරඹමු මහමග විනය” යනුවෙන් යළි ක්‍රියාත්මක වූ මංතීරු නීතිය පළමු දිනයේදී දැඩි වාහන තදබදයකට හේතු වී තිබිණි. මෙකී නීතිය පිළිබඳව තමන් දැනුම්වත්ව නොසිටි බව බොහොමයක් රියැදුරන් ප්‍රකාශ කළ අතර මංතීරු නීතිය හේතුවෙන් තමන්ට පැය ගණන් මහාමාර්ගවල රස්තියාදු වීමට සිදුවූ බවට ද ඔවුහු චෝදනා කළහ. ඒ අතර මංතීරු නීතිය පිළිබඳ දින තුනක් තිස්සේ රියැදුරන් දැනුම්වත් කරන බව පවසන පොලිසියේ රථවාහන අංශය ඉන් අනතුරුව මංතීරු නීතිය කඩකරන රියැදුරන්ට එරෙහිව නීතිය ක්‍රියාත්මක කරන බ

17 September 2020

ජීවන බර සැහැල්ලුවට ඉක්මන් විසඳුමක් ඕනෑ

සාමාන්‍යයෙන් අපේ රටේ පොල් මිල ඉහළ යන්නේ නොවැම්බර් මාසයේය. එහෙත් තවම සැප්තැම්බර් වුවද මේ දිනවල පොල් ගෙඩියක මිල ගණන් අසන පාරිභෝගිකයාට එලොව පොල් පෙනුණොත් ඒ ගැන පුදුම විය යුතු නැත. ඒ තරම් පොල් ගෙඩියක මිල ඉහළ ගොස් තිබේ. ඇතැම් තැනක පොල් ගෙඩියක මිල රුපියල් 95 දක්වා මිලකට අලෙවි වන අතර සාමාන්‍ය වශයෙන් රුපියල් 80කට අලෙවි වන බව සඳහන් කිරීම වඩාත් සාධාරණය.

16 September 2020

තේ ජාවාරම්කාර වසලයන් ඉහළම දඬුවම් දී රටින් පන්නමු

තේ කුඩුවලට රසායනික ද්‍රව්‍ය මිශ්‍රකර දේශීය හා විදේශීය වෙළෙඳපොළට නිකුත් කරන උඩුනුවර වෙළම්බඩ ප්‍රදේශයේ තේ කර්මාන්ත ශාලාවක් වටලා තේ කුඩු, කසළ තේ සමග විවිධ වර්ගයේ රසායනික ද්‍රව්‍ය කිලෝ 75ක්, සීනි පැණි බෝතල් 138ක් සහ හඳුනා නොගත් අමුද්‍රව්‍ය රැසක් අත්අඩංගුවට ගැනීමට පොලිස් විශේෂ කාර්ය බළකාය සමත්වීමේ පුවතක් අප පුවත්පත ඊයේ වාර්තා කළේය.

15 September 2020

කුප්පි ලාම්පු එළියෙන් දිවිගතකළ ගමට එළිය

රිදීමාලියද්ද ප්‍රාදේශීය ලේකම් කොට්ඨාසයට අයත් කළුකැලේ ගම්මානයේ ජීවත්වන පවුල් 72ක් විදුලිය බලය නොමැති නිසා අන්ත දුෂ්කර ජීවිතයක් ගත කරන බව සඳහන් පුවතක් අප පුවත්පත ඉකුත් දා වාර්තා කළේය. විදුලිය බලය නොමැති හෙයින් එම ගම්මානයේ ජීවත්වන සිඟිති, තුරුණු, වැඩිහිටි සියලු පිරිස්වලට කුදු මහත් අවශ්‍යතා සපුරා ගැනීමට සිදුවන්නේ කුප්පි ලාම්පු එළියෙන් බවත් ලාම්පු තෙල් සොයා ගැනීමට නොහැකි වූ විට මුළු ගම්මානයම අන්ධකාරයෙන් වැසී යන බවත් අප ප්‍රවෘත්තියෙහි වැඩිදුරටත් සඳහන්ය

14 September 2020

දුම්රිය පමාවට පිළියම් නැද්ද?

බදුල්ල සිට කොළඹ දක්වා ධාවනය වන රාත්‍රී තැපැල් දුම්රියේ රියදුරන් අතිකාල දීමනා ලබා ගැනීමේ අරමුණින් බදුල්ලේ සිට බණ්ඩාරවෙල දුම්රිය ස්ථානය දක්වා ගමන් කිරීමට පැය දෙකහමාරක පමණ කාලයක් ගන්නා බවට දුම්රිය මගීන් චෝදනා කරන බව සඳහන් පුවතක් අප පුවත්පත ඉකුත්දා වාර්තා කළේය. බදුල්ල සිට බණ්‍ඩාරවෙල දුම්රිය ස්ථානයට ඇති දුර කිලෝමීටර 35 ක් වුවද වේග සීමා ඉවත් කර තිබියදීත් මෙලෙස හිතාමතා දුම්රිය ප්‍රමාද කර ධාවනය කරන බවද එම ප්‍රවෘත්තියෙහි සඳහන්ය.

11 September 2020

පෞද්ගලික බසයට වද දෙන කප්පම්කරුවෝ

කොරෝනා වසංගතය හේතුවෙන් පෞද්ගලික බස් කර්මාන්තය කඩාවැටී තිබියදීත් මාසයකට රුපියල් කෝටි 20ක පමණ මුදලක් කප්පම්කරුවන්ට ගෙවීමට සිදුවී ඇතැයි ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය. දිවයින පුරා තිබෙන පෞද්ගලික බස් රථ 20,000කින් පමණ නිල හා නොනිල ආකාරයට කප්පම්කරුවන් මෙලෙස කප්පම් මුදල් අය කරන බව ද ඒ මහතා ප්‍රකාශ කළ බව එම ප්‍රවෘත්තියේ වැඩිදුරටත් සඳහන්ය.

10 September 2020

නැවේ ගින්න උගන්වන පාඩම

අපේ රටට මහත් ව්‍යසනයක් විය හැකිව තිබූ ‘‘නිව් ඩයමන්ඩ්’’ බොර තෙල් ප්‍රවාහන නෞකාවේ ගින්න සම්පූර්ණයෙන් පාලනය කර ඇති බව ප්‍රකාශයට පත්වීම මහත් සැනසිල්ලකට හේතුවකි. ශ්‍රී ලංකාවට නැගෙනහිරින් පිහිටි මහ මුහුදේදී ගිනිගෙන දැවෙමින් තිබූ නැව පසුගිය දින කිහිපය තුළ රටේ ප්‍රධාන ‘‘කටගැස්ම’’ බවට පත්ව තිබිණි.

09 September 2020

වනාන්තර වනසන ද්‍රෝහින්ට දඬුවම් නැද්ද?

වනාතවිල්ලුව, එළුවන්කුලම, කුරටියාමොහොට්ටේ ප්‍රදේශයේ පිහිටි දැවැන්ත වනාන්තර පද්ධතියක අක්කර 100කට ආසන්න ප්‍රමාණයක් ප්‍රාදේශීය දේශපාලනඥයකුගේ ආධාර අනුබල ඇතිව වනසා ඇති බව වයඹ හඬ පරිසර සංවිධානයේ සංවිධායක අජිත් ගිහාන් මහතා ප්‍රකාශ කරන බව සඳහන් පුවතක් අප පුවත්පත ඊයේ වාර්තා කළේය. යාන්ත්‍රික කියත් උපයෝගී කරගනිමින් මාස ගණනාවක් තිස්සේ මෙම දැවැන්ත වන සංහාරය සිදු කර ඇති බව ද අප ප්‍රවෘත්තියේ වැඩිදුරටත් සඳහන්ය.

08 September 2020

පරිසරයට හානිකර ‘කාල’ සහ ‘සැචේ’

කාලෙ බෝතල් හැමෝටම වැදගත් නැත. එහෙත් වැදගත් වන පිරිසක් ද වෙති. සැචේ පැකට්ද එසේමය. පිරිසකට වැදගත්ය. තවත් පිරිසකට වැඩකට නැත. එහෙත් මේ සියලු‍ දෙනාටම වැදගත් වන සාධකයක් කාලේ බෝතල්වලට මෙන්ම සැචේ පැකට්වලටද අදාළය. ඒ මේ දෙකම පරිසරයේ සතුරන් වීමය.

07 September 2020

දිළිඳු පවුල් නඟාසිටුවන ප්‍රයත්නය අගයමු

දිළිඳු පවුල් ලක්ෂයකට රැකියා ලබාදීමේ වැඩසටහන ඉකුත් දා ආරම්භ විය. රජය විසින් පිහිටුවා ඇති බහුකාර්ය සංවර්ධන කාර්ය සාධක බලකාය මගින් අඩු ආදායම්ලාභී සහ නිපුණතාව රහිත ජන කොටස් ආර්ථිකමය වශයෙන් ශක්තිමත් කිරීමේ අරමුණෙන් මෙම ව්‍යාපෘතිය ක්‍රියාත්මක කරන බව ජනාධිපති ලේකම් කාර්යාලයෙන් නිකුත් කළ නිවේදනයක සඳහන් වන බව අප පුවත්පත වාර්තා කළ ප්‍රවෘත්තියක සඳහන් විය.

03 September 2020

නිවාස සංවර්ධන අධිකාරියේ ජනතා සේවය

නිවාස සංවර්ධන අධිකාරියේ හිඟුරක්ගොඩ කාර්යාලයේ එක් නිලධාරියකු පමණක් සිටිය දී අනෙකුත් නිලධාරීන් සියලු දෙනා විවාහ මංගල්‍ය උත්සවයකට සහභාගිවීමට කාර්යාලයෙන් පිටව යාම නිසා එම සේවා ලබා ගැනීමට පැමිණි ජනතාවට ආපසු හැරී හිස් අතින් යාමට සිදු වූ පුවතක් අප පුවත්පත ඉකුත්දා වාර්තා කළේය.

02 September 2020

මෙවන් අත්වැරැද්දක් යළි සිදු නොවිය යුතුය

දිවයින පුරා පසුගිය 17 වැනිදා සිදු වූ විදුලිය බිඳ වැටීම විදුලි අධිකාරිවරයකුගේ අත්වැරැද්දකින් ඇතිවූවක් බව ඒ සම්බන්ධයෙන් සොයාබැලීමට පත්කළ කමිටු වාර්තාව මගින් පෙන්වා දී තිබේ. අදාළ නිලධාරියා අතින් එම වැරැද්ද සිදුවී ඇත්තේ කෙරවලපිටිය උපබලාගාරයක සිදුකෙරුණු නඩත්තු කටයුත්තක දී බව සඳහන්ය.

01 September 2020

අභයභූමිය වැනසූ අයට දැඩි දඬුවම් ඕනෑ

කුරුණෑගල රාජසභා මණ්ඩපය ඩෝසර් කිරීමේ සිද්ධියේ උණුසුම පහව යාමටත් පෙර තවත් ඩෝසර් කිරීමක් වාර්තා වී තිබේ. පුත්තලම ආනවිලු‍න්දාව අභයභූමියේ කොටසක සිදුකෙරුණු මෙකී ඩෝසර් කිරීමෙන් අක්කර 04කට ආසන්න තෙත් භූමියක් මුඩු බිමක් බවට පත්ව ඇත. රාජසභා මණ්ඩප පමණක් නොව අභයභූමි වුවද ඩෝසර් කිරීම ශ්‍රී ලංකා ජනරජයේ සාමාන්‍ය පුරවැසියකුට නම් කළ හැකි ක්‍රියාවක් නොවන බවත් එවැනි ක්‍රියාවක් පසුපස බලවත් දේශපාලන හස්තයක් තිබිය යුතු බවත් දෙකේ පන්තියේ ළමයකුගෙන් වුවද දැනගත හැකිය.

31 August 2020